masthmagaa.com:
20 ವರ್ಷಗಳ ಸಂಘರ್ಷದ ಬಳಿಕ ಅಫ್ಘಾನಿಸ್ತಾನ ಟೇಕೋವರ್ ಮಾಡಿದ ತಾಲಿಬಾನ್ಗೆ ಪಂಜ್ಶಿರ್ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ವಿನ್ ಆಗಕ್ಕೆ ಆಗ್ತಿಲ್ಲ.. ಬಿಟ್ಟು ಕೂತ್ರೆ ಮರ್ಯಾದೆ ಇರಲ್ಲ.. ಇಂಥಾ ಸಿಚುವೇಷನ್ನಲ್ಲಿದೆ ತಾಲಿಬಾನ್ ಪಡೆ.. ಆದ್ರೆ ನಿನ್ನೆಯಷ್ಟೇ ಪಂಜ್ಶಿರ್ನಿಂದ ಅಮರುಲ್ಲಾ ಸಲೇಹ್ ಪಲಾಯನ ಮಾಡಿದ್ದಾರೆ ಅಂತ ವರದಿಯಾಗಿತ್ತು. ಅದ್ರ ಬೆನ್ನಲ್ಲೇ ತಾಲಿಬಾನಿಗಳು ನಾವು ಪಂಜ್ಶಿರ್ನ್ನು ವಶಕ್ಕೆ ಪಡ್ಕೊಂಡಿದ್ದೀವಿ ಅಂತ ಘೋಷಿಸಿಕೊಂಡಿದ್ದಾರೆ. ಅಲ್ಲಾ ಕೃಪೆಯಿಂದ ನಾವು ಈಗ ಇಡೀ ಅಫ್ಘಾನಿಸ್ತಾನವನ್ನು ನಿಯಂತ್ರಿಸುತ್ತಿದ್ದೇವೆ. ಶತ್ರುಗಳನ್ನು ಸೋಲಿಸಿದ್ದೇವೆ. ಪಂಜ್ಶಿರ್ ನಮ್ಮ ಕಂಟ್ರೋಲ್ಗೆ ಬಂದಿದೆ ಅಂತ ಹೇಳಿಕೊಂಡಿದೆ. ಆದ್ರೆ ಈ ಬಗ್ಗೆ ಇನ್ನೂ ಸ್ಪಷ್ಟವಾಗಿಲ್ಲ. ಗೊಂದಲ ಮುಂದುವರಿದಿದೆ. ಯಾಕಂದ್ರೆ ಈ ಬಗ್ಗೆ ಮಾಜಿ ಉಪಾಧ್ಯಕ್ಷ ಅಮರುಲ್ಲಾ ಸಲೇಹ್ ಅವರ ಹೇಳಿಕೆಯ ವಿಡಿಯೋವೊಂದನ್ನು ಬಿಬಿಸಿ ಟ್ವೀಟ್ ಮಾಡಿದೆ. ಅದ್ರಲ್ಲಿ ಪಂಜ್ಶಿರ್ ಸದ್ಯದ ಪರಿಸ್ಥಿತಿ ಬಗ್ಗೆ ಮಾತನಾಡಿರೋ ಅವರು, ನಾವು ಕಷ್ಟದ ಪರಿಸ್ಥಿತಿಯಲ್ಲಿದ್ದೀವಿ ನಿಜ.. ತಾಲಿಬಾನಿಗಳ ಅತಿಕ್ರಮಣಕ್ಕೆಒಳಪಟ್ಟಿದ್ದೀವಿ. ಆದ್ರೆ ಇನ್ನೂ ಸೋತಿಲ್ಲ ಅಂದಿದ್ದಾರೆ. ನ್ಯಾಷನಲ್ ರೆಸಿಸ್ಟೆನ್ಸ್ ಫೋರ್ಸ್ನ ಲೀಡರ್ ಅಹ್ಮದ್ ಮಸ್ಸೌದ್ ಕೂಡ ತಾಲಿಬಾನಿಗಳು ಪಂಜ್ಶಿರ್ನ್ನು ವಶಕ್ಕೆ ಪಡ್ಕೊಂಡಿದ್ದಾರೆ ಅಂತ ಪಾಕ್ ಮಾಧ್ಯಮಗಳಲ್ಲಿ ಸುದ್ದಿಯಾಗ್ತಿದೆ. ಆದ್ರೆ ಅದು ಸುಳ್ಳು ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement