masthmagaa.com:
ಕಳೆದ 15 ದಿನಗಳಿಂದ ದೇಶದ 70 ಜಿಲ್ಲೆಗಳಲ್ಲಿ ಕೊರೋನಾ ಕೇಸ್ಗಳು 150 ಪರ್ಸೆಂಟ್ಗೂ ಹೆಚ್ಚಿನ ಪ್ರಮಾಣದಲ್ಲಿ ಜಾಸ್ತಿಯಾಗಿದೆ ಅಂತ ಪ್ರಧಾನಿ ಮೋದಿ ಹೇಳಿದ ಬೆನ್ನಲ್ಲೇ, ಕೇಂದ್ರ ಆರೋಗ್ಯ ಇಲಾಖೆ ಸುದ್ದಿಗೋಷ್ಠಿ ನಡೆಸಿ ಆ ಜಿಲ್ಲೆಗಳು ಯಾವ್ದು ಅಂತ ಮಾಹಿತಿ ನೀಡಿದೆ. ಇದರಲ್ಲಿ ಕರ್ನಾಟಕದ 4 ಜಿಲ್ಲೆಗಳಿವೆ. ಬೀದರ್, ಬಾಗಲಕೋಟೆ, ಗದಗ ಮತ್ತು ಕೋಲಾರ.. ಕೆಳಗಿರುವ ಮ್ಯಾಪ್ನಲ್ಲಿ ಅವುಗಳನ್ನ ರೆಡ್ ಕಲರ್ನಲ್ಲಿ ತೋರಿಸಲಾಗಿದೆ. ಇದನ್ನ ಬಿಟ್ರೆ ಹಳದಿ ಬಣ್ಣದಲ್ಲಿರೋ ಜಿಲ್ಲೆಗಳಲ್ಲಿ ಕೊರೋನಾ ಪ್ರಕರಣಗಳು 100ರಿಂದ 150 ಪರ್ಸೆಂಟ್ ಜಾಸ್ತಿಯಾಗಿದೆ. ರಾಜ್ಯದಲ್ಲಿ ಇಂಥಾ 5 ಜಿಲ್ಲೆಗಳಿವೆ.. ಕಲಬುರಗಿ, ಯಾದಗಿರಿ, ರಾಯಚೂರು, ಧಾರವಾಡ ಮತ್ತು ಬೆಂಗಳೂರು ಗ್ರಾಮಾಂತರ. ಸೋ ಈ 9 ಜಿಲ್ಲೆಗಳ ಜನ, ಜಿಲ್ಲಾಡಳಿತ ಮತ್ತು ಅಧಿಕಾರಿಗಳು ಹೆಚ್ಚು ಅಲರ್ಟ್ ಆಗಿರಬೇಕು.
ಇನ್ನು ರಾಜ್ಯದಲ್ಲಿ ಕೊರೋನಾ ಪಾಸಿಟಿವಿಟಿ ರೇಟ್ 1.3 ಪರ್ಸೆಂಟ್ ಇದೆ. ಹೀಗಾಗಿ ಕೊರೋನಾ ಪರೀಕ್ಷೆಗಳನ್ನ ಹೆಚ್ಚಿಸಬೇಕು ಅಂತ ಕೇಂದ್ರ ಆರೋಗ್ಯ ಇಲಾಖೆ ರಾಜ್ಯ ಸರ್ಕಾರಕ್ಕೆ ವಿಶೇಷ ಸಲಹೆ ನೀಡಿದೆ.
ಇನ್ನು ಪ್ರಧಾನಿ ಮೋದಿ ಲಸಿಕೆ ವೇಸ್ಟ್ ಆಗ್ತಿದೆ. ಅದನ್ನ ತಪ್ಪಿಸಿ ಅಂತ ಹೇಳಿದ ಬೆನ್ನಲ್ಲೇ ಲಸಿಕೆ ಹೆಚ್ಚು ವೇಸ್ಟ್ ಆಗ್ತಿರೋ ರಾಜ್ಯಗಳನ್ನ ಕೇಂದ್ರ ಆರೋಗ್ಯ ಇಲಾಖೆ ಪಟ್ಟಿ ಮಾಡಿದೆ. ಅದ್ರಲ್ಲಿ ತೆಲಂಗಾಣ ಮತ್ತು ಆಂಧ್ರಪ್ರದೇಶ ಮೊದಲೆರಡು ಸ್ಥಾನದಲ್ಲಿವೆ. ತೆಲಂಗಾಣದಲ್ಲಿ 17.6 ಪರ್ಸೆಂಟ್ ಮತ್ತು ಆಂಧ್ರದಲ್ಲಿ 11.6 ಪರ್ಸೆಂಟ್ ವ್ಯಾಕ್ಸಿನ್ ವೇಸ್ಟೇಜ್ ಇದೆ. 17.6 ಪರ್ಸೆಂಟ್ ಅಂದ್ರೆ 100 ಲಸಿಕೆಯಲ್ಲಿ 17 ಲಸಿಕೆ ವೇಸ್ಟ್ ಅಂತ ಹೇಳಬಹುದು. ಒಟ್ಟಾರೆ ದೇಶದಲ್ಲಿ ಈ ಪ್ರಮಾಣ 6.5 ಪರ್ಸೆಂಟ್ ಇದೆ.
-masthmagaa.com
Contact Us for Advertisement