masthmagaa.com:
ಅಮೆರಿಕದ ಅತಿದೊಡ್ಡ ಪೆಟ್ರೋಲಿಯನ್ ಪೈಪ್ಲೈನ್ ಮೇಲೆ ಸೈಬರ್ ದಾಳಿಯಾಗಿರೋದ್ರಿಂದ ಫ್ಲೋರಿಡಾದಿಂದ ವರ್ಜೀನಿಯಾವರೆಗೆ ಗ್ಯಾಸ್ ಸ್ಟೇಷನ್ಗಳು ಖಾಲಿಯಾಗಿದ್ದು, ಪೆಟ್ರೋಲ್ ಬಂಕ್ಗಳಲ್ಲಿ ದರ ಏರಿಕೆಯಾಗಿದೆ. ಸೈಬರ್ ದಾಳಿಯ ಬೆನ್ನಲ್ಲೇ ಕೊಲೊನಿಯಲ್ ಪೈಪ್ ಲೈನ್ ಮೂಲಕ ಇಂಧನ ಪೂರೈಕೆ ಬಂದ್ ಆಗಿದ್ದು, ರಸ್ತೆ ಮಾರ್ಗವಾಗಿಯೇ ಸಾಗಿಸಲಾಗ್ತಿದೆ. ಹೀಗಾಗಿ ಭಾಗಗಳಿಗೆ ಇಂಧನ ಸಾಗಾಣಿಕೆ ತುಂಬಾ ತಡವಾಗ್ತಿದೆ. ಇದ್ರಿಂದ ಅಭಾವ ಸೃಷ್ಟಿಯಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಬೈಡೆನ್ ಸರ್ಕಾರ, ಸದ್ಯದಲ್ಲೇ ಪರಿಸ್ಥಿತಿ ಸಹಜ ಸ್ಥಿತಿಗೆ ಬರಲಿದೆ. ಹೀಗಾಗಿ ಯಾರೂ ಇಂಧನವನ್ನು ಸಂಗ್ರಹಿಸಿಡೋಕೆ ಹೋಗ್ಬೇಡಿ ಅಂತ ಜನರಲ್ಲಿ ಮನವಿ ಮಾಡಿದೆ. ಕಳೆದ ಶುಕ್ರವಾರ ಈ ಪೈಪ್ಲೈನ್ ಮೇಲೆ ಸೈಬರ್ ದಾಳಿ ನಡೆಸಿ, 100 ಜಿಬಿ ಡೇಟಾ ವಶಕ್ಕೆ ಪಡೆದಿರೋ ಹ್ಯಾಕರ್ಗಳು, ಕಂಪ್ಯೂಟರ್, ಸರ್ವಲ್ ಲಾಕ್ ಮಾಡಿದ್ದಾರೆ. ದುಡ್ಡಿಗಾಗಿ ಬೇಡಿಕೆ ಇಟ್ಟಿದ್ದಾರೆ. ನಿನ್ನೆಯಷ್ಟೇ ಬೈಡೆನ್, ರಷ್ಯಾದಿಂದಲೇ ಈ ದಾಳಿ ನಡೆದಿದ್ದು, ರಷ್ಯಾ ಸರ್ಕಾರವೇ ನಡೆಸಿದೆ ಅನ್ನೋದಕ್ಕೆ ಸಾಕ್ಷ್ಯಗಳಿಲ್ಲ ಅಂತ ಹೇಳಿತ್ತು. ಅಂದಹಾಗೆ ಈ ಪೈಪ್ಲೈನ್ 8,850 ಕಿಲೋಮೀಟರ್ಗಳಷ್ಟು ಉದ್ದವಾಗಿದ್ದು, ಟೆಕ್ಸಾಸ್ ಮತ್ತು ನ್ಯೂಯಾರ್ಕ್ ನಗರದ ನಡುವೆ ಇಂಧನ ಪೂರೈಸೋ ಕೆಲಸ ಮಾಡುತ್ತೆ. ಎಷ್ಟರ ಮಟ್ಟಿಗೆ ಅಂದ್ರೆ ಅಮೆರಿಕದ ಪೂರ್ವ ತೀರಕ್ಕೆ ಬೇಕಾದ ಅರ್ಧದಷ್ಟು ಇಂಧನವನ್ನು ಇದರ ಮೂಲಕವೇ ಪೂರೈಸಲಾಗುತ್ತೆ. 1961ರಲ್ಲಿ ಈ ಪೈಪ್ಲೈನ್ ನಿರ್ಮಾಣ ಮಾಡಲಾಗಿತ್ತು.
-masthmagaa.com
Contact Us for Advertisement