ಕೊರೋನಾ ವೈರಸ್ ತಗುಲಿದ ವ್ಯಕ್ತಿಯೊಬ್ಬ ಚಿಕಿತ್ಸೆಗೆ ವೈದ್ಯರ ಜೊತೆ ಸಹಕರಿಸದಿದ್ದಕ್ಕೆ ಆತನಿಗೆ 10 ತಿಂಗಳು ಜೈಲು ಶಿಕ್ಷೆ ವಿಧಿಸಿದ ಘಟನೆ ಚೀನಾದ ಶಾನ್ಡೋಂಗ್ ಪ್ರಾಂತ್ಯದಲ್ಲಿ ನಡೆದಿದೆ. ಟಿಯಾನ್ ಎಂಬ ವ್ಯಕ್ತಿ ಜನವರಿ 9ರಂದು ಹುಬೈ ಪ್ರಾಂತ್ಯದಿಂದ ಶಾನ್ಡೋಂಗ್ ಪ್ರಾಂತ್ಯಕ್ಕೆ ಬಂದಿದ್ದ. ಕೊರೋನಾ ವೈರಸ್ ಮರಣ ಮೃದಂಗ ಬಾರಿಸುತ್ತಿದ್ದ ಹುಬೈ ಪ್ರಾಂತ್ಯದಿಂದ ಬಂದಿದ್ದ ಆತನಲ್ಲಿ ಜನವರಿ 20ರಂದು ಜ್ವರ ಕಾಣಿಸಿಕೊಂಡಿತ್ತು. ಈ ಬಗ್ಗೆ ಸ್ಥಳೀಯ ಆಡಳಿತಕ್ಕಾಗಲಿ ಅಥವಾ ಆರೋಗ್ಯ ಇಲಾಖೆಗಾಗಲಿ ತಿಳಿಸಿರಲಿಲ್ಲ. ನಂತರ ಆತನನ್ನ ಕೊರೋನಾ ವೈರಸ್ ತಗುಲಿದ ಶಂಕಿತರ ಪಟ್ಟಿಗೆ ಸೇರಿಸಲಾಯ್ತು. ಆದರೂ ವೈದ್ಯರ ಜೊತೆ ಸಹಕರಿಸಲು ಆತ ಒಪ್ಪಲಿಲ್ಲ. ಬಳಿಕ ಆತನಿಗೆ ವೈರಸ್ ತಗುಲಿರೋದು ದೃಢಪಡುತ್ತಿದ್ದಂತೆ ಆಸ್ಪತ್ರೆಯ ಆ ವಾರ್ಡ್ನಲ್ಲಿದ್ದ ಇತರರು ಹಾಗೂ ಸಿಬ್ಬಂದಿ ಸೇರಿದಂತೆ ಒಟ್ಟು 37 ಜನರಿಗೆ ಸೋಂಕು ತಗುಲಿತ್ತು. ಹೀಗಾಗಿ ಅಲ್ಲಿನ ಸ್ಥಳೀಯ ಕೋರ್ಟ್ ಟಿಯಾನ್ಗೆ 10 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ.
Contact Us for Advertisement2020-03-01
