masthmagaa.com:
ಭಾರತ ಸರ್ಕಾರ ಒಂದು ಫೇಸ್‌ಬುಕ್‌ ಅಕೌಂಟ್‌ ಹಾಗು 8 ಯುಟ್ಯೂಬ್‌ ಚಾನಲ್‌ಗಳನ್ನ ಬ್ಯಾನ್‌ ಮಾಡಿದೆ. ಭಾರತ ವಿರೋಧಿ ಮತ್ತು ಕೋಮುವಾದ ಪ್ರಚೋದನೆ ಮಾಡಿದ ಹಿನ್ನಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ ಅಂತ ಹೇಳಲಾಗಿದೆ. ಇನ್ನು ಬ್ಯಾನ್‌ ಆದ 8 ಯುಟ್ಯೂಬ್‌ ಚಾನಲ್‌ಗಳಲ್ಲಿ ಒಂದು ಪಾಕಿಸ್ತಾನದ್ದು ಅಂತ ತಿಳಿದು ಬಂದಿದೆ. ಇದರೊಂದಿಗೆ ಕಳೆದ ವರ್ಷ ಡಿಸೆಂಬರ್‌ನಿಂದ ಇಲ್ಲಿಯವರೆಗೆ ಬ್ಯಾನ್‌ ಆದ ಯುಟ್ಯೂಬ್‌ ಚಾನಲ್‌ಗಳ ಸಂಖ್ಯೆ 102ಕ್ಕೆ ಏರಿದೆ. ಈ 8 ಯುಟ್ಯೂಬ್‌ ಚಾನಲ್‌ಗಳು ಒಟ್ಟಾಗಿ 86 ಲಕ್ಷ ಸಬ್‌ಸ್ಕ್ರೈಬರ್‌ ಹೊಂದಿದ್ದು, 114 ಕೋಟಿಗೂ ಅಧಿಕ ವಿವ್ಯೂಗಳನ್ನ ಹೊಂದಿವೆ. ಈ ಚಾನಲ್‌ಗಳು ಭಾರತದಲ್ಲಿನ ಧಾರ್ಮಿಕ ಸಮುದಾಯಗಳ ನಡುವೆ ದ್ವೇಷ ಹರಡುತ್ತಿದ್ವು. ಅಂದ್ರೆ ಸರ್ಕಾರ ಧಾರ್ಮಿಕ ಕಟ್ಟಡಗಳನ್ನ ನಾಶಗೊಳಿಸುವಂತೆ, ಧಾರ್ಮಿಕ ಹಬ್ಬಗಳನ್ನ ಆಚರಿಸದಂತೆ ಹಾಗೂ ದೇಶದಲ್ಲಿ ಧಾರ್ಮಿಕ ಯುದ್ದವನ್ನ ಘೋಷಿಸಿದೆ ಅಂತ ಸುಳ್ಳು ಸುದ್ದಿಗಳನ್ನ ಹರಡಿಸುತ್ತಿದ್ವು. ವಿಷಯ ಗೊತ್ತಾದ ಬಳಿಕ ಈ ಚಾನಲ್‌ಗಳನ್ನ ಬ್ಯಾನ್‌ ಮಾಡಲಾಗಿದೆ. ಇತ್ತ ಬೆಂಗಳೂರಿನಲ್ಲಿ ಆಗಸ್ಟ್‌ 14ರಂದು ಕ್ಲಬ್‌ಹೌಸ್‌ನಲ್ಲಿ ಚಾಟ್‌ ಮಾಡೋ ವೇಳೆ ಕೆಲ ಕಿಡಿಗೇಡಿಗಳು ಪಾಕ್‌ ಪರ ಘೋಷಣೆಗಳನ್ನ ಹೇಳಿ, ತಮ್ಮ ಡಿಪಿಯಲ್ಲಿ ಪಾಕ್‌ ಧ್ವಜವನ್ನ ಹಾಕಿದ್ದಾರೆ ಅಂತ ವರದಿಯಾಗಿದೆ. ಈ ರೀತಿ ಚಾಟ್‌ ಮಾಡಿದ್ದನ್ನ ಸ್ಕ್ರೀನ್‌ಶಾಟ್‌ ತೆಗೆದು ಸೋಷಿಯಲ್‌ ಮೀಡಿಯಾದಲ್ಲಿ ಅಪಲೋಡ್‌ ಮಾಡಿಲಾಗಿದೆ. ಅಷ್ಟೇ ಅಲ್ಲದೇ ಕಿಡಿಗೇಡಿಗಳು ಅಧಿಕಾರಿಗಳಿಗೆ ತಮ್ಮ ವಿರುದ್ದ ಕ್ರಮ ಕೈಗೊಳ್ಳುವಂತೆ ಸವಾಲ್‌ ಕೂಡ ಹಾಕಿದ್ದಾರೆ ಎನ್ನಲಾಗಿದೆ. ಇದೀಗ ಬೆಂಗಳೂರು ಪೊಲೀಸರು ಇವರ ವಿರುದ್ದ ಸುಮೋಟೊ ಕೇಸ್‌ ದಾಖಲಿಸಿದ್ದಾರೆ.
-masthmagaa.com
Contact Us for Advertisement