masthmagaa.com:
ಬಿಗ್ ಬಾಸ್ ಖ್ಯಾತಿಯ ಜಯಶ್ರೀ ರಾಮಯ್ಯ ನೇಣುಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಅವರು ಡಿಪ್ರೆಶನ್ನಲ್ಲಿದ್ರು ಅಂತ ಹೇಳಲಾಗಿತ್ತು. ಈ ಹಿಂದೆಯೂ ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದರು. ಬಳಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದರು. ಇದೀಗ ಬೆಂಗಳೂರಿನ ಮಾಗಡಿ ರಸ್ತೆಯ ವೃದ್ಧಾಶ್ರಮದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಸ್ಥಳಕ್ಕೆ ಬಂದಿರೋ ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.
ಅಂದ್ಹಾಗೆ ಈ ಹಿಂದೆ ಜುಲೈ 22ರಂದು ಜಯಶ್ರೀ ರಾಮಯ್ಯ ತಮ್ಮ ಫೇಸ್ಬುಕ್ ಅಕೌಂಟ್ನಲ್ಲಿ, ‘ಈ ಕೆಟ್ಟ ಜಗತ್ತು ಮತ್ತು ಡಿಪ್ರೆಶನ್ಗೆ ವಿದಾಯ’ ಅಂತ ಪೋಸ್ಟ್ ಮಾಡಿ ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ರು. ಆಗ ಮಾತನಾಡಿದ್ದ ಅವರ ಸ್ನೇಹಿತೆ ನಟಿ ಅಶ್ವಿತಿ ಅನ್ನೋರು, ‘ಜಯಶ್ರೀ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದಳು. ಕೊರೋನಾ ಬಿಕ್ಕಟ್ಟಿನ ನಂತರ ಅವಕಾಶಗಳು ಕೂಡ ಕಮ್ಮಿಯಾದ್ವು’ ಅಂತ ಹೇಳಿದ್ದರು.
-mathmagaa.com
Contact Us for Advertisement