masthmagaa.com:
ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಮೊದಲ ದಿನ ಹಿಂದಿ ಬಾಕ್ಸ್ ಆಫೀಸಿನಲ್ಲಿ ಗಳಿಸಿದ್ದ 53.95 ಕೋಟಿ ರೂಪಾಯಿಯೂ ಸೇರಿ ಇಡೀ ಭಾರತದಲ್ಲಿ 134.5 ಕೋಟಿ ಗಳಿಸಿತ್ತು. ಎರಡನೇ ದಿನಕ್ಕೆ ಹಿಂದಿ ಬೆಲ್ಟ್ ನಲ್ಲಿ 46.79 ಕೋಟಿ ರೂಪಾಯಿ ಕಲೆಕ್ಷನ್ ಮಾಡುವ ಮೂಲಕ ಬರೀ ಹಿಂದಿ ವರ್ಷನ್ನಿಂದ 100.74 ಕೋಟಿ ರೂಪಾಯಿ ಬಾಚಿಕೊಂಡಂತಾಗಿದೆ. ಈ ಮೂಲಕ ಇಲ್ಲಿ ತನಕ ಬಾಹುಬಲಿ 2 ಮತ್ತು ದಂಗಲ್ ಸಿನಿಮಾಗಳು ಮಾಡಿದ್ದ ದಾಖಲೆಯನ್ನ ಪುಡಿಗಟ್ಟಿದೆ. ಒಂದೇ ಭಾಷೆಯಲ್ಲಿ ಯಾವುದೇ ಭಾರತದ ಸಿನಿಮಾ ಕೇವಲ 2 ದಿನಗಳಲ್ಲಿ ಮಾಡದ ಗಳಿಕೆಯನ್ನ ಮಾಡಿ ಹೊಸ ಇತಿಹಾಸ ಸೃಷ್ಟಿ ಮಾಡಿದೆ. ಬಾಕ್ಸ್ ಆಫೀಸ್ ದೊಡ್ಡಪ್ಪ ಅಂತ ಪ್ರೂವ್ ಮಾಡಿದೆ.
ಇನ್ನು ಕೆಜಿಎಫ್ 2 ಎರಡನೇ ದಿನಕ್ಕೆ ಭಾರತದಲ್ಲಿ 240 ಕೋಟಿ ರೂಪಾಯಿ ಗಳಿಸಿದ್ದು, ಎರಡು ದಿನದ ವರ್ಲ್ಡ್ ವೈಡ್ ಕಲೆಕ್ಷನ್ 300 ಕೋಟಿ ದಾಟಿದೆ ಅಂತ ಖ್ಯಾತ ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ.
ಇನ್ನು ಕೆಜಿಎಫ್-2 ಸಿನಿಮಾವನ್ನ ಕನ್ನಡದಲ್ಲೇ ವೀಕ್ಷಿಸಿದ ಸೂಪರ್ ಸ್ಟಾರ್ ರಜನಿಕಾಂತ್ ಮನಸೋತಿದ್ದಾರೆ. ಸಿನಿಮಾ ನೋಡಿದ ಬಳಿಕ ನಿರ್ಮಾಪಕ ವಿಜಯ್ ಕಿರಗಂದೂರ್ಗೆ ಕರೆ ಮಾಡಿ ಮಾತನಾಡಿದ್ದಾರೆ. ಈ ಬಗ್ಗೆ ಸಿನಿಮಾ ವಿಶ್ಲೇಷಕ ರಮೇಶ್ ಬಾಲಾ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ನೀಡಿದ್ದಾರೆ.
-masthmagaa.com
Contact Us for Advertisement