masthmagaa.com:
ಇನ್ನು ಯುಕ್ರೇನ್ಗೆ ರಷ್ಯಾ ಕಳಿಸ್ತಿರೋ ಸೇನಾ ವಾಹನಗಳ ಮೇಲೆ, ಟ್ಯಾಂಕ್ಗಳ ಮೇಲೆ ಇಂಗ್ಲಿಷ್ನ ಝೀ ಲೆಟರ್ ಅನ್ನ ವೈಟ್ ಪೇಂಟ್ನಲ್ಲಿ ಬರೆದಿರೋದು ಕಾಣ್ತಿದೆ. ಝೀ ಅಂದ್ರೆ ಏನು ಅನ್ನೋ ಪ್ರಶ್ನೆ ಎದ್ದಿದೆ. ಪುಟಿನ್ ಏನಾದ್ರೂ ಈ ಕಾರ್ಯಾಚರಣೆಗೆ ಆಪರೇಷನ್ ಝೀ ಅನ್ನೋ ಹೆಸರನ್ನ ಇಟ್ಟಿದ್ದಾರೆ ಅಂತ ಹೇಳಲಾಗ್ತಿದೆ. ಕೆಲವೊಂದು ವಾಹನಗಳಲ್ಲಿ ಝೀ ಪಕ್ಕದಲ್ಲಿ ಒಂದು ಸರ್ಕರ್ ಅದರೊಳಗೆ ಮೂರು ಚುಕ್ಕೆಗಳು ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದೆ. ಒಂದ್ವೇಳೆ ದೊಡ್ಡ ಪ್ರಮಾಣದಲ್ಲಿ ಯುದ್ಧ ಏನಾದ್ರೂ ನಡೆದ್ರೆ ರಷ್ಯಾ ಸೇನೆ ಮಿಸ್ಸಾಗಿ ತಮ್ಮನ್ನ ತಾವೇ ಹೊಡೆದುಕೊಳ್ಳೋದು ಆಗಬಾರ್ದು, ಮಿಸ್ ಫೈರ್ ಆಗಬಾರ್ದು ಅನ್ನೋ ಕಾರಣಕ್ಕೆ ಹೀಗೆ ಮಾರ್ಕ್ ಮಾಡಿರಬಹುದು ಅಂತ ಮಿಲಿಟರಿ ತಜ್ಞರು ಹೇಳಿದ್ದಾರೆ. ಯಾಕಂದ್ರೆ ಯುಕ್ರೇನ್ ಬಳಿ ಇರೋ ಟ್ಯಾಂಕ್ಗಳು ಕೂಡ ರಷ್ಯಾದ ಟ್ಯಾಂಕ್ಗಳ ಥರನೇ ಇದೆ. ಹೀಗಾಗಿ ಈಥರ ಮಾಡಲಾಗಿದೆ. 1990ರಲ್ಲಿ ಗಲ್ಫ್ ಯುದ್ಧದ ಟೈಮಲ್ಲಿ ಕುವೈಟ್ ಮೇಲೆ ಇರಾಕ್ ಸೇನೆ ಆಕ್ರಮಣ ಮಾಡಿದಾಗ, ಕುವೈಟ್ ನೆರವಿಗೆ ಧಾವಿಸಿದ್ದ ಅಮೆರಿಕ ಮತ್ತು ಯುಕೆ ಕೂಡ ಇಂಥದ್ದೇ ಉಪಾಯ ಕಂಡು ಹಿಡಿದಿದ್ವು. ಆಗ ಅಮೆರಿಕ ಮತ್ತು ಯುಕೆಯ ಸೇನಾ ವಾಹನ ಮತ್ತು ಟ್ಯಾಂಕ್ಗಳ ಮೇಲೆ ಇಂಗ್ಲಿಷ್ನ ವಿ ಲೆಟರ್ ಉಲ್ಟಾ ಮಾಡಿ ಪೇಂಟ್ ಮಾಡಲಾಗಿತ್ತು. ಸೋ ರಷ್ಯಾ ಕೂಡ ಹಾಗೇ ಮಾಡಿರೋದು ನೋಡಿದ್ರೆ ರಷ್ಯಾ ಪೂರ್ಣ ಪ್ರಮಾಣದ ಯುದ್ಧಕ್ಕೆ ಕಂಪ್ಲೀಟ್ ರೆಡಿಯಾಗಿಬಿಟ್ಟಿದೆ ಅನ್ನೋಥರ ಇದೆ ಅಂತ ಹೇಳಲಾಗ್ತಿದೆ.
-masthmagaa.com
Contact Us for Advertisement