masthmagaa.com:
ಗಾಜಾ ಪಟ್ಟಿಯ ಹಮಾಸ್ ಜೊತೆ ನಿರಂತರ ಸಂಘರ್ಷ ಹೊಂದಿರೋ ಇಸ್ರೇಲ್ ತನ್ನ ನೌಕಾಪಡೆ ಗಟ್ಟಿ ಮಾಡ್ಕೊಳ್ಳಕ್ಕೆ ಮುಂದಾಗಿದೆ. ಜರ್ಮನಿ ಮೂಲಕ ಥಿಸ್ಸೆನ್ಕ್ರುಪ್ ಮರೀನ್ ಸಿಸ್ಟಮ್ಸ್ ಜೊತೆ ಸಬ್ಮರೀನ್ ಅಭಿವೃದ್ಧಿ ಒಪ್ಪಂದ ಮಾಡ್ಕೊಂಡಿದೆ. 340 ಕೋಟಿ ಡಾಲರ್ ಅಂದ್ರೆ 25 ಸಾವಿರ ಕೋಟಿಗೂ ಅಧಿಕ ಮೊತ್ತದ ಒಪ್ಪಂದ ಇದಾಗಿದೆ. ಇದ್ರ ಪ್ರಕಾರ ಥಿಸ್ಸೆನ್ಕ್ರುಪ್ ಕಂಪನಿ ಮೂರು ಅಡ್ವಾನ್ಸ್ಡ್ ಸಬ್ಮರೀನ್ಗಳನ್ನು ನಿರ್ಮಿಸಿ ಇಸ್ರೇಲ್ಗೆ ನೀಡಲಿದೆ. ಅದ್ರಲ್ಲಿ ಮೊದಲ ಸಬ್ಮರೀನ್ನ್ನು ಮುಂದಿನ 9 ವರ್ಷಗಳ ಒಳಗಾಗಿ ನೀಡಬೇಕಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಇಸ್ರೇಲ್ ರಕ್ಷಣಾ ಸಚಿವ ಬೆನ್ನಿ ಗ್ಯಾಂಟ್ಜ್, ಒಪ್ಪಂದಕ್ಕೆ ಸಹಕರಿಸಿದ ಜರ್ಮನ್ ಸರ್ಕಾರಕ್ಕೆ ಧನ್ಯವಾದಗಳು.. ಈ ಹೊಸ ಸಬ್ಮರೀನ್ಗಳು ಇಸ್ರೇಲ್ ನೌಕಾಪಡೆಯ ಸಾಮರ್ಥ್ಯವನ್ನ ಹೆಚ್ಚಿಸೋದ್ರ ಜೊತೆಗೆ ಈ ಭಾಗದಲ್ಲಿ ದೇಶದ ಭದ್ರತೆ ಕಾಪಾಡಲು ಸಹಕರಿಸುತ್ತೆ ಅನ್ನೋ ನಂಬಿಕೆ ಇದೆ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement