masthmagaa.com:
ವಿಶ್ವದ ನಂಬರ್‌ ಒನ್ ಶ್ರೀಮಂತ ಎಲಾನ್‌ ಮಸ್ಕ್‌ ಅವ್ರು ಟ್ವಿಟರ್‌ ಖರೀದಿ ಮಾಡಿದ್ಮೇಲೆ ಸಾಕಷ್ಟು ಚೇಂಜಸ್‌ ಮಾಡ್ತಿರೋದು ಗೊತ್ತೇಯಿದೆ. ಇದೀಗ ಟ್ವಿಟರ್‌ ಲೋಗೋ ನೀಲಿಹಕ್ಕಿಯನ್ನ ಹಾರಿಬಿಟ್ಟು ಆ ಜಾಗಕ್ಕೆ ʻXʼ ಲೋಗೋವನ್ನ ತಂದು ಕೂರಿಸಿರೋದು ಭಾರಿ ಚರ್ಚೆಗೆ ಕಾರಣವಾಗಿದೆ. ಕಾರ್ಪೊರೇಟ್‌ ಬ್ರಾಂಡ್‌ಗಳು ತಮ್ಮ ಜನಪ್ರಿಯತೆಯಿಂದ ದಿನನಿತ್ಯದ ಸಂಭಾಷಣೆಯ ಒಂದು ಭಾಗ ಆಗೋದು ತುಂಬಾ ಅಪರೂಪವಾಗಿದ್ದು, ಆ ಗುಂಪಿಗೆ ಟ್ವಿಟರ್‌ ಸೇರಿಕೊಂಡಿತ್ತು. ಅಂದ್ರೆ ಸಾಕಷ್ಟು ಜನ ಬಳಕೆದಾರರು ಟ್ವಿಟರ್‌, ಟ್ವೀಟ್‌ ಹಾಗೂ ರೀಟ್ವೀಟ್‌ ಅನ್ನೋ ಪದಗಳನ್ನ ದಿನನಿತ್ಯ ಯೂಸ್‌ ಮಾಡ್ತಿದ್ರು. ಆದ್ರೆ ಈಗ ಎಲ್ಲಾ ಟ್ವಿಟರ್‌ ಸಂಬಂಧಿತ ಪದಗಳನ್ನ ತೆಗೆದು ಹಾಕಿರುವ ಮಸ್ಕ್‌ರ ನಿರ್ಧಾರದಿಂದ, 4 ಬಿಲಿಯನ್‌ ಡಾಲರ್‌ನಿಂದ 20 ಬಿಲಿಯನ್‌ ಡಾಲರ್‌ವರೆಗೆ ಬ್ರಾಂಡ್‌ನ ಮೌಲ್ಯ ನಾಶವಾಗಿದೆ ಅಂತ ಬ್ರಾಂಡ್‌ ಏಜೆನ್ಸಿಯ ತಜ್ಞರು ವಿಶ್ಲೇಷಣೆ ಮಾಡ್ತಿದಾರೆ. ಇನ್ನೊಂದ್‌ ಕಡೆ ಸ್ಯಾನ್‌ಫ್ರಾನ್ಸಿಸ್ಕೋದಲ್ಲಿರುವ ಟ್ವಿಟರ್‌ ಹೆಡ್‌ಕ್ವಾರ್ಟರ್ಸ್‌ ಮೇಲಿನ ಟ್ವಿಟರ್‌ ಲೋಗೋವನ್ನ ತೆಗಯೋಕೆ ಪ್ರಾರಂಭಿಸಲಾಗಿದೆ. ಈ ವೇಳೆ ಲಿಫ್ಟ್‌ ಹಾಗೂ ಕ್ರೇನ್‌ಗಳನ್ನ ಬಳಸಲಾಗಿದ್ದು, ಟ್ರಾಫಿಕ್‌ ಸಮಸ್ಯೆ ಉಂಟಾಗಿದೆ. ಈ ಕಾರಣಕ್ಕೆ ಪೊಲೀಸರು ಬಂದು ಲೋಗೋ ತೆರವು ಕೆಲಸವನ್ನ ಅರ್ಧಕ್ಕೆ ನಿಲ್ಲಿಸಿದ್ದಾರೆ ಎನ್ನಲಾಗಿದೆ. ಆದ್ರೆ ಈ ಬಗ್ಗೆ ಟ್ವಿಟರ್‌ ಯಾವುದೇ ಪ್ರತಿಕ್ರಿಯೆ ಕೊಟ್ಟಿಲ್ಲ.
-masthmagaa.com
Contact Us for Advertisement