masthmagaa.com:
ಭಾರತದಲ್ಲಿ ಮಕ್ಕಳ ಕೊರೋನಾ ಲಸಿಕೆಗೆ ಶೀಘ್ರದಲ್ಲೇ ಗ್ರೀನ್ ಸಿಗ್ನಲ್ ಸಿಗೋ ಸಾಧ್ಯತೆ ಇದೆ. ಅಂದ್ಹಾಗೆ 2ರಿಂದ 18 ವರ್ಷದ ಮಕ್ಕಳಿಗೆ ಹಾಕಬಹುದಾದ ಕೋವಾಕ್ಸಿನ್ ಲಸಿಕೆಯನ್ನ ಭಾರತದ ಔಷಧ ನಿಯಂತ್ರಣ ನಿರ್ದೇಶನಾಲಯಕ್ಕೆ ಶಿಫಾರಸು ಮಾಡಿದೆ ಸಬ್ಜೆಕ್ಟ್ ಎಕ್ಸ್ಪರ್ಟ್ ಕಮಿಟಿ ಅಥವಾ SEC. DCGI ಕೂಡ ಇದಕ್ಕೆ ಓಕೆ ಅಂದ್ರೆ ಮಕ್ಕಳಿಗೆ ಲಸಿಕೆ ಚುಚ್ಚಲು ಅನುಮೋದನೆ ಸಿಕ್ಕಂತೆ. ಅಂದ್ಹಾಗೆ ಈ ಕೋವಾಕ್ಸಿನ್ ಮಕ್ಕಳ ಲಸಿಕೆಯನ್ನ ಹೈದ್ರಾಬಾದ್ ಮೂಲದ ಭಾರತ್ ಬಯೋಟೆಕ್ ಕಂಪನಿ ಅಭಿವೃದ್ಧಿಪಡಿಸಿದೆ. ಇದೇ ಕಂಪನಿಯ ಲಸಿಕೆಯನ್ನ ಈಗಾಗಲೇ ವಯಸ್ಕರಿಗೆ ಚುಚ್ಚಲಾಗ್ತಿದೆ. ಒಂದ್ವೇಳೆ ಮಕ್ಕಳ ಲಸಿಕೆಗೆ ಅನುಮೋದನೆ ಸಿಕ್ರೆ ಭಾರತದಲ್ಲಿ ಅನುಮೋದನೆ ಪಡೆದ ಮೊದಲ ಮಕ್ಕಳ ಕೊರೋನಾ ಲಸಿಕೆ ಎನಿಸಿಕೊಳ್ಳಲಿದೆ ಕೋವಾಕ್ಸಿನ್. 2ರಿಂದ 18 ವರ್ಷದ ಮಕ್ಕಳ ಮೇಲೆ ಈ ಲಸಿಕೆಯನ್ನ ಪ್ರಯೋಗ ಮಾಡಿದ ಡೇಟಾವನ್ನ ಭಾರತ್ ಬಯೋಟೆಕ್ ಕಂಪನಿ ಸಲ್ಲಿಸಿದ ಆಧಾರದ ಮೇಲೆ ಸಬ್ಜೆಕ್ಟ್ ಎಕ್ಸ್ಪರ್ಟ್ ಕಮಿಟಿ ಶಿಫಾರಸು ಮಾಡಿದೆ.
-masthmagaa.com
Contact Us for Advertisement