masthmagaa.com:
ಮಹಾರಾಷ್ಟ್ರದ ಜವಾಹರ್ ಲಾಲ್ ನೆಹರು ಬಂದರಿನಲ್ಲಿ 879 ಕೋಟಿ ರೂಪಾಯಿ ಮೌಲ್ಯದ 300 ಕೆಜಿಯಷ್ಟು ಹೆರಾಯಿನ್ನ್ನು ವಶಕ್ಕೆ ಪಡೆಯಲಾಗಿದೆ. ಘಟನೆಯಲ್ಲಿ ಓರ್ವ ವ್ಯಕ್ತಿಯನ್ನು ಅರೆಸ್ಟ್ ಕೂಡ ಮಾಡಲಾಗಿದೆ. ಅಫ್ಗಾನಿಸ್ತಾನದಿಂದ ಇರಾನ್ ಮೂಲಕ ಈ ಹೆರಾಯಿನ್ನ್ನು ತರಲಾಗಿತ್ತು. ಜಿಪ್ಸಂ ಸ್ಟೋನ್ ಮತ್ತು ಟಾಲ್ಕಂ ಪೌಡರ್ ಅಂತ ಹೇಳಿ ಪರ್ಮಿಷನ್ ಪಡೆದು, ಪ್ರಬ್ಜೋತ್ ಸಿಂಗ್ ಅನ್ನೋರ ಹೆಸರಿಗೆ ಕಳುಹಿಸಲಾಗಿತ್ತು. ಇಲ್ಲಿಂದ ಈ ಹೆರಾಯಿನ್ನ್ನು ಪಂಜಾಬ್ಗೆ ಕಳುಹಿಸಲು ಪ್ಲಾನ್ ಮಾಡಲಾಗಿತ್ತು ಅಂತ ಡಿಆರ್ಐ ಅಂದ್ರೆ ಡೈರೆಕ್ಟೋರೇಟ್ ಆಫ್ ರೆವೆನ್ಯೂ ಇಂಟೆಲಿಜೆನ್ಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಕಳೆದ ವರ್ಷ ಆಗಸ್ಟ್ನಲ್ಲಿ ಅಫ್ಘಾನಿಸ್ತಾನದಿಂದ ಬಂದಿದ್ದ 1000 ಕೋಟಿ ರೂಪಾಯಿ ಮೌಲ್ಯದ 191 ಕೆಜಿಯಷ್ಟು ಹೆರಾಯಿನ್ ವಶಕ್ಕೆ ಪಡೆಯಲಾಗಿತ್ತು. ಅದನ್ನು ಆಯುರ್ವೇದಿಕ್ ಔಷಧಿ ಅಂತ ಹೇಳಿ ಸಾಗಾಟಕ್ಕೆ ಪರ್ಮಿಷನ್ ಪಡೆಯಲಾಗಿತ್ತು. ಮತ್ತೊಂದ್ಕಡೆ ದೆಹಲಿ ಏರ್ಪೋರ್ಟ್ನಲ್ಲಿ ಬಳೆಗಳ ಒಳಗೆ ಇಟ್ಟು ಸ್ಮಗಲ್ ಮಾಡುತ್ತಿದ್ದ ಏಳೂವರೆ ಕೋಟಿ ರೂಪಾಯಿ ಮೌಲ್ಯದ 18 ಕೆಜಿಯಷ್ಟು ಹೆರಾಯಿನ್ ವಶಕ್ಕೆ ಪಡೆಯಲಾಗಿದೆ.
-masthmagaa.com
Contact Us for Advertisement