masthmagaa.com:
ರಷ್ಯಾ ಯುಕ್ರೇನ್ ಯುದ್ಧ ಅಷ್ಟು ಸುಲಭಕ್ಕೆ ತಾರ್ಕಿಕ ಅಂತ್ಯ ಕಾಣೋ ಲಕ್ಷಣ ಕಾಣಿಸ್ತಿಲ್ಲ. ವ್ಲಾಡಿಮಿರ್ ಪುಟಿನ್ರ ದೊಡ್ಡ ಪಡೆಯನ್ನು ಯುಕ್ರೇನ್ ಯಶಸ್ವಿಯಾಗಿ ತಡೆಯುತ್ತಿದೆ. ಹೀಗಾಗಿ ತಜ್ಞರು ಈ ಯುದ್ಧವನ್ನು 80 ದಶಕಗಳ ಹಿಂದೆ ನಡೆದ ಯುದ್ಧಕ್ಕೆ ಹೋಲಿಸ್ತಿದ್ದಾರೆ. ಆಗ ಸೋವಿಯತ್ ಒಕ್ಕೂಟದ ಸರ್ವಾಧಿಕಾರಿಯಾಗಿದ್ದ ಸ್ಟಾಲಿನ್ ಫಿನ್ಲ್ಯಾಂಡ್ ಮೇಲೆ ಇದೇ ರೀತಿ ದಂಡೆತ್ತಿ ಹೋಗಿದ್ರು. ಆದ್ರೆ ಈ ಯುದ್ಧದಲ್ಲಿ ಫಿನ್ಲ್ಯಾಂಡ್ನ್ನು ಕಬಳಿಸಲು ರಷ್ಯಾ ಕೈಲಿ ಆಗಿರಲಿಲ್ಲ. ಕೊನೆಗೆ ಅನಿವಾರ್ಯವಾಗಿ ರಷ್ಯಾ ಫಿನ್ಲ್ಯಾಂಡ್ ಜೊತೆ ಒಪ್ಪಂದಕ್ಕೆ ಮುಂದಾಗಿತ್ತು. ಯೆಸ್ ಅದೇ ವಿಂಟರ್ವಾರ್.. 2ನೇ ವಿಶ್ವಯುದ್ಧ ಮುಗಿದ 3 ತಿಂಗಳ ನಂತರ ಈ ಯುದ್ಧ ಶುರುವಾಯ್ತು. ರಷ್ಯಾದ ಬೃಹತ್ ಸೇನೆ ಫಿನ್ಲ್ಯಾಂಡ್ ಮೇಲೆ ಮುಗಿಬಿತ್ತು. ಒಂದು ಮಿಲಿಯನ್ ಅಂದ್ರೆ 10 ಲಕ್ಷದಷ್ಟು ಸೋವಿಯತ್ ಒಕ್ಕೂಟದ ಸೈನಿಕರು ಈ ಯುದ್ಧದಲ್ಲಿ ಭಾಗಿಯಾಗಿದ್ರು. ಸುಲಭವಾಗಿ ಫಿನ್ಲ್ಯಾಂಡ್ನ್ನು ಸೋಲಿಸಬಹುದು. ಅದನ್ನು ಕಂಟ್ರೋಲ್ಗೆ ತಗೊಳ್ಬೋದು ಅನ್ನೋದು ಸ್ಟಾಲಿನ್ ಯೋಚನೆಯಾಗಿತ್ತು. ಆದ್ರೆ ಫಿನ್ಲ್ಯಾಂಡ್ ಬಹಳ ಬುದ್ಧಿವಂತಿಕೆಯನ್ನು ಉಪಯೋಗಿಸಿ, ರಷ್ಯಾ ಸೇನೆಗೆ ದೊಡ್ಡಮಟ್ಟದ ಹಾನಿಯನ್ನು ಮಾಡುವಲ್ಲಿ ಯಶಸ್ವಿಯಾಯ್ತು. ಈ ಯುದ್ಧ ಬರೋಬ್ಬರಿ ಮೂರು ತಿಂಗಳ ಕಾಲ ನಡೀತು. ರಷ್ಯಾ ಅಂದ್ರೆ ಸೋವಿಯತ್ ಒಕ್ಕೂಟದ 1.26 ಲಕ್ಷ ಸೈನಿಕರು ಈ ಯುದ್ಧಕ್ಕೆ ಬಲಿಯಾದ್ರು. ಒಂದೂವರೆ ಲಕ್ಷಕ್ಕೂ ಹೆಚ್ಚು ಸೈನಿಕರು ಗಾಯಗೊಂಡ್ರು. ಮೂರೂವರೆ ಸಾವಿರ ಟ್ಯಾಂಕ್ಗಳು ಮತ್ತು 500 ಏರ್ಕ್ರಾಫ್ಟ್ಗಳನ್ನು ರಷ್ಯಾ ಕಳ್ಕೊಳ್ತು. ಅದೇ ಫಿನ್ಲ್ಯಾಂಡ್ ಕಡೆಯಿಂದ ಯುದ್ಧದಲ್ಲಿ ಭಾಗಿಯಾಗಿದ್ದೇ 3 ಲಕ್ಷ ಸೈನಿಕರು.. ಅವರಲ್ಲಿ 26 ಸಾವಿರ ಸೈನಿಕರು ಪ್ರಾಣ ಬಿಟ್ರು. ಅಂತಿಮವಾಗಿ ಮಾಸ್ಕೋ ಶಾಂತಿ ಒಪ್ಪಂದಕ್ಕೆ ಉಭಯ ದೇಶಗಳು ಸಹಿ ಹಾಕಿದ್ವು. ಫಿನ್ಲ್ಯಾಂಡ್ ತನ್ನ ಗಡಿಯ ಸ್ವಲ್ಪ ಭಾಗವನ್ನು ರಷ್ಯಾಗೆ ಬಿಟ್ಟುಕೊಡ್ತು. ರಷ್ಯಾ ತಕ್ಕಮಟ್ಟಿಗೆ ಗೆದ್ದರೂ ಅಪಾರ ಪ್ರಮಾಣದ ಬೆಲೆ ತೆರಬೇಕಾಗಿತ್ತು. ಈಗ ಯುಕ್ರೇನ್ನಲ್ಲೂ ರಷ್ಯಾ ಅದೇ ರೀತಿಯ ದೊಡ್ಡ ನಷ್ಟ ಅನುಭವಿಸುತ್ತೆ ಅಂತಿದ್ದಾರೆ ಅಂತಾರಾಷ್ಟ್ರೀಯ ಯುದ್ಧ ತಜ್ಞರು.
-masthmagaa.com
Contact Us for Advertisement