masthmagaa.com:
ಭಾರತ-ಇಂಗ್ಲೆಂಡ್ ನಡುವೆ ಚೆನ್ನೈನಲ್ಲಿ ನಡೆದ ಎರಡನೇ ಟೆಸ್ಟ್ನಲ್ಲಿ ಟೀಂ ಇಂಡಿಯಾ 317 ರನ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಈ ಮೂಲಕ 4 ಪಂದ್ಯಗಳ ಟೆಸ್ಟ್ ಸರಣಿಯನ್ನ 1-1 ಸಮಬಲ ಮಾಡಿಕೊಂಡಿದೆ. ಇಷ್ಟೇ ಅಲ್ಲ ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಪಾಯಿಂಟ್ಸ್ ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದ್ದ ಟೀಂ ಇಂಡಿಯಾ ಈಗ 2ನೇ ಸ್ಥಾನಕ್ಕೆ ಜಿಗಿದಿದೆ. ಗೆಲ್ಲಲು 482 ರನ್ಗಳ ಬೃಹತ್ ಟಾರ್ಗೆಟ್ ಬೆನ್ನಟ್ಟಿದ ಇಂಗ್ಲೆಂಡ್ ಎರಡನೇ ಇನ್ನಿಂಗ್ಸ್ನಲ್ಲಿ ಕೇವಲ 164 ರನ್ಗೆ ಆಲೌಟ್ ಆಯ್ತು. ಭಾರತ ಪರ ಸ್ಪಿನ್ನರ್ ಅಕ್ಷರ್ ಪಟೇಲ್ 5 ವಿಕೆಟ್ ಪಡೆದು ಮಿಂಚಿದ್ರೆ, ಅಶ್ವಿನ್ 3 ವಿಕೆಟ್ ಕಬಳಿಸಿದ್ರು. ಭಾರತದ ಗೆಲುವಿನಲ್ಲಿ ಅಶ್ವಿನ್ ಮತ್ತು ಅಕ್ಷರ್ ಪಟೇಲ್ ಪ್ರಮುಖ ಪಾತ್ರ ವಹಿಸಿದ್ರು. ಅದ್ರಲ್ಲೂ ಅಶ್ವಿನ್ ಅಂತೂ ಮೊದಲ ಇನ್ನಿಂಗ್ಸ್ನಲ್ಲಿ 5 ವಿಕೆಟ್ ಪಡೆದ್ರೆ, ಎರಡೇ ಇನ್ನಿಂಗ್ಸ್ನಲ್ಲಿ 3 ವಿಕೆಟ್ ಮತ್ತು ಭರ್ಜರಿ ಸೆಂಚುರಿ ಸಿಡಿಸಿ ಮಿಂಚಿದ್ರು. ಅವರೇ ಈ ಪಂದ್ಯದ ಮ್ಯಾನ್ ಆಫ್ ದಿ ಮ್ಯಾಷಚ್. ಇನ್ನು ರೋಹಿತ್ ಶರ್ಮಾ ಕೊಡುಗೆಯನ್ನ ಕೂಡ ಇಲ್ಲಿ ಮರೆಯೋ ಹಾಗಿಲ್ಲ. ಮೊದಲ ಇನ್ನಿಂಗ್ಸ್ನಲ್ಲಿ ಅವರು ಬಾರಿಸಿದ 161 ರನ್ ಗೆಲುವಿನಲ್ಲಿ ನೆರವಾಯ್ತು.
ಸ್ಕೋರ್ ವಿವರ:
ಭಾರತ – 329 & 286
ಇಂಗ್ಲೆಂಡ್ – 134 & 164
ಇನ್ನು ಈ ಸರಣಿಯನ್ನ ಭಾರತ 2-1 ಅಥವಾ 3-1ರಿಂದ ಗೆದ್ದರೆ ಟೆಸ್ಟ್ ವಿಶ್ವಕಪ್ ರೀತಿ ಇರೋ ಐಸಿಸಿ ವರ್ಲ್ಡ್ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ಗೆ ಕ್ವಾಲಿಫೈ ಆಗಲಿದೆ. ಇಂಗ್ಲೆಂಡ್ ಕ್ವಾಲಿಫೈ ಆಗಬೇಕು ಅಂದ್ರೆ ಮುಂದಿನ ಎರಡೂ ಪಂದ್ಯವನ್ನ ಗೆದ್ದು ಸರಣಿಯನ್ನ 3-1ರಿಂದ ವಶಪಡಿಸಿಕೊಳ್ಳಬೇಕು. ಒಂದ್ವೇಳೆ ಈ ಸರಣಿ 1-1, 2-2 ಸಮಬಲ ಕಂಡರೆ ಅಥವಾ ಇಂಗ್ಲೆಂಡ್ ಏನಾದ್ರೂ 2-1ರಿಂದ ಸರಣಿ ಗೆದ್ದರೆ ಆಗ ಇಬ್ಬರ ಜಗಳದಲ್ಲಿ ಮೂರನೇಯವರಿಗೆ ಲಾಭ ಎಂಬಂತೆ ಆಸ್ಟ್ರೇಲಿಯಾ ತಂಡ ಫೈನಲ್ಗೆ ಕ್ವಾಲಿಫೈ ಆಗುತ್ತೆ. ಮೂರೂ ತಂಡಗಳ ನಡುವೆ ಪೈಪೋಟಿ ಇರೋದ್ರಿಂದ ಈ ಟೆಸ್ಟ್ ಸರಣಿ ಭಾರಿ ಕುತೂಹಲ ಕೆರಳಿಸಿದೆ. ಈಗಾಗಲೇ ನ್ಯೂಜಿಲೆಂಡ್ ತಂಡ ಫೈನಲ್ಗೆ ಎಂಟ್ರಿ ಕೊಟ್ಟಿದೆ.
-masthmagaa.com
Contact Us for Advertisement