masthmagaa.com:
ಯುಕ್ರೇನ್-ರಷ್ಯಾ ಯುದ್ಧದಲ್ಲಿ ಚಿತ್ರವಿತ್ರ ರೀತಿಯು ಆಯುಧಗಳು, ಮಿಲಿಟರಿ ವಾಹನಗಳ ಬಳಕೆಯಾಗ್ತಿವೆ. ನಿನ್ನೆಯಷ್ಟೇ ರಷ್ಯಾ ತನ್ನ ‘ಹಲ್ಕ್ ಟ್ಯಾಂಕ್’ ಅನ್ನ ಹೊರತೆಗೆದಿದೆ ಅಂತ ವರದಿಯಾಗಿತ್ತು. ಆದ್ರೆ ಇದನ್ನ ಯುಕ್ರೇನ್ ವಿರುದ್ಧದ ಯುದ್ಧಕ್ಕೆ ಇನ್ನೂ ಬಳಸಿಕೊಂಡಿಲ್ಲ. ಇದರ ನಡುವೆ ಬ್ರಿಟನ್ ಈಗ ಯುಕ್ರೇನ್ಗೆ ಮತ್ತಷ್ಟು ಮಿಲಿಟರಿ ಸಹಾಯ ನೀಡಲು ಮುಂದಾಗಿದೆ. ತನ್ನ ಬಳಿ ಇರೋ ಮಸ್ತಿಫ್ ಮಿಲಿಟರಿ ವಾಹನಗಳನ್ನ ಯುಕ್ರೇನ್ಗೆ ಕೊಡಲು ಚಿಂತನೆ ನಡೆಸಿದೆ. ಮಸ್ತಿಫ್ ಅನ್ನೋದು ಲಾಂಗ್ ರೇಂಜ್ ಪಟ್ರೋಲಿಂಗ್ ವಾಹನ. ಇದರಲ್ಲಿ ಕೆಲವೊಂದು ವಾಹನಕ್ಕೆ ನಾಲ್ಕೂ ಬದಿಯಿಂದಲೂ ಸುರಕ್ಷಾ ಕವಚ ರೀತಿಯ ವ್ಯವಸ್ಥೆ ಇರುತ್ತೆ. ಇವು ತುಂಬಾ ಬಲಶಾಲಿ ಟ್ರಕ್ಗಳಾಗಿದ್ದು ಬ್ರಿಟನ್ ಸೇನೆಯಲ್ಲಿ ವಿಶೇಷ ಸ್ಥಾನ ಪಡ್ಕೊಂಡಿವೆ. ಇಂಥಾ ವಾಹನಗಳನ್ನ ಈಗ ಬ್ರಿಟನ್ ಯುಕ್ರೇನ್ಗೆ ಕೊಡ್ಬೋದು ಎನ್ನಲಾಗ್ತಿದೆ.
-masthmagaa.com
Contact Us for Advertisement