masthmagaa.com:
ಈಗಾಗಲೇ ಒಮೈಕ್ರಾನ್ ಹಾವಳಿ ಮಿತಿ ಮೀರಿದ್ದು, ಇಡೀ ವಿಶ್ವದಲ್ಲಿ ಕೊರೋನಾ ಹೊಸ ದಾಖಲೆ ಬರೆದಿದೆ. ಇದ್ರ ಬೆನ್ನಲ್ಲೇ ಈಗ ಕೊರೋನಾದ ಮತ್ತೊಂದು ವೈರಾಣು ಹುಟ್ಕೊಂಡಿರೋ ಬಗ್ಗೆ ವಿಜ್ಞಾನಿಗಳು ಎಚ್ಚರಿಸಿದ್ದಾರೆ. ಇದನ್ನು ನಿಯೋ ಕೋವ್ ಅಂತ ಕರೆಯಲಾಗಿದೆ. ಕೊರೋನಾ ಮೊದಲು ಪತ್ತೆಯಾದ ಚೀನಾದ ವುಹಾನ್ ವಿಜ್ಞಾನಿಗಳು ಈ ಬಗ್ಗೆ ಮಾಹಿತಿ ನೀಡಿದ್ಧಾರೆ. ಈ ರೂಪಾಂತರಿ ಕೊರೋನಾ ದಕ್ಷಿಣ ಆಫ್ರಿಕಾದಲ್ಲಿ ಪತ್ತೆಯಾಗಿದ್ದು, ಇದು ಬಂದ ಮೂವರಲ್ಲಿ ಒಬ್ಬರು ಪ್ರಾಣ ಕಳ್ಕೊಳ್ತಾರೆ.. ಮತ್ತು ವೇಗವಾಗಿ ಒಬ್ಬರಿಂದ ಒಬ್ಬರಿಗೆ ಹರಡೋ ಸಾಮರ್ಥ್ಯ ಹೊಂದಿದೆ.. ಅಷ್ಟು ಭಯಾನಕವಾಗಿದೆ ಈ ವೈರಾಣು ಅಂತ ಕೂಡ ವಿಶ್ವಕ್ಕೆ ಎಚ್ಚರಿಕೆ ಸಂದೇಶ ರವಾನಿಸಿದ್ದಾರೆ. ಅಂದಹಾಗೆ ಈ ವೈರಾಣು ವಿಶ್ವಕ್ಕೆ ಹೊಸತೇನಲ್ಲ.. 2012 ಮತ್ತು 2015ರಲ್ಲೇ ಮಿಡಲ್ ಈಸ್ಟ್ ದೇಶಗಳಲ್ಲಿ ನಿಯೋಕೋವ್ ಪತ್ತೆಯಾಗಿತ್ತು. ಇದು ಕೊರೋನಾ ವೈರಾಣುವಿನಂತೆಯೇ ಇದ್ದು, ಸಾರ್ಸ್ ಕೋವ್ ವೈರಾಣುವಿನೊಂದಿಗೆ ನಿಕಟ ಸಂಪರ್ಕ ಹೊಂದಿದೆ. ಜೊತೆಗೆ ಇದು ಇನ್ನೂ ಕೂಡ ಮನುಷ್ಯರಿಗೆ ಹರಡೋಕೆ ಶುರುವಾಗಿಲ್ಲ. ಸದ್ಯ ದಕ್ಷಿಣ ಆಫ್ರಿಕಾದ ಬಾವಲಿಗಳಲ್ಲಿ ಪತ್ತೆಯಾಗಿದ್ದು, ಪ್ರಾಣಿಗಳಲ್ಲಿ ಮಾತ್ರವೇ ಹರಡುತ್ತಿವೆ. ಈಗ ನಿಯೋಕೋವ್ ಮತ್ತು ಅದರ ಹತ್ತಿರದ ಸಂಬಂಧಿ ಪಿಡಿಎಫ್ 2180-ಕೋವ್ ಮನುಷ್ಯರಿಗೂ ಹರಡಬಹುದು ಅಂತ ಬಿಯೋರಿಕ್ಸಿವ್ ಅನ್ನೋ ವೆಬ್ಸೈಟ್ನಲ್ಲಿ ಪ್ರಕಟಿಸಲಾದ ವುಹಾನ್ ವಿವಿ ಮತ್ತು ಚೈನಾ ಅಕಾಡೆಮಿ ವಿಜ್ಞಾನಿಗಳ ಅಧ್ಯಯನ ವರದಿಯಲ್ಲಿ ಹೇಳಲಾಗಿದೆ. ಜೊತೆಗೆ ಈ ಸಂಬಂಧ ಹೆಚ್ಚಿನ ಅಧ್ಯಯನದ ಅಗತ್ಯತೆ ಇದೆ ಅಂತ ಕೂಡ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
-masthmagaa.com
Contact Us for Advertisement