masthmagaa.com:
ಅಮೆರಿಕ ಕೊರೋನಾ ವೈರಸ್ ವಿರುದ್ಧ ಔಷಧ ಅಭಿವೃದ್ಧಿಪಡಿಸಲು ಮುಂದಾಗಿದೆ. ಅದಕ್ಕಾಗಿ 3.3 ಬಿಲಿಯನ್ ಡಾಲರ್ ಅಂದ್ರೆ 23 ಸಾವಿರ ಕೋಟಿ ರೂಪಾಯಿಗೂ ಅಧಿಕ ಮೊತ್ತವನ್ನು ಖರ್ಚು ಮಾಡಲು ನಿರ್ಧರಿಸಿದೆ. ಈ ಆ್ಯಂಟಿ ವೈರಲ್ ಡ್ರಗ್ ಈ ವರ್ಷಾಂತ್ಯಕ್ಕೆ ರೆಡಿಯಾಗೋ ಭರವಸೆ ಇದೆ ಅಂತ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ವೈದ್ಯಕೀಯ ಸಲಹೆಗಾರ ಅಂಥೋಣಿ ಫೌಚಿ ಹೇಳಿದ್ದಾರೆ. ಆ್ಯಂಟಿವೈರಲ್ ಪ್ರೋಗ್ರಾಂ ಆಫ್ ಪ್ಯಾಂಡೆಮಿಕ್ಸ್ ಹೆಸರಿನ ಪ್ಲಾನ್ ಇದಾಗಿದೆ. ಇತ್ತೀಚೆಗಷ್ಟೇ 1.9 ಟ್ರಿಲಿಯನ್ ಡಾಲರ್ ಮೊತ್ತದ ಅಮೆರಿಕನ್ ರೆಸ್ಕ್ಯೂ ಪ್ಯಾಕೇಜ್ ಪಾಸ್ ಮಾಡಲಾಗಿತ್ತಲ್ವಾ.. ಅದರಿಂದಲೇ ಕೊರೋನಾ ಔಷಧ ಅಭಿವೃದ್ಧಿಯ ಈ ಯೋಜನೆಗೆ ದುಡ್ಡು ನೀಡಲಾಗುತ್ತೆ. ಕೊರೋನಾ ವೈರಸ್ ಮತ್ತು ಮುಂದೆ ಬರಬಹುದಾದ ಅಂಥಹ ಬೇರೆ ವೈರಸ್ಗಳ ವಿರುದ್ಧ ಹೋರಾಟಕ್ಕಾಗಿ ಈ ಹೆಜ್ಜೆ ಇಡಲಾಗಿದೆ. ಅಷ್ಟೇ ಅಲ್ಲ. ಲಸಿಕೆ ಇದ್ರೂ ಕೂಡ ಲಸಿಕೆ ಕೆಲವರಿಗೆ ಕೊರೋನಾದಿಂದ ರಕ್ಷಣೆ ನೀಡದೇ ಇದ್ರೆ, ಮತ್ತು ರೂಪಾಂತರಿ ಕೊರೋನಾಗಳನ್ನು ತಡೆಯೋಕೆ ಲಸಿಕೆಗೆ ಆಗದೇ ಇದ್ರೆ ಅಂಥಹ ಸಮಯದಲ್ಲಿ ಈ ಆ್ಯಂಟಿ ವೈರಲ್ ಡ್ರಗ್ ಉಪಯೋಗಕ್ಕೆ ಬರುತ್ತೆ ಅಂತ ಅಂಥೋಣಿ ಫೌಚಿ ಹೇಳಿದ್ದಾರೆ. ಈ ನಡುವೆ ಕೊರೋನಾ ಸಂಬಂಧ ಬೇರೆ ದೇಶಗಳ ಮೇಲೆ ಹೇರಲಾಗಿದ್ದ ನಿರ್ಬಂಧಗಳ ಸಂಬಂಧ ಹೊಸ ಗೈಡ್ಲೈನ್ಸ್ ಹೊರಡಿಸಿದೆ. ಈ ಮೂಲಕ ಇರಾನ್, ವೆವೆಜುಯೆಲಾ ಮತ್ತು ಸಿರಿಯಾದಂತ ಹಲವು ದೇಶಗಳ ಮೇಲೆ ಮಾಸ್ಕ್, ವೆಂಟಿಲೇಟರ್ಸ್ ಪೂರೈಕೆ ಸಂಬಂಧ ಹೇರಿದ್ದ ನಿರ್ಬಂಧಗಳನ್ನು ತೆಗೆದು ಹಾಕಲಾಗಿದೆ. ಇನ್ನು ಅಮೆರಿಕದ ಫೇಮಸ್ ಸರ್ಕಾರಿ ಹೆಲ್ತ್ ಇನ್ಶೂರೆನ್ಸ್ ಒಬಾಮಾ ಕೇರ್ ತೆಗೆದು ಹಾಕಬೇಕು ಅಂತ ರಿಪಬ್ಲಿಕನ್ ಆಡಳಿತವಿರೋ ರಾಜ್ಯಗಳು ಸಲ್ಲಿಸಿದ್ದ ಅರ್ಜಿಯನ್ನು ಸುಪ್ರೀಂಕೋರ್ಟ್ ತಿರಸ್ಕರಿಸಿದೆ. ಈ ನಡುವೆ ಇಡೀ ವಿಶ್ವದಲ್ಲಿ ಕೊರೋನಾಗೆ ಬಲಿಯಾದವರ ಸಂಖ್ಯೆ 40 ಲಕ್ಷ ಗಡಿ ದಾಟಿದೆ.
-masthmagaa.com
Contact Us for Advertisement