masthmagaa.com:
ಬಾಂಗ್ಲಾದೇಶದಲ್ಲಿ ಮತ್ತೊಂದು ಬೋಟ್ ದುರಂತ ಸಂಭವಿಸಿ ಕನಿಷ್ಠ 26 ಜನ ಮೃತಪಟ್ಟಿದ್ದಾರೆ. ಹಲವರು ನಾಪತ್ತೆಯಾಗಿದ್ದಾರೆ. ಫುಲ್ ರಶ್ ಆಗಿದ್ದ ಬೋಟ್ವೊಂದು ಮರಳು ತುಂಬಿದ ಸರಕು ಸಾಗಣೆ ಹಡಗಿಗೆ ವೇಗವಾಗಿ ಬಂದು ಡಿಕ್ಕಿ ಹೊಡೆದಿದೆ. ಬಳಿಕ ಪದ್ಮಾ ನದಿಯಲ್ಲಿ ಮುಳುಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದುವರೆಗೆ 5 ಜನರನ್ನ ರಕ್ಷಿಸಲಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಳೆದ ತಿಂಗಳು ಬಾಂಗ್ಲಾದೇಶದ ನಾರಾಯಣ್ಗಂಜ್ನಲ್ಲಿ ದೋಣಿ ಅಪಘಾತ ಸಂಭವಿಸಿ ಸುಮಾರು 30 ಜನ ಮೃತಪಟ್ಟಿದ್ದರು. ಲಾಕ್ಡೌನ್ ಜಾರಿಯಾದ ಹಿನ್ನೆಲೆ ಇವರೆಲ್ಲಾ ತಮ್ಮ ತಮ್ಮ ಮನೆಗೆ ಹೋಗ್ತಿದ್ದಾಗ ಅಪಘಾತ ಸಂಭವಿಸಿತ್ತು. ಅಂದ್ಹಾಗೆ ತಗ್ಗು ಪ್ರದೇಶದಲ್ಲಿರೋ ಬಾಂಗ್ಲಾದೇಶದಲ್ಲಿ ಒಳನಾಡು ಜಲಸಾರಿಗೆ ವ್ಯವಸ್ಥೆ ವ್ಯಾಪಕವಾಗಿದೆ. ಆದ್ರೆ ಸುರಕ್ಷತಾ ಮಾನದಂಡಗಳಿಲ್ಲ. ಹೀಗಾಗಿ ಪ್ರತಿವರ್ಷ ನೂರಾರು ಜನ ದೋಣಿ ಅಪಘಾತದಲ್ಲಿ ಸಾವನ್ನಪ್ಪುತ್ತಾರೆ.
-masthmagaa.com
Contact Us for Advertisement