masthmagaa.com:
ಅಮೆರಿಕದ ಗುಪ್ತಚರ ಸಂಸ್ಥೆ ಎಫ್ಬಿಐನ ಮಹತ್ವದ ದಾಖಲೆಗಳ ಬಗ್ಗೆ ದಿ ಸನ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಇದ್ರಲ್ಲಿ ಪೈಲಟ್ಗಳು, ಪೊಲೀಸರು ಮತ್ತು ಸೈನಿಕರು ಅಪರಿಚಿತ ಹಾರುವ ತಟ್ಟೆ ಅಂದ್ರೆ ಯುಎಫ್ಒಗಳ ಬಗ್ಗೆ ಅಪರೂಪದ ಮಾಹಿತಿ ನೀಡಲಾಗಿದೆ. 27 ಸಾವಿರ ಕಿಲೋಮೀಟರ್ ವೇಗದಲ್ಲಿ ಹಾರೋ ಯುಎಫ್ಒ ಕ್ರ್ಯಾಶ್ ಆಗಿರೋ ಬಗ್ಗೆ, ಏಲಿಯನ್ಸ್ ಶರೀರದ ಬಗ್ಗೆ ಕೂಡ ಉಲ್ಲೇಖಿಸಲಾಗಿದೆ. 1940ರ ದಶಕದಲ್ಲಿ ಫೆಡರಲ್ ಅಧಿಕಾರಿಗಳು ನಡೆಸಿರುವ ತನಿಖೆ, 1947ರಲ್ಲಿ ರಾಸ್ವೆಲ್ನಲ್ಲಿ ಯುಎಫ್ಒ ಪತನದ ಬಗ್ಗೆ ಕೂಡ ಮಾಹಿತಿ ಇದೆ. ಇದೇ ರೀತಿಯ ಘಟನೆ ಸೋವಿಯತ್ ರಷ್ಯಾದಲ್ಲೂ ನಡೆದಿತ್ತು. ಇನ್ನು 1947ರಲ್ಲಿ ಅಮೆರಿಕದಾದ್ಯಂತ ನೂರಾರು ಯುಎಫ್ಒಗಳು ಪತ್ತೆಯಾಗಿದ್ವು. ಈ ಸಂಬಂಧ ನೂರಾರು ವರದಿಗಳನ್ನು ಕೂಡ ನೀಡಲಾಗಿತ್ತು. ಆದ್ರೆ ಅವುಗಳ ಪೈಕಿ ಹಲವು ದಾಖಲೆಗಳನ್ನು ನಾಶಪಡಿಸಲಾಗಿದೆ ಅಂತ ಕೂಡ ದಿ ಸನ್ ವರದಿ ಮಾಡಿದೆ. ಅಂದಹಾಗೆ ಕಳೆದ ಜೂನ್ನಲ್ಲಿ ಅಮೆರಿಕದ ಗುಪ್ತಚರ ಸಂಸ್ಥೆಗಳು ಬಿಡುಗಡೆ ಮಾಡಿದ್ದ ವರದಿಯಲ್ಲೂ ಯುಎಫ್ಒಗಳು ಏನು ಅನ್ನೋದನ್ನು ಸ್ಪಷ್ಟವಾಗಿ ಹೇಳಲು ಸಾಧ್ಯವಿಲ್ಲ ಅಂತ ಹೇಳಲಾಗಿತ್ತು.
-masthmagaa.com
Contact Us for Advertisement