masthmagaa.com:
ಕೆಪಿಸಿಸಿ ಅಲ್ಪಸಂಖ್ಯಾತ ಘಟಕದ ನೂತನ ಅಧ್ಯಕ್ಷರ ಪದಗ್ರಹಣ ಸಮಾರಂಭದ ವೇಳೆ ವಿಪಕ್ಷ ನಾಯಕ ಸಿದ್ದರಾಮಯ್ಯ ಭಾಷಣ ಮಾಡುವಾಗ ಕೆಲವರು ಅಡ್ಡಿಪಡಿಸಿದ್ದಾರೆ. ಜಮೀರ್ ಅಹ್ಮದ್ ಖಾನ್ ಫೋಟೋ ಇಟ್ಕೊಂಡು, ಅವರ ಪರ ಘೋಷಣೆಗಳನ್ನ ಕೂಗಿದ್ದಾರೆ. ಈ ವೇಳೆ ಸಿಟ್ಟಿಗೆದ್ದ ಸಿದ್ದರಾಮಯ್ಯ ಸುಮ್ನೆ ಕೂತ್ಕೊಳ್ಳಿ, ಸೈಲೆಂಟಾಗಿರರ್ಬೇಕು ಅಂದ್ರು.ಆದ್ರೆ ಯಾರೂ ಸುಮ್ಮನಾಗಲಿಲ್ಲ. ಕೊನೆಗೆ ಭಾಷಣವನ್ನ ಅರ್ಧಕ್ಕೆ ನಿಲ್ಲಿಸಿ ವೇದಿಕೆಯಿಂದ ಕೆಳಗಿಳಿದು ಹೋದ್ರು ಸಿದ್ದರಾಮಯ್ಯ. ಇದರಿಂದ ಸಿಟ್ಟಿಗೆದ್ದ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್, ಇಲ್ಲಿ ವ್ಯಕ್ತಿ ಪೂಜೆಗೆ ಅವಕಾಶ ಕೊಡಲ್ಲ. ಇಲ್ಲಿ ಏನಿದ್ರೂ ಕಾಂಗ್ರೆಸ್ ಪೂಜೆ. ನಿಮ್ಮ ಈ ಪುಂಡಾಟಿಕೆ ಎಲ್ಲಾ ಬಿಟ್ಬಿಡ್ಬೇಕು. ಇಲ್ಲಾಂದ್ರೆ ಏನ್ ಮಾಡ್ಬೇಕು ಅಂತ ನಂಗೆ ಗೊತ್ತಿದೆ ಅಂತ ವಾರ್ನಿಂಗ್ ಕೊಟ್ರು.
ಇನ್ನು ಘಟನೆ ಬಗ್ಗೆ ನಂತರದಲ್ಲಿ ಮಾಧ್ಯಮಗಳ ಜೊತೆ ಮಾತನಾಡಿದ ಸಿದ್ದರಾಮಯ್ಯ, ನಂಗೇನೂ ಅಡ್ಡಿ ಪಡಿಸಿಲ್ಲ. ನಂಗೆ ಟೈಮ್ ಇರಲಿಲ್ಲ ಹೀಗಾಗಿ ಹೋದೆ. ನಾನು ಭಾಷಣ ಮಾಡಲ್ಲ, ಟೈಮ್ ಇಲ್ಲ ಅಂತ ಮೊದಲೇ ಹೇಳಿದ್ದೆ ಅಂತ ಹೇಳಿದ್ರು. ಡಿಕೆ ಶಿವಕುಮಾರ್ ಕೂಡ, ಸಿದ್ದರಾಮಯ್ಯಗೆ ಟೈಂ ಇರ್ಲಿಲ್ಲ ಅಂತ ಹೇಳ್ತಿದ್ರು.
ಇನ್ನು ಇಡೀ ಘಟನೆ ಬಗ್ಗೆ ಮಾತನಾಡಿದ ಕಾಂಗ್ರೆಸ್ ಶಾಸಕ ಜಮೀರ್ ಅಹ್ಮದ್ ಖಾನ್, ಕೂಗೋದ್ರಲ್ಲಿ ಏನ್ ತಪ್ಪಿದೆ. ತಪ್ಪಿದ್ರೆ ನೋಟಿಸ್ ಕೊಡ್ಲಿ. ಹೀಗೆ ಮುಂದೆ ಬಂದು ಕೂಗೋದಕ್ಕೆ ಸಿದ್ದರಾಮಯ್ಯ ಕೂಡ ಖುಷಿ ಪಡ್ತಾರೆ, ಬೇಜಾರ್ ಮಾಡ್ಕೊಳ್ಳಲ್ಲ. ಅದೇ ಕಾರಣಕ್ಕೆ ಸಿದ್ದರಾಮಯ್ಯ ಲೀಡರ್ ಆಗಿರೋದು. ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷರ ನೇಮಕದಿಂದ ನಂಗೇನು ಬೇಸರ ಇಲ್ಲ. ಕಾರಣಾಂತರಗಳಿಂದ ಆ ಸಭೆಗೆ ನಂಗೆ ಹೋಗಕ್ಕಾಗಿರಲಿಲ್ಲ ಅಂತ ಜಮೀರ್ ಅಹ್ಮದ್ ಖಾನ್ ಹೇಳಿದ್ದಾರೆ.
ಇನ್ನು ಇದೇ ಕಾರ್ಯಕ್ರಮದಲ್ಲಿ ಕಾಂಗ್ರೆಸ್ ರಾಷ್ಟ್ರೀಯ ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷ ಇಮ್ರಾನ್ ಪ್ರತಾಪ್ ಗಡಿ ಪ್ರಚೋದನಾಕಾರಿ ಹೇಳಿಕೆಯೊಂದನ್ನ ಕೊಟ್ಟಿದ್ದಾರೆ. ನೀವು ಟಿಪ್ಪು ಸುಲ್ತಾನ್ ನೆಲದವರು. ನಿಮ್ಗೆ ತಲೆ ತಗ್ಗಿಸೋದು ಗೊತ್ತಿಲ್ಲ, ತಲೆ ಕಡಿಯೋದು ಗೊತ್ತು, ತಲೆ ಕತ್ತರಿಸೋದು ಗೊತ್ತು ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement