masthmagaa.com:
ಭಾರತ ಸೇರಿದಂತೆ ಬಹುತೇಕ ದೇಶಗಳಲ್ಲಿ ಒಂದೇ ಕಂಪನಿಯ ಕೊರೋನಾ ಲಸಿಕೆಯ ಎರಡು ಡೋಸ್ ಹಾಕಲಾಗ್ತಿದೆ. ಆದ್ರೆ ಒಂದು ಡೋಸ್ ಒಂದು ಕಂಪನಿಯದ್ದು, ಮತ್ತೊಂದು ಡೋಸ್ ಮತ್ತೊಂದು ಕಂಪನಿಯದ್ದು ಹಾಕುವ ಬಗ್ಗೆ ಬ್ರಿಟನ್ನಲ್ಲಿ ಅಧ್ಯಯನ, ಪ್ರಯೋಗ ನಡೀತಿದೆ. ಈ ಪ್ರಯೋಗವನ್ನ ಕಾಮ್-ಕಾವ್ ಸ್ಟಡಿ ಅಂತ ಕರೀತಾರೆ. ಆಕ್ಸ್ಫರ್ಡ್ ಯುನಿವರ್ಸಿಟಿ ಇದರ ಪ್ರಯೋಗ ನಡೆಸ್ತಿದೆ. ಇದರಲ್ಲಿ ಆಕ್ಸ್ಫರ್ಡ್-ಆಸ್ಟ್ರಾಝೆನೆಕಾ ಲಸಿಕೆಯನ್ನ ಮೊದಲ ಡೋಸ್ ಕೊಡಲಾಗುತ್ತೆ. ನಂತರ ಎರಡನೇ ಡೋಸ್ ಅನ್ನ ಫೈಝರ್ ಕಂಪನಿಯದ್ದು ಕೊಡಲಾಗುತ್ತೆ. ಎರಡು ಲಸಿಕೆಯ ಮಿಶ್ರಣದಿಂದ ಹೆಚ್ಚು ರಕ್ಷಣೆ ಸಿಗುತ್ತಾ ಅನ್ನೋದನ್ನ ಪತ್ತೆಹಚ್ಚುವ ಪ್ರಯತ್ನ ಇದಾಗಿದೆ. ಇಂತಹ ಮಿಕ್ಸ್ ಅಂಡ್ ಮ್ಯಾಚ್ಗೆ ಇದೀಗ ಮೊಡೆರ್ನಾ ಮತ್ತು ನೋವಾವಾಕ್ಸ್ ಕಂಪನಿಗಳ ಲಸಿಕೆಯನ್ನ ಕೂಡ ಸೇರಿಸಲಾಗಿದೆ. ಇದರ ಪ್ರಕಾರ ಆಸ್ಟ್ರಾಝೆನೆಕಾ ಅಥವಾ ಫೈಝರ್ ಲಸಿಕೆಯ ಮೊದಲ ಡೋಸ್ ಪಡೆಯುವ ಸ್ವಯಂಸೇವಕರಿಗೆ ಮೊಡೆರ್ನಾ ಅಥವಾ ನೋವಾವಾಕ್ಸ್ ಕಂಪನಿಯ ಎರಡನೇ ಡೋಸ್ ಹಾಕಲಾಗುತ್ತೆ.
-masthmagaa.com
Contact Us for Advertisement