masthmagaa.com:
ವಾಟ್ಸಾಪ್ನ ಹೊಸ ಪ್ರೈವಸಿ ಪಾಲಿಸಿ ಬಗ್ಗೆ ಸಾಕಷ್ಟು ಚರ್ಚೆ ನಡೀತಿರುವಾಗಲೇ, ಭಾರತೀಯ ಬಳಕೆದಾರರನ್ನ ವಾಟ್ಸಾಪ್ ಕಂಪನಿ ಡಿಫ್ರೆಂಟ್ ಆಗಿ ಟ್ರೀಟ್ ಮಾಡ್ತಿದೆ. ಯುರೋಪಿನ ಬಳಕೆದಾರರಕ್ಕಿಂತ ಭಿನ್ನವಾಗಿ ನೋಡ್ತಿದೆ ಅಂತ ಕೇಂದ್ರ ಸರ್ಕಾರ ದೆಹಲಿ ಹೈಕೋರ್ಟ್ಗೆ ಹೇಳಿದೆ. ವಾಟ್ಸಾಪ್ ಹೊಸ ಪ್ರೈವಸಿ ಪಾಲಿಸಿಯನ್ನ ಬಳಕೆದಾರರು ಒಪ್ಪಿಕೊಳ್ಳಲೇ ಬೇಕು. ಅದನ್ನ ಒಪ್ಪಿಕೊಳ್ಳದೇ ಇರಲು ಆಪ್ಷನ್ನೇ ಕೊಟ್ಟಿಲ್ಲ ಎಂಬ ವಿಚಾರಕ್ಕೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರ ಕೋರ್ಟ್ಗೆ ಈ ರೀತಿ ಹೇಳಿದೆ. ಹೊಸ ಪ್ರೈವಸಿ ಪಾಲಿಸಿಯನ್ನ ಪ್ರಶ್ನಿಸಿ ವಕೀಲರೊಬ್ರು ಅರ್ಜಿ ಸಲ್ಲಿಸಿದ್ರು. ಅದರ ವಿಚಾರಣೆ ವೇಳೆ ಈ ರೀತಿ ಹೇಳಿದೆ.
ಅಂದ್ಹಾಗೆ ವಾಟ್ಸಾಪ್ನ ಹೊಸ ಪ್ರೈವಸಿ ಪಾಲಿಸಿ ಪ್ರಕಾರ, ಬಳಕೆದಾರರು ಅದನ್ನ ಒಪ್ಪಿಕೊಳ್ಳಬೇಕು ಅಥವಾ ಅಪ್ಲಿಕೇಶನ್ನಿಂದ ಹೊರಬರಬೇಕು. ಆದ್ರೆ ಪಾಲಿಸಿಯನ್ನ ಒಪ್ಪಿಕೊಳ್ಳದೇ ವಾಟ್ಸಾಪ್ನಲ್ಲಿ ಮುಂದುವರಿಯಲು ಅವಕಾಶವಿಲ್ಲ. ಹೊಸ ಪ್ರೈವಸಿ ಪಾಲಿಸಿ ಒಪ್ಪಿಕೊಂಡ್ರೆ, ಫೇಸ್ಬುಕ್ ಒಡೆತನದ ಅಥವಾ ಥರ್ಡ್ ಪಾರ್ಟಿ ಅಪ್ಲಿಕೇಶನ್ಗಳ ಜೊತೆ ನಿಮ್ಮ ಡೇಟಾ ಶೇರ್ ಮಾಡಲು ವಾಟ್ಸಾಪ್ಗೆ ಅನುಮತಿ ಕೊಟ್ಟಂತಾಗುತ್ತೆ. ಆದ್ರೆ ಯುರೋಪಿನ ದೇಶಗಳಲ್ಲಿ ಹೀಗಿಲ್ಲ. ಇದೇ ಈಗ ವಿವಾದಕ್ಕೆ ಗುರಿಯಾಗಿದ್ದು, ವಾಟ್ಸಾಪ್ ಕಂಪನಿ ಭಾರತೀಯರನ್ನ ಯುರೋಪಿಯನ್ನರಿಗಿಂತ ಡಿಫ್ರೆಂಡ್ ಆಗಿ ನೋಡ್ತಿದೆ ಅಂತ ಕೇಂದ್ರ ಸರ್ಕಾರ ಕೋರ್ಟ್ಗೆ ಹೇಳಿದೆ.
-masthmagaa.com
Contact Us for Advertisement