masthmagaa.com:
ಜಗತ್ತಿನಲ್ಲಿ ಸದ್ಯ ಸೇವೆಯಲ್ಲಿರೋದು ಒಂದೇ ಒಂದು ಸ್ಪೇಸ್ ಸ್ಟೇಷನ್. ಅದೇ ಅಮೆರಿಕ, ರಷ್ಯಾ, ಯುರೋಪ್, ಜಪಾನ್ ಮತ್ತು ಕೆನಡಾ ಬೆಂಬಲಿತ ಇಂಟರ್ನ್ಯಾಷನಲ್ ಸ್ಪೇಸ್ ಸ್ಟೇಷನ್- ಐಎಸ್ಎಸ್. ಇದಕ್ಕೆ ಚೀನಾ ಸೇರಬಾರ್ದು ಅಂತ ಅಡ್ಡಗಾಲು ಹಾಕ್ತಾನೇ ಬಂದಿದೆ ಅಮೆರಿಕ. ಹೀಗಾಗಿ ಐಎಸ್ಎಸ್ಗೆ ಸೆಡ್ಡು ಹೊಡೆಯಲು ಚೀನಾ ತನ್ನದೇ ಆದ ಸ್ವಂತ ಸ್ಪೇಸ್ ಸ್ಟೇಷನ್ ನಿರ್ಮಿಸುವ ಗುರಿ ಹೊಂದಿದೆ. 2022ರೊಳಗೆ ಆ ಸ್ಪೇಸ್ ಸ್ಟೇಷನ್ನ ನಿರ್ಮಾಣ ಕೆಲಸವನ್ನ ಪೂರ್ಣಗೊಳಿಸೋ ಪ್ಲಾನ್ ಚೀನಾದ್ದು. ಅದಕ್ಕೆ ಸಂಬಂಧಿಸಿದಂತೆ ಇವತ್ತು ಮಾನವರಹಿತ ಮಾಡ್ಯೂಲ್ವೊಂದನ್ನ ಉಡಾವಣೆ ಮಾಡಿದೆ. ಮೂರು ಕ್ರೂಗಳು ವಾಸಿಸಲು ಯೋಗ್ಯವಾದ ಮಾಡ್ಯೂಲ್ ಇದಾಗಿದೆ. ‘Tianhe’ – ಟಿಯಾನ್ಹೆ ಹೆಸರಿನ ಈ ಮಾಡ್ಯೂಲ್ ಅನ್ನ ಚೀನಾದ ಹೆವಿ ವೇಟ್ ಲಾಂಚ್ ವೆಹಿಕಲ್ ಆದ ಲಾಂಗ್ ಮಾರ್ಚ್ 5ಬಿ ಮೂಲಕ ಉಡಾವಣೆ ಮಾಡಲಾಗಿದೆ. ಚೀನಾ ನಿರ್ಮಿಸಲು ಉದ್ದೇಶಿಸಿರೋ ಬಾಹ್ಯಾಕಾಶ ನಿಲ್ದಾಣದ ಮೂರು ಪ್ರಮುಖ ಭಾಗಗಳಲ್ಲಿ ‘ಟಿಯಾನ್ಹೆ’ ಕೂಡ ಒಂದು. ಇದರ ಲೈಫ್ ಸ್ಪ್ಯಾನ್ ಅಥವಾ ವ್ಯಾಲಿಡಿಟಿ 10 ವರ್ಷ. ಅಂದ್ಹಾಗೆ ಚೀನಾ ತನ್ನದೇ ಆದ ಸ್ಪೇಸ್ ಸ್ಟೇಷನ್ ರೆಡಿ ಮಾಡೋಕೂ ಮೊದಲು 11 ಮಿಷನ್ಗಳನ್ನ ಪೂರ್ಣಗೊಳಿಸಬೇಕು. ಅದರಲ್ಲಿ ಮೊದಲ ಮಿಷನ್ ಇದಾಗಿದೆ. ಮುಂದಿನ 10 ಮಿಷನ್ಗಳಲ್ಲಿ, ಎರಡು ಇತರ ಕೋರ್ ಮಾಡ್ಯೂಲ್ಗಳನ್ನ, ಮಾನವಸಹಿತ 4 ಸ್ಪೇಸ್ಕ್ರಾಫ್ಟ್ಗಳನ್ನ ಮತ್ತು 4 ಕಾರ್ಗೊ ಸ್ಪೇಸ್ಕ್ರಾಫ್ಟ್ಗಳನ್ನ ಲಾಂಚ್ ಮಾಡಲಿದೆ. ಚೀನಾದ ಈ ಸ್ಪೇಸ್ ಸ್ಟೇಷನ್ ನಿರ್ಮಾಣ ಕೆಲಸ 2011ರಿಂದಲೇ ಶುರುವಾಗಿದೆ. 2011ರಲ್ಲಿ Tiangong-1 ಅನ್ನೋ ಸ್ಪೇಸ್ ಲ್ಯಾಬ್ ಅನ್ನ ಲಾಂಚ್ ಮಾಡಿತ್ತು. ಅದಾದ ಬಳಿಕ 2016ರಲ್ಲಿ Tiangong-2 ಸ್ಪೇಸ್ ಲ್ಯಾಬ್ ಲಾಂಚ್ ಮಾಡಿತ್ತು. 2030ರ ವೇಳೆಗೆ ಬಲಿಷ್ಠ ಸ್ಪೇಸ್ ಪವರ್ ದೇಶ ಆಗ್ಬೇಕು ಅನ್ನೋ ಆಸೆ ಇಟ್ಟುಕೊಂಡಿದೆ ಚೀನಾ. ಇದಕ್ಕೆ ಪೂರಕವೆಂಬಂತೆ ಚಂದ್ರನಲ್ಲಿಗೆ ಹೋಗಿದೆ, ಮಂಗಳ ಗ್ರಹಕ್ಕೆ ಮಾನವರಹಿತ ಸ್ಪೇಸ್ಕ್ರಾಫ್ಟ್ ಕಳಿಸಿದೆ. ಜೊತೆಗೆ ತನ್ನದೇ ಆದ ಸ್ಪೇಸ್ ಸ್ಟೇಷನ್ ರೆಡಿ ಮಾಡ್ತಿದೆ. ಸದ್ಯ ಸೇವೆಯಲ್ಲಿರೋ ಇಂಟರ್ನ್ಯಾಷನಲ್ ಸ್ಪೇಸ್ ಸ್ಟೇಷನ್ ಕಳೆದೆರಡು ದಶಕಗಳಿಂದ ಕೆಲಸ ಮಾಡ್ತಿದೆ. 2024ರಲ್ಲಿ ಐಎಸ್ಎಸ್ ಪ್ರಾಜೆಕ್ಟ್ ಎಕ್ಸ್ಪೈರ್ ಆಗಲಿದೆ. 2025ರಿಂದ ರಷ್ಯಾ ಕೂಡ ಈ ಪ್ರಾಜೆಕ್ಟ್ನಿಂದ ಹೊರಬರೋದಾಗಿ ಹೇಳಿದೆ. ಅಮೆರಿಕ ಜೊತೆಗಿನ ರಷ್ಯಾ ಸಂಬಂಧ ಅಷ್ಟು ಚೆನ್ನಾಗಿಲ್ಲ. ಆದ್ರೆ ಶತ್ರುವಿನ ಶತ್ರು ಮಿತ್ರ ಅನ್ನೋ ಹಾಗೆ ಚೀನಾಗೂ ರಷ್ಯಾಗೂ ಚೆನ್ನಾಗಿ ಆಗಿಬರುತ್ತೆ. ಹೀಗಾಗಿ ಈ ಸ್ಪೇಸ್ ಸ್ಟೇಷನ್ನ ರೇಸ್ ಮುಂದೇನಾಗುತ್ತೆ ಅನ್ನೋ ಕುತೂಹಲ ಹೆಚ್ಚಾಗಿದೆ.
-masthmagaa.com
Contact Us for Advertisement