masthmagaa.com:
ತರಗತಿಯೊಳಗೆ ಪ್ರೊಫೆಸರ್‌ರೊಬ್ಬರು ಮುಸ್ಲಿಂ ವಿದ್ಯಾರ್ಥಿಯನ್ನ ಮುಂಬೈ ದಾಳಿಕೋರ ಉಗ್ರ ಕಸಬ್‌ಗೆ ಕಂಪೇರ್‌ ಮಾಡಿದ್ದು, ನಂತ್ರ ಅಮಾನತ್ತಾದ ಘಟನೆ ಉಡುಪಿಯಲ್ಲಿ ನಡೆದಿದೆ. ಉಡುಪಿಯ ಮಣಿಪಾಲ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿಯಲ್ಲಿ ನವೆಂಬರ್‌ 26ರಂದು ಈ ಘಟನೆ ನಡೆದಿದೆ ಅಂತ ಹೇಳಲಾಗ್ತಿದೆ. ವಿದ್ಯಾರ್ಥಿಯ ಹೆಸರು ಕೇಳಿದ ಪ್ರಾಧ್ಯಾಪಕ ಮುಸ್ಲಿಂ ಹೆಸರು ಕೇಳಿದ ತಕ್ಷಣ “ಓ ನೀನು ಕಸಬ್‌ ತರ” ಅಂತ ಹೇಳಿದ್ದಾರೆ. ಇದಕ್ಕೆ ಕೋಪಗೊಂಡ ವಿದ್ಯಾರ್ಥಿ ಪ್ರೊಫೆಸರ್ ಮಾತಿಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಆಗ ಪ್ರಾಧ್ಯಾಪಕ ಇಲ್ಲ ನಾನು ತಮಾಷೆ ಮಾಡಿದ್ದು ಅಂದಿದಕ್ಕೆ, ವಿದ್ಯಾರ್ಥಿ, 26/11ರ ಘಟನೆ ತಮಾಷೆಯ ವಿಷಯ ಅಲ್ಲ. ಈ ದೇಶದಲ್ಲಿ ಮುಸ್ಲಿಮನಾಗಿ ಪ್ರತಿದಿನ ಈ ರೀತಿ ಘಟನೆಗಳನ್ನ ಫೇಸ್‌ ಮಾಡೋದು ತಮಾಷೆಯ ವಿಷಯ ಅಲ್ಲ ಅಂತ ಹೇಳಿದ್ದಾರೆ. ನಂತ್ರ ಪ್ರಾಧ್ಯಾಪಕ ಕ್ಷಮೆ ಕೇಳಿದ್ದು, ನೀವು ಕ್ಷಮೆ ಕೇಳಿದ ತಕ್ಷಣ ಆರೋಪ ಬದಲಾಗಲ್ಲ ಅಂತ ವಿದ್ಯಾರ್ಥಿ ಪ್ರತಿಕ್ರಿಯೆ ನೀಡಿದಾರೆ. ಸದ್ಯ ಈ ಸಂಭಾಷಣೆಯ ವಿಡಿಯೋ ವೈರಲ್ ಆಗಿದೆ. ಪ್ರಾಧ್ಯಾಪಕನ ವಿರುದ್ಧ ತನಿಖೆ ನಡೆಸಲಾಗ್ತಿದೆ, ಅಲ್ಲಿವರೆಗೆ ಅವ್ರನ್ನ ಅಮಾನತಿನಲ್ಲಿಡಲಾಗಿದೆ ಅಂತ ಕಾಲೇಜು ಆಡಳಿತ ಹೇಳಿದೆ.
-masthmagaa.com
Contact Us for Advertisement