masthmagaa.com:
ಇರಾಕ್ನ ಪ್ರಭಾವಿ ಸೇನಾ ನಾಯಕ ಹಾಗೂ ಜನರಲ್ ಒಬ್ಬರ ಹತ್ಯೆಗೆ ಸಂಬಂಧಿಸಿದಂತೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ಇರಾಕ್ನ ಕೋರ್ಟ್ ಒಂದು ಅರೆಸ್ಟ್ ವಾರಂಟ್ ಜಾರಿ ಮಾಡಿದೆ. ಅಮೆರಿಕ ಡ್ರೋನ್ ದಾಳಿಯಲ್ಲಿ ಇರಾಕ್ ನಾಯಕ, ಮೊಬಿಲೈಸೇಷನ್ ಕಮಿಟಿಯ ಮುಖ್ಯಸ್ಥರಾಗಿದ್ದ ಅಬು ಮಹ್ದಿ ಅಲ್-ಮುಹಂದೀಸ್ ಸಾವನ್ನಪ್ಪಿದ್ರು. ಅದೇ ದಾಳಿಯಲ್ಲಿ ಇರಾನ್ ರೆವಲೂಷನರಿ ಗಾರ್ಡ್ ಕಾರ್ಪ್ಸ್ ಮುಖ್ಯಸ್ಥ ಖಾಸಿಂ ಸೊಲೇಮನಿ ಕೂಡ ಸಾವನ್ನಪ್ಪಿದ್ರು. ಈ ಸಂಬಂಧ ವಿಚಾರಣೆ ನಡೆಸುತ್ತಿರುವ ಬಾಗ್ದಾದ್ ನ್ಯಾಯಾಲಯ ಟ್ರಂಪ್ ವಿರುದ್ಧ ಪೂರ್ವಯೋಜಿತ ಕೊಲೆ ಆರೋಪದ ಮೇಲೆ ಅರೆಸ್ಟ್ ವಾರಂಟ್ ಜಾರಿ ಮಾಡಿದೆ. ಈ ಆರೋಪ ಸಾಬೀತಾದ್ರೆ ಟ್ರಂಪ್ಗೆ ಮರಣದಂಡನೆ ಶಿಕ್ಷೆ ವಿಧಿಸಲೂ ಅವಕಾಶವಿದೆ.
-masthmagaa.com
Contact Us for Advertisement