ಕೇಂದ್ರ ಬಜೆಟ್ ಬಗ್ಗೆ ಯಾರೂ ಹೇಳದ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ

masthmagaa.com:

ತೆರಿಗೆ:

– ಒಟ್ಟಾರೆ ಆದಾಯ ತೆರಿಗೆ ಸ್ಲಾಬ್ಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ.

– ಕೇವಲ ಪೆನ್ಶನ್ ಮತ್ತು ಬಡ್ಡಿ ಆದಾಯ ಪಡೆಯುತ್ತಿರೋ 75 ವರ್ಷ ದಾಟಿದ ಹಿರಿಯ ನಾಗರಿಕರು ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಬೇಕಂತಿಲ್ಲ. ಹಾಗಂತ ತೆರಿಗೆ ಇಲ್ಲ ಅಂತ ಅಲ್ಲ. ಬ್ಯಾಂಕ್ನವರೇ ತೆರಿಗೆ ಕಟ್ ಮಾಡ್ಕೋತಾರೆ. ನೀವು ಫೈಲಿಂಗ್ ಮಾಡ್ತಾ ಕೂರಬೇಕು ಅಂತ ಇಲ್ಲ ಅಷ್ಟೆ.

– ಈ ಮೊದಲು ಆದಾಯ ತೆರಿಗೆ ವಂಚನೆ ವಿಚಾರದಲ್ಲಿ 6 ವರ್ಷ ಹಿಂದಕ್ಕೆ ಹೋಗಿ ಮರುಪರಿಶೀಲನೆ ಮಾಡಬೋದಿತ್ತು. ಅದನ್ನ ಈಗ 3 ವರ್ಷಕ್ಕೆ ಇಳಿಸಲಾಗಿದೆ. 50 ಲಕ್ಷಕ್ಕೂ ಮೇಲ್ಪಟ್ಟ ಆದಾಯದ ಗಂಭೀರ ತೆರಿಗೆ ವಂಚನೆ ಪ್ರಕರಣ ಸಂಬಂಧ ಮಾತ್ರ 10 ವರ್ಷ ಹಿಂದೆ ಹೋಗಿ ಮರು ಪರಿಶೀಲಿಸಲು ಅವಕಾಶ.

– ತೆರಿಗೆ ವ್ಯವಸ್ಥೆಯನ್ನ ಸಂಪೂರ್ಣ ಡಿಜಿಟಲೀಕರಣ ಮಾಡಲು ನಿರಂತರ ಕ್ರಮ.

– ಕೈಗೆಟುಕುವ ಮನೆಗಳ ಖರೀದಿಗೆ ಲೋನ್ ಮಾಡಿದವರಿಗೆ 1.5 ಲಕ್ಷ ರೂಪಾಯಿವರೆಗೆ ತೆರಿಗೆ ವಿನಾಯಿತಿ ಈ ವರ್ಷವೂ ಮುಂದುವರಿಕೆ.

– ಇಂತಹ ಮನೆಗಳ ಹಾಗೂ ಕಟ್ಟಡಗಳ ನಿರ್ಮಾಣದಲ್ಲಿ ತೊಡಗಿರೋ ಸಂಸ್ಥೆಗಳಿಗೆ ತೆರಿಗೆ ರಜೆ ಅವಕಾಶ ಮತ್ತೊಂದು ವರ್ಷ ಮುಂದುವರಿಕೆ.

– ವಲಸೆ ಕಾರ್ಮಿಕರಿಗೆ ಕೊಡುವ ಬಾಡಿಗೆ ಮನೆ ಯೋಜನೆಗೆ ತೆರಿಗೆ ವಿನಾಯಿತಿ.

– ಸ್ಟಾರ್ಟ್ಅಪ್ಗಳಿಗೆ ತೆರಿಗೆ ರಜೆ ಮತ್ತೊಂದು ವರ್ಷ ಮುಂದುವರಿಕೆ.

ಆರೋಗ್ಯ ಕ್ಷೇತ್ರ:

– ಆರೋಗ್ಯ ಕ್ಷೇತ್ರಕ್ಕೆ ಒಟ್ಟು 2 ಲಕ್ಷ 23 ಸಾವಿರ ಕೋಟಿ ಅನುದಾನ. ಕಳೆದ ವರ್ಷ ಕೇವಲ 90 ಸಾವಿರ ಕೋಟಿ ಇತ್ತು.

– ಲಸಿಕೆಗಾಗಿ 35 ಸಾವಿರ ಕೋಟಿ ಮೀಸಲು. ಅಗತ್ಯಬಿದ್ದರೆ ಹೆಚ್ಚುವರಿ ಅನುದಾನ.

– ಈಗಾಗಲೇ 2 ಮೇಡ್ ಇನ್ ಇಂಡಿಯಾ ಲಸಿಕೆ ಲಭ್ಯವಿದೆ. ಕೆಲವೇ ದಿನಗಳಲ್ಲಿ ಮತ್ತೆರಡು ಲಸಿಕೆಗಳು ಲಭ್ಯ.

– 15 ಎಮರ್ಜೆನ್ಸಿ ಹೆಲ್ತ್ ಸೆಂಟರ್ ಸ್ಥಾಪನೆ.

– ಹಳೆಯ ವಾಹನಗಳನ್ನ ಸ್ವಯಂಪ್ರೇರಿತವಾಗಿ ಗುಜರಿಗೆ ಹಾಕಲು ಯೋಜನೆ.

– 20 ವರ್ಷ ಹಳೆಯ ಖಾಸಗಿ ಬಳಕೆ ವಾಹನ ಹಾಗೂ 15 ವರ್ಷ ಹಳೆಯ ವಾಣಿಜ್ಯ ಬಳಕೆ ವಾಹನಗಳ ಫಿಟ್ನೆಸ್ ಟೆಸ್ಟ್ ಮಾಡಲಾಗುತ್ತೆ. ಈ ಸ್ಕೀಮ್ನ ಹೆಚ್ಚಿನ ಮಾಹಿತಿ ಮುಂದಿನ ದಿನಗಳಲ್ಲಿ ನೀಡಲಾಗುತ್ತೆ.

ಮೂಲಸೌಕರ್ಯ:

– ನ್ಯಾಶನಲ್ ಇನ್ಫ್ರಾಸ್ಟ್ರಕ್ಚರ್ ಪೈಪ್ಲೈನ್ NIPಯ 1.1 ಲಕ್ಷ ಕೋಟಿ ಮೊತ್ತದ ಯೋಜನೆಗಳು ಚಾಲ್ತಿಯಲ್ಲಿವೆ.

– 2021-22ನೇ ಸಾಲಿನಲ್ಲಿ 5.54 ಲಕ್ಷ ಕೋಟಿ ರೂ ಬಂಡವಾಳ ವೆಚ್ಚ, ಇದು ಕಳೆದ ಬಾರಿಗಿಂತ ಶೇ.34.5ರಷ್ಟು ಹೆಚ್ಚು.

– 2 ಲಕ್ಷ ಕೋಟಿ ರೂ ಬಂಡವಾಳ ಹೆಚ್ಚಾಗಿ ರಾಜ್ಯ ಮತ್ತು ಸ್ವಾಯತ್ತ ಸಂಸ್ಥೆಗಳಿಗೆ ನೀಡಿಕೆ.

– 2022ರಲ್ಲಿ 11 ಸಾವಿರ ಕಿ.ಮೀ.ನಷ್ಟು ಹೆಚ್ಚುವರಿ ರಾಷ್ಟ್ರೀಯ ಹೆದ್ದಾರಿ ಕಾರಿಡಾರ್ ಕಾಮಗಾರಿ ಪೂರ್ಣ.

– ತಮಿಳುನಾಡಿನಲ್ಲಿ 3,500 ಕಿಮೀ ನ್ಯಾಶನಲ್ ಹೈವೇ ಕೆಲಸ – 1 ಲಕ್ಷ ಕೊಟಿ ರೂ.ಗೂ ಅಧಿಕ ವೆಚ್ಚ.

– 278 ಕಿ.ಮೀ. ಉದ್ದದ ಬೆಂಗಳೂರು-ಚೆನ್ನೈ ಎಕ್ಸ್ಪ್ರೆಸ್ ವೇ ಕಾಮಗಾರಿ ಈ ವರ್ಷವೇ ಆರಂಭ.

– ಕೇರಳದಲ್ಲಿ 1,100 ಕಿಮೀ ನ್ಯಾಶನಲ್ ಹೈವೇ ಕಾಮಗಾರಿಗೆ 65 ಸಾವಿರ ಕೋಟಿ ಖರ್ಚು.

– ಪಶ್ಚಿಮ ಬಂಗಾಳದಲ್ಲಿ 675 ಕಿ.ಮೀ. ನ್ಯಾಶನಲ್ ಹೈವೇ ಕಾಮಗಾರಿಗೆ 25 ಸಾವಿರ ಕೋಟಿ.

– ಅಸ್ಸಾಂನಲ್ಲಿ 35 ಸಾವಿರ ಕೋಟಿ ವೆಚ್ಚದಲ್ಲಿ 1,300 ಕಿ.ಮೀ.ಗೂ ಹೆಚ್ಚು ನ್ಯಾಶನಲ್ ಹೈವೇ ಕಾಮಗಾರಿ.

– ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯಕ್ಕೆ 1.18 ಲಕ್ಷ ಕೋಟಿ (ಇದು ಸಾರ್ವಕಾಲಿಕ ದಾಖಲೆ).

– ನ್ಯಾಷನಲ್ ಜಲ್ ಜೀವನ್ ಮಿಶನ್ಗೆ 5 ವರ್ಷಗಳಲ್ಲಿ 2.87 ಲಕ್ಷ ಕೋಟಿ ರೂಪಾಯಿ. ಇದರಿಂದ 2.86 ಕೋಟಿ ಮನೆಗಳಿಗೆ ನೀರಿನ ವ್ಯವಸ್ಥೆ.

– ಸ್ವಚ್ಛ ಭಾರತ 2.0 – 5 ವರ್ಷಗಳಲ್ಲಿ 1.41 ಲಕ್ಷ ಕೋಟಿ ರೂ.

– ಸ್ವಚ್ಛ ಗಾಳಿಗಾಗಿ 42 ನಗರಗಳಿಗೆ 2,200 ಕೋಟಿ ರೂ.

ರೈಲ್ವೆ ಕ್ಷೇತ್ರ

– ನ್ಯಾಶನಲ್ ರೈಲ್ವೆ ಯೋಜನೆ-2030.

– ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ವಿಸ್ತರಣೆ.

– ಖರಗ್ಪುರದಿಂದ – ವಿಜಯವಾಡದ ತನಕ ಈಸ್ಟ್ ಕೋಸ್ಟ್ ಕಾರಿಡಾರ್.

– ಭುಸವಲ್ನಿಂದ ಖರಗ್ಪುರ ಹಾಗೂ ಅಲ್ಲಿಂದ ಡಂಕುನಿ ತನಕ ಈಸ್ಟ್ ವೆಸ್ಟ್ ಕಾರಿಡಾರ್.

– ಇಟಾರ್ಸಿಯಿಂದ ವಿಜಯವಾಡದವರೆಗೆ ನಾರ್ಥ್ ಸೌಥ್ ಕಾರಿಡಾರ್.

– 2023ರ ಒಳಗೆ ಬ್ರಾಡ್ಗೇಜ್ ಮಾರ್ಗಗಳ ಶೇ.100ರಷ್ಟು ವಿದ್ಯುದೀಕರಣ (ಎಲೆಕ್ಟ್ರಿಫಿಕೇಶನ್).

– ಪ್ರಯಾಣಿಕರ ಅನುಕೂಲಕ್ಕಾಗಿ ಟೂರಿಸ್ಟ್ ರೂಟ್ಗಳಲ್ಲಿ ವಿಸ್ಟಾಡೋಮ್ ಕೋಚ್ಗಳ ವಿಸ್ತರಣೆ.

– ರೈಲು ಸುರಕ್ಷತೆ ಹೆಚ್ಚಿಸಲು ಸಂಚಾರ ದಟ್ಟಣೆಯ ಮಾರ್ಗಗಳಲ್ಲಿ ಸ್ವದೇಶಿಯಾಗಿ ಅಭಿವೃದ್ಧಿಪಡಿಸಿರೋ ‘ರೈಲು ಸುರಕ್ಷತಾ ವ್ಯವಸ್ಥೆ’ ಜಾರಿ.

– ರೈಲ್ವೆಗೆ 1 ಲಕ್ಷ 10 ಸಾವಿರ ಕೋಟಿ ರೂಪಾಯಿ.

ಮೆಟ್ರೋ:

– ಮೆಟ್ರೋ ನಗರಗಳಲ್ಲಿ ಮೆಟ್ರೋ ವಿಸ್ತರಣೆ.

– ಸಾರ್ವಜನಿಕ ಸಾರಿಗೆ ವ್ಯವಸ್ಥೆ ವಿಸ್ತರಣೆ.

– ಒಟ್ಟು 20 ಸಾವಿರ ಬಸ್ಗಳನ್ನ ಆಪರೇಟ್ ಮಾಡಲು ಖಾಸಗಿಯವರಿಗೆ ಅವಕಾಶ.

– ದೇಶದ 27 ನಗರಗಳಲ್ಲಿ ಒಟ್ಟು 1,016 ಕಿ.ಮೀ. ಮೆಟ್ರೋ ಮಾರ್ಗ ನಿರ್ಮಾಣ ಕಾರ್ಯ.

– ಮಹಾನಗರಗಳ ಹೊರವಲಯದ ಪ್ರದೇಶಗಳಲ್ಲಿ ಹಾಗೂ 2ನೇ ಹಂತದ ನಗರಗಳಲ್ಲಿ ಕಡಿಮೆ ವೆಚ್ಚದ ಮೆಟ್ರೋ ಲೈಟ್ ಹಾಗೂ ಮೆಟ್ರೋ ನಿಯೋ ಯೋಜನೆ ಜಾರಿ.

– ಕೊಚ್ಚಿ ಮೆಟ್ರೋ ಫೇಸ್ 2 (11.5 ಕಿ.ಮೀ. ಉದ್ದ) 1,950 ಕೊಟಿ ರೂ.

– ಚೆನ್ನೈ ಮೆಟ್ರೋ ಫೇಸ್-2 (118 ಕಿ.ಮೀ. ಉದ್ದ) 63,000 ಕೋಟಿ ರೂ. ಮೀಸಲು

– ಬೆಂಗಳೂರು ಮೆಟ್ರೋ ಫೇಸ್ 2ಎ ಮತ್ತು 2ಬಿಗೆ (58.19 ಕಿ.ಮೀ. ಉದ್ದ) 14,700 ಕೋಟಿ ರೂ.

– ನಾಗ್ಪುರ್ ಮೆಟ್ರೋ ಫೇಸ್-2ಗೆ 5,800 ಕೋಟಿ ರೂ.

– ನಾಸಿಕ್ ಮೆಟ್ರೋಗೆ 2,092 ಕೋಟಿ ರೂ.

ಇಂಧನ ಮತ್ತು ವಿದ್ಯುತ್

– ದೇಶದಲ್ಲಿ ಜನರಿಗೆ ವಿದ್ಯುತ್ ಲೈನ್ ಯಾರದ್ದು ತೆಗೆದುಕೊಳ್ಳಬೇಕು ಅನ್ನೋ ಆಯ್ಕೆಗಳಿಲ್ಲ. ಇಲ್ಲಿ ಸರ್ಕಾರಿ ಅಥವಾ ಕೆಲ ಕಡೆ ಖಾಸಗಿ ಕಂಪನಿಗಳ ಏಕಸ್ವಾಮ್ಯ ಇದೆ. ಜನರಿಗೆ ಒಳ್ಳೆಯ ಸರ್ವಿಸ್ ಸಿಗಬೇಕೆಂದರೆ ಕಾಂಪಿಟಿಶನ್ ಇರಬೇಕು. ಇದಕ್ಕಾಗಿ ಒಂದು ಫ್ರೇಮ್ವರ್ಕ್ ಜಾರಿ ಮಾಡಲಾಗುತ್ತೆ.

– ಡಿಸ್ಕಾಮ್ಗಳ ಅಭಿವೃದ್ಧಿಗೆ 5 ವರ್ಷಗಳಲ್ಲಿ 3.5 ಲಕ್ಷ ಕೋಟಿ ನೆರವು.

– ಗ್ರೀನ್ ಎನರ್ಜಿ ಅಭಿವೃದ್ಧಿಗೆ ಹೈಡ್ರೋಜನ್ ಎನರ್ಜಿ ಮಿಶನ್ ಜಾರಿ.

– ಬಂದರುಗಳ ನಿರ್ವಹಣೆ ಜವಾಬ್ದಾರಿ ಖಾಸಗಿಯವರಿಗೆ ವಹಿಸಲು ಕ್ರಮ.

– ಭಾರತದ ಅಂತಾರಾಷ್ಟ್ರೀಯ ಶಿಪ್ಪಿಂಗ್ ಕಂಪನಿಗಳಿಗೆ ತರಬೇತಿ ಮತ್ತು ಆಧುನಿಕತೆಗೆ ಒಗ್ಗಿಕೊಳ್ಳಲು 5 ವರ್ಷಗಳಲ್ಲಿ 1,600 ಕೋಟಿ ರೂ. ಸಹಾಯ.

– ಹಡಗು ರೀಸೈಕಲಿಂಗ್ ಉದ್ಯಮಕ್ಕೆ ಉತ್ತೇಜನ. ಇದರಿಂದ 1 ಲಕ್ಷ ಕೋಟಿಗೂ ಅಧಿಕ ಉದ್ಯೋಗ ಸೃಷ್ಟಿ ನಿರೀಕ್ಷೆ.

– ಹೆಚ್ಚುವರಿ 1 ಕೋಟಿ ಕುಟುಂಬಕ್ಕೆ ಉಜ್ವಲ ಯೋಜನೆ ವಿಸ್ತರಣೆ.

– ಸಿಟಿ ಗ್ಯಾಸ್ ಡಿಸ್ಟ್ರಿಬ್ಯೂಶನ್ ನೆಟ್ವರ್ಕ್ಗೆ 100 ಹೊಸ ನಗರಗಳ ಜೋಡಣೆ.

– ಜಮ್ಮು-ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶದಲ್ಲಿ ಗ್ಯಾಸ್ ಪೈಪ್ಲೈನ್ ಯೋಜನೆ.

– ಸೋಲಾರ್ ಎನರ್ಜಿ ಕಾರ್ಪೋರೇಶನ್ ಆಫ್ ಇಂಡಿಯಾಗೆ ಹೆಚ್ಚುವರಿ 1,000 ಕೋಟಿ ಬಂಡವಾಳ.

– ಭಾರತೀಯ ಪುನರ್ಬಳಕೆ ಇಂಧನ ಏಜೆನ್ಸಿಗೆ 1,500 ಕೋಟಿ ರೂಪಾಯಿ.

ಹಣಕಾಸು ಮತ್ತು ಉದ್ಯಮ:

– ಗಿಫ್ಟ್ ಸಿಟಿಯಲ್ಲಿ ಜಾಗತಿಕ ಫಿನ್ಟೆಕ್ ಸಿಟಿ ಸ್ಥಾಪನೆ.

– ಇನ್ಶೂರೆನ್ಸ್ ಕ್ಷೇತ್ರದಲ್ಲಿ ವಿದೇಶಿ ನೇರ ಬಂಡವಾಳ ಹೂಡಿಕೆ ಮಿತಿ ಶೇ. 49ರಿಂದ ಶೇ. 74ಕ್ಕೆ ಏರಿಸಲು ಕಾನೂನು ತಿದ್ದುಪಡಿ. (ಆದ್ರೆ, ಪ್ರಮುಖ ಮ್ಯಾನೇಜ್ಮೆಂಟ್ ವ್ಯಕ್ತಿಗಳು ಹಾಗೂ ಬೋರ್ಡ್ ಡೈರೆಕ್ಟರ್ಸ್ನಲ್ಲಿ ಮೆಜಾರಿಟಿ ನಿವಾಸಿ ಭಾರತೀಯರೇ ಆಗಿರಬೇಕು. ಇದರಲ್ಲೂ ಕನಿಷ್ಠ ಶೇ. 50 ಡೈರೆಕ್ಟರ್ಸ್ ಇಂಡಿಪೆಂಡೆಂಟ್ ಡೈರೆಕ್ಟರ್ಸ್ ಆಗಿರಬೇಕು ಹಾಗೂ ನಿಗದಿ ಪ್ರಮಾಣದ ಲಾಭದ ದುಡ್ಡನ್ನ ಮೀಸಲು ನಿಧಿಯಾಗಿ ಯಾವಾಗಲೂ ಉಳಿಸಿಕೊಂಡಿರಬೇಕು.)

– ಪಬ್ಲಿಕ್ ಸೆಕ್ಟರ್ ಬ್ಯಾಂಕ್ಸ್ ರಿ-ಕ್ಯಾಪಿಟಲೈಸೇಶನ್.

– ಸರ್ಕಾರಿ ಬ್ಯಾಂಕುಗಳಿಗೆ 2021-22ರಲ್ಲಿ 20 ಸಾವಿರ ಕೋಟಿ ಬಂಡವಾಳ.

– ಬ್ಯಾಂಕುಗಳಲ್ಲಿ ಇಟ್ಟಿರೋ ದುಡ್ಡಿಗೆ ಇದ್ದ ಇನ್ಷೂರೆನ್ಸ್ ಅನ್ನ 5 ಲಕ್ಷಕ್ಕೆ ಏರಿಕೆ. ಹಾಗೂ ಬ್ಯಾಂಕುಗಳಲ್ಲಿ ಬಿಕ್ಕಟ್ಟು ಆದಾಗ ದುಡ್ಡು ಇಟ್ಟವರಿಗೆ ಟೈಮಿಗೆ ಸರಿಯಾಗಿ ದುಡ್ಡು ವಾಪಸ್ ತೆಗೆಯಲು ಅನುಕೂಲ ಆಗಲು ಇದೇ ಅಧಿವೇಶನದಲ್ಲಿ ಕಾನೂನು ತಿದ್ದುಪಡಿ.

– ಸಣ್ಣ ಕಂಪನಿಗಳು ಅಂತ ಕರೆಸಿಕೊಳ್ಳಲು ಇದ್ದ ಟರ್ನೋವರ್ ಮಿತಿ 20 ಕೋಟಿಗೆ ಏರಿಕೆ. ಇದರಿಂದ 2 ಲಕ್ಷಕ್ಕೂ ಅಧಿಕ ಕಂಪನಿಗಳಿಗೆ ಲಾಭ.

– ಮೆಗಾ ಇನ್ವೆಸ್ಟ್ಮೆಂಟ್ ಟೆಕ್ಸ್ಟೈಲ್ ಪಾರ್ಕ್. ದೇಶದಲ್ಲಿ 7 ಟೆಕ್ಸ್ಟೈಲ್ ಪಾರ್ಕ್ಸ್ ಸ್ಥಾಪನೆ.

ಖಾಸಗೀಕರಣ:

– 2021-22ರಲ್ಲಿ ಬಿಪಿಸಿಎಲ್, ಏರ್ ಇಂಡಿಯಾ, ಶಿಪ್ಪಿಂಗ್ ಕಾರ್ಪೋರೇಶನ್ ಆಫ್ ಇಂಡಿಯಾ, ಕಂಟೇನರ್ ಕಾರ್ಪೋರೇಶನ್ ಆಫ್ ಇಂಡಿಯಾ, ಐಡಿಬಿಐ ಬ್ಯಾಂಕ್, ಭಾರತ್ ಅರ್ಥ್ ಮೂವರ್ಸ್ ಲಿಮಿಟೆಡ್, ಪವನ್ ಹನ್ಸ್ ಹಾಗೂ ಇತರ ಕೆಲ ಸರ್ಕಾರಿ ಸ್ವಾಮ್ಯದ ಕಂಪನಿಗಳ ಖಾಸಗೀಕರಣ ಪೂರ್ಣ.

– 2021-22ರಲ್ಲಿ ಇನ್ನೆರಡು ಸರ್ಕಾರಿ ಬ್ಯಾಂಕ್ ಹಾಗೂ ಒಂದು ಜನರಲ್ ಇನ್ಶೂರೆನ್ಸ್ ಕಂಪನಿ ಖಾಸಗೀಕರಣ ಗುರಿ.

– ಇದೇ ವರ್ಷ ಷೇರು ಮಾರುಕಟ್ಟೆಗೆ ಎಲ್ಐಸಿ ಎಂಟ್ರಿ ಮಾಡಿಸಲು ಕಾನೂನು ತಿದ್ದುಪಡಿ.

– ರಾಜ್ಯ ಸರ್ಕಾರಗಳಿಗೂ ಸರ್ಕಾರಿ ಸ್ವಾಮ್ಯದ ಕಂಪನಿಗಳ ಖಾಸಗೀಕರಣಕ್ಕೆ ಪ್ರೋತ್ಸಾಹ.

– ಸಹಕಾರಿ ಸಂಸ್ಥೆಗಳ ವ್ಯವಹಾರದ ಅನುಕೂಲಕ್ಕಾಗಿ ಪ್ರತ್ಯೇಕ ಆಡಳಿತ ವ್ಯವಸ್ಥೆ ಜಾರಿ.

ಕೃಷಿ ಕ್ಷೇತ್ರ:

– ಕೃಷಿ ಉತ್ಪನ್ನಗಳಿಗೆ ಕಡೇ ಪಕ್ಷ ರೈತ ಖರ್ಚು ಮಾಡಿದ ಒಂದೂವರೆ ಪಟ್ಟು ಎಮ್ಎಸ್ಪಿ.

– 2013-14ರಲ್ಲಿ ಗೋಧಿ ಬೆಳೆಗಾರರಿಗಾಗಿ ಖರ್ಚಾದ ಒಟ್ಟು ಎಮ್ಎಸ್ಪಿ ದುಡ್ಡು 33,000 ಕೋಟಿ. ಆದ್ರೆ 2019-20ರಲ್ಲಿ ಈ ಮೊತ್ತ 62 ಸಾವಿರ ಕೋಟಿಗೆ ಏರಿಕೆಯಾಗಿದೆ. 2020-21ರಲ್ಲಿ 75 ಸಾವಿರ ಕೋಟಿಗೆ ಏರಿಕೆಯಾಗಿದೆ.

– 2013-14ರಲ್ಲಿ ಭತ್ತ ಬೆಳೆಗಾರರಿಗೆ ಹೋದ ಒಟ್ಟು ಎಮ್ಎಸ್ಪಿ ಮೊತ್ತ 63,000 ಕೋಟಿ. 2019-20ರಲ್ಲಿ ಈ ಮೊತ್ತ 1 ಲಕ್ಷದ 41 ಸಾವಿರ ಕೋಟಿ ರೂ.ಗೆ ಏರಿಕೆ. 2020-21ರಲ್ಲಿ ಈ ಮೊತ್ತ 1 ಲಕ್ಷದ 72 ಸಾವಿರ ಕೋಟಿ ರೂ.ಗೆ ಏರಿಕೆ ನಿರೀಕ್ಷೆ.

– 2013-14ರಲ್ಲಿ ಬೇಳೆಕಾಳು ಬೆಳೆಗಾರರಿಗೆ 236 ಕೋಟಿ ರೂಪಾಯಿ ಎಮ್ಎಸ್ಪಿ. 2019-20ರಲ್ಲಿ ಈ ಮೊತ್ತ 8,000 ಕೋಟಿಗೆ ಏರಿಕೆ. 2020-21ರಲ್ಲಿ 10,500 ಕೋಟಿ ರೂ.ಗೆ ಏರಿಕೆ.

– 2013-14ರಲ್ಲಿ ಹತ್ತಿ ಬೆಳೆಗೆ 90 ಕೋಟಿ ರೂ. ಎಮ್ಎಸ್ಪಿ ನೀಡಲಾಗಿತ್ತು. 2020-21ರಲ್ಲಿ ಅದು 25 ಸಾವಿರ ಕೋಟಿ ರೂ.ಗೆ ಏರಿಕೆ.

– ಈ ವರ್ಷ ಹಕ್ಕುಪತ್ರ ನೀಡುವ ಸ್ವಾಮಿತ್ವ ಯೋಜನೆಯನ್ನ ದೇಶದ ಎಲ್ಲಾ ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ವಿಸ್ತರಣೆ.

– ಈ ವರ್ಷ 16.5 ಲಕ್ಷ ಕೋಟಿ ರೂ. ಕೃಷಿ ಸಾಲ ವಿತರಣೆ ಗುರಿ. ಇದರಲ್ಲಿ ಪಶುಪಾಲನೆ, ಡೈರಿ ಹಾಗೂ ಮೀನುಗಾರರಿಗೆ ಹೆಚ್ಚಿನ ಸಾಲ ಹೋಗುವಂತೆ ನೋಡಿಕೊಳ್ಳಲಾಗುತ್ತೆ.

– ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ಫಂಡ್ಗೆ 40,000 ಕೋಟಿ ರೂ.

– ನಬಾರ್ಡ್ ಅಡಿಯಲ್ಲಿ ಸಣ್ಣ ನೀರಾವರಿ ಫಂಡ್ 5,000 ಕೋಟಿಯಿಂದ 10,000 ಕೋಟಿ ರೂ.ಗೆ ಹೆಚ್ಚಳ.

– ಕೃಷಿ ಉತ್ಪನ್ನಗಳ ಮೌಲ್ಯವರ್ಧನೆ ಹಾಗೂ ರಫ್ತಿಗೆ ಪ್ರಚೋದನೆ ಕೊಡಲು ಇರುವ ಆಪರೇಷನ್ ಗ್ರೀನ್ ಸ್ಕೀಮ್ ವ್ಯಾಪ್ತಿಗೆ 22 ಬೇಗ ಹಾಳಾಗುವ ತರಕಾರಿಗಳ ಸೇರ್ಪಡೆ.

– ಇ-ನ್ಯಾಮ್ ವ್ಯವಸ್ಥೆಗೆ ಇನ್ನೂ ಸಾವಿರ ಮಂಡಿಗಳ ಸೇರ್ಪಡೆ.

– ಎಪಿಎಂಸಿಗಳಿಗೂ ತಮ್ಮ ಬ್ಯುಸಿನೆಸ್ ಹೆಚ್ಚು ಮಾಡಲು ಕೃಷಿ ಮೂಲಸೌಕರ್ಯ ಅಭಿವೃದ್ಧಿ ನಿಧಿಯಿಂದ ಹಣಕಾಸಿನ ಸಹಾಯ.

– ಕೊಚ್ಚಿ, ಚೆನ್ನೈ, ವಿಶಾಖಪಟ್ಟಣ, ಪಾರದೀಪ್ ಮತ್ತು ಪೆಟುವಾಘಾಟ್ ಬಂದರುಗಳನ್ನ ವಾಣಿಜ್ಯ ಚಟುವಟಿಕೆಗಳ ಹಬ್ಗಳಾಗಿ ಮಾಡಲಾಗುವುದು.

– ತಮಿಳುನಾಡಿನಲ್ಲಿ ಬಹು ಉಪಯೋಗಿ ಸಮುದ್ರ ಕಳೆ ಪಾರ್ಕ್ ಸ್ಥಾಪನೆ.

– ವಲಸೆ ಕಾರ್ಮಿಕರಿಗೆ ಮತ್ತು ಕಾಂಟ್ರಾಕ್ಟರ್ಗಳನ್ನ ಕನೆಕ್ಟ್ ಮಾಡುವ ಪ್ರತ್ಯೇಕ ವೆಬ್ಸೈಟ್. ಇದರಿಂದ ವಲಸೆ ಕಾರ್ಮಿಕರ ಆರೋಗ್ಯ, ವಸತಿ, ಕೌಶಲ್ಯ, ಇನ್ಶೂರೆನ್ಸ್, ಸಾಲ ಮತ್ತು ಆಹಾರ ಭದ್ರತೆಗೆ ಅನುಕೂಲ.

– MSME ವಲಯಕ್ಕೆ 15,700 ಕೋಟಿ ರೂ. ಅನುದಾನ. ಕಳೆದ ವರ್ಷಕ್ಕೆ ಹೋಲಿಸಿದರೆ ಡಬಲ್.

ಶಿಕ್ಷಣ ಕ್ಷೇತ್ರ:

– ನ್ಯಾಶನಲ್ ಎಜುಕೇಶನ್ ಪಾಲಿಸಿಗೆ ಅನುಗುಣವಾಗಿ ಬೆಳೆಯಲು ಅನುವಾಗಲು 15,000 ಶಾಲೆಗಳ ಅಭಿವೃದ್ಧಿ.

– 100 ಹೊಸ ಸೈನಿಕ ಶಾಲೆಗಳ ಸ್ಥಾಪನೆ.

– ಉನ್ನತ ಶಿಕ್ಷಣಕ್ಕಾಗಿ ‘ಹೈಯರ್ ಎಜುಕೇಶನ್ ಕಮಿಷನ್ ಆಫ್ ಇಂಡಿಯಾ’ ಸ್ಥಾಪನೆ.

– ಲಡಾಖ್ನ ಲೇಹ್ನಲ್ಲಿ ಸೆಂಟ್ರಲ್ ಯುನಿವರ್ಸಿಟಿ.

– ಎಸ್ಸಿ-ಎಸ್ಟಿ ಸಮುದಾಯದವರಿಗೆ 750 ಮಾದರಿ ಏಕಲವ್ಯ ವಸತಿ ಶಾಲೆಗಳ ಸ್ಥಾಪನೆ ಗುರಿ. ಪ್ರತಿ ಶಾಲೆಗೆ 38 ಕೋಟಿ ರೂಪಾಯಿ ಅನುದಾನ. ಇದೇ ಶಾಲೆ ಗುಡ್ಡಗಾಡು ಪ್ರದೇಶದಲ್ಲಿದ್ದರೆ 48 ಕೋಟಿ ರೂಪಾಯಿ ಮೀಸಲು.

– ಹೈಸ್ಕೂಲ್ ನಂತರದ ಶಿಕ್ಷಣಕ್ಕಾಗಿ ಎಸ್ಸಿ- ಎಸ್ಟಿ ವಿದ್ಯಾರ್ಥಿಗಳಿಗೆ 5 ವರ್ಷಗಳ ಅವಧಿಯಲ್ಲಿ 35 ಸಾವಿರ ಕೋಟಿ ಸ್ಕಾಲರ್ಶಿಪ್

– ಡಿಪ್ಲಾಮಾ, ಇಂಜಿನಿಯರಿಂಗ್ ಮಾಡಿದವರಿಗೆ ನ್ಯಾಟ್ ಸ್ಕೀಮ್ ಅಡಿಯಲ್ಲಿ ತರಬೇತಿಗೆ 3,000 ಕೋಟಿ ರೂ.

– ಭಾರತದ ಯುವಕರ ಕೌಶಲ್ಯ ವೃದ್ಧಿಗೆ ಯುಎಇ ಹಾಗೂ ಜಪಾನ್ ಸಹಭಾಗಿತ್ವದಲ್ಲಿ ಯೋಜನೆ

ಸಂಶೋಧನೆ ಮತ್ತು ಅಭಿವೃದ್ಧಿ:

– ನ್ಯಾಶನಲ್ ರಿಸರ್ಚ್ ಫೌಂಡೇಶನ್ಗೆ ಮುಂದಿನ 5 ವರ್ಷಗಳಲ್ಲಿ 50,000 ಕೋಟಿ ರೂ. ಮೀಸಲು.

– ಡಿಜಿಟಲ್ ಪೇಮೆಂಟ್ಸ್ ಉತ್ತೇಜಿಸಲು 1,500 ಕೋಟಿ ಕೋಟಿ ರೂಪಾಯಿ.

– ಕೇಂದ್ರ ಸರ್ಕಾರದ ಎಲ್ಲಾ ನೀತಿಗಳನ್ನ ದೇಶದ ಎಲ್ಲಾ ಪ್ರಮುಖ ಭಾಷೆಗಳಲ್ಲೂ ಸಿಗುವಂತೆ ಮಾಡಲು ‘ನ್ಯಾಶನಲ್ ಲಾಂಗ್ವೇಜ್ ಟ್ರಾನ್ಸ್ಲೇಶನ್ ಮಿಶನ್’.

– ‘ಇಸ್ರೋ ಗಗನ್ಯಾನ್ ಮಿಶನ್’ಗಾಗಿ ರಷ್ಯಾದಲ್ಲಿ ನಾಲ್ವರು ಭಾರತೀಯ ಗಗನಯಾತ್ರಿಗಳಿಗೆ ತರಬೇತಿ ನಡೆಯುತ್ತಿದೆ. ಡಿಸೆಂಬರ್ 2021ಕ್ಕೆ ಮೊದಲ ಮಾನವ ರಹಿತ ಉಡ್ಡಯನ ನಡೆಯಲಿದೆ.

– ‘ದಿ ನ್ಯೂ ಸ್ಪೇಸ್ ಇಂಡಿಯಾ ಲಿಮಿಟೆಡ್ – NSIL’ ಮೂಲಕ ಸ್ಪೇಸ್ ಬ್ಯುಸಿನೆಸ್.

– ಆಳ ಸಮುದ್ರ ಸಂಶೋಧನೆಗೆ ಮುಂದಿನ 5 ವರ್ಷಕ್ಕೆ 4 ಸಾವಿರ ಕೋಟಿ ರೂಪಾಯಿ.

ಆಡಳಿತ ಸುಧಾರಣೆ:

– ನ್ಯಾಶನಲ್ ನರ್ಸಿಂಗ್ ಮತ್ತು ಮಿಡ್ವೈಫರಿ ಕಮಿಷನ್ ಸ್ಥಾಪನೆ.

– 2021-22ರಲ್ಲಿ ನಡೆಯುವ ಜನಗಣತಿ ಸಂಪೂರ್ಣ ಡಿಜಿಟಲ್ ಗಣತಿ ಆಗಲಿದೆ. ಇದಕ್ಕಾಗಿ 3,700 ಕೋಟಿ ರೂ. ಅನುದಾನ.

– ಪೋರ್ಚುಗೀಸರಿಂದ ಗೋವಾ ಸ್ವಾತಂತ್ರ್ಯ ಪಡೆದು 60 ವರ್ಷ ಆಗ್ತಿರೋ ಹಿನ್ನೆಲೆ 300 ಕೋಟಿ ರೂ. ವಿಶೇಷ ಕೊಡುಗೆ.

– ಅಸ್ಸಾಂ ಮತ್ತು ಪಶ್ಚಿಮ ಬಂಗಾಳದಲ್ಲಿನ ಮಹಿಳಾ ಚಹಾ ಕಾರ್ಮಿಕರ ಅಭಿವೃದ್ಧಿಗೆ 1,000 ಕೋಟಿ ರೂ.

ಇನ್ನು ಕೆಲವೊಂದು ವಸ್ತುಗಳ ಮೇಲೆ ಕೃಷಿ ಸೆಸ್ ಹಾಕಲಾಗಿದೆ. ಪ್ರತಿ ಲೀಟರ್ ಪೆಟ್ರೋಲ್ ಮೇಲೆ 2.5 ರೂ ಮತ್ತು ಪ್ರತಿ ಲೀಟರ್ ಡೀಸೆಲ್ ಮೇಲೆ 4 ರೂ ಕೃಷಿ ಸೆಸ್ ಹಾಕಲಾಗಿದೆ. ಇನ್ನೂ ಕೆಲವೊಂದು ವಸ್ತುಗಳ ಆಮದು ಸುಂಕವನ್ನ ಹೆಚ್ಚಿಸಲಾಗಿದೆ. ಚಿನ್ನ-ಬೆಳ್ಳಿ ಮೇಲಿನ ಆಮದು ಸುಂಕವನ್ನ 12.5%ನಿಂದ 7.5%ಗೆ ಇಳಿಸಲಾಗಿದೆ. ಆದ್ರೆ ಚಿನ್ನ-ಬೆಳ್ಳಿ ಮೇಲೆ 2.5% ಕೃಷಿ ಸೆಸ್ ವಿಧಿಸಲಾಗಿದೆ. ಹೀಗೆ ಕೆಲವೊಂದು ವಸ್ತುಗಳ ಮೇಲೆ ಆಮದು ಸುಂಕ ಮತ್ತು ಕೃಷಿ ಸೆಸ್ ಎರಡನ್ನೂ ಹಾಕಿದ್ರೆ, ಇನ್ನೂ ಕೆಲವೊಂದು ವಸ್ತುಗಳ ಮೇಲೆ ಒಂದನ್ನ ಮಾತ್ರ ಹಾಕಲಾಗಿದೆ.