masthmagaa.com:
ಅಮೆರಿಕ ರಷ್ಯಾ ಜೊತೆ ಮಿಲಿಟರಿ ಕಾದಾಟಕ್ಕೆ ಇಳಿದೇ ಇದ್ರೂ ಆರ್ಥಿಕವಾಗಿ ರಷ್ಯಾ ಮತ್ತು ಪುಟಿನ್ಗೆ ಗಾಯ ಮಾಡೋ ಕೆಲ್ಸವನ್ನ ಮುಂದುವರಿಸಿದೆ. ಈಗ ಅಂಥದ್ದೇ ಬೆಳವಣಿಗೆಯಲ್ಲಿ ರಷ್ಯಾ ಜೊತೆಗಿನ ಸಹಜ ವ್ಯಾಪಾರ ಸಂಬಂಧಕ್ಕೆ ಅಮೆರಿಕ ಗುಡ್ಬೈ ಹೇಳಿದೆ. ಇದುವರೆಗೆ ಅಮೆರಿಕದ ವ್ಯಾಪಾರಿ ಸಂಬಂಧದಲ್ಲಿ ರಷ್ಯಾ ‘ಮೋಸ್ಟ್ ಫೇವರ್ಡ್ ನೇಷನ್’ ಅನ್ನೋ ಪಟ್ಟ ಗಿಟ್ಟಿಸಿಕೊಂಡಿತ್ತು. ರಷ್ಯಾ ಒಂದೇ ಅಲ್ಲ ಬೇರೆ ದೇಶಗಳು ಕೂಡ ಇವೆ. ಆದ್ರೀಗ ರಷ್ಯಾಕ್ಕಿದ್ದ ಈ ಪಟ್ಟವನ್ನ ತೆಗೆದುಹಾಕುವ ಕಾನೂನನ್ನ ಅಮೆರಿಕದ ಕಾಂಗ್ರೆಸ್ ಪಾಸ್ ಮಾಡಿದೆ. ಇದರನ್ವಯ, ಇನ್ಮುಂದೆ ರಷ್ಯಾದಿಂದ ಆಮದು ಮಾಡಿಕೊಳ್ಳುವ ವಸ್ತುಗಳ ಮೇಲೆ ಅಮೆರಿಕ ಹೆಚ್ಚೆಚ್ಚು ಟ್ಯಾಕ್ಸ್ ಹಾಕುವ ನಿರ್ಧಾರಕ್ಕೆ ಬೈಡೆನ್ ಸಹಿ ಹಾಕಬಹುದಾಗಿದೆ. ಸಹಿ ಹಾಕಿದ್ರೆ ರಷ್ಯಾದಿಂದ ಆಮದು ಮಾಡಿಕೊಳ್ಳುವ ವಸ್ತುಗಳ ಬೆಲೆ ಅಮೆರಿಕದಲ್ಲಿ ಗಗನಕ್ಕೇರಲಿದೆ.
-masthmagaa.com
Contact Us for Advertisement