masthmagaa.com:
ಅಫ್ಘಾನಿಸ್ತಾನದ ತಾಲಿಬಾನ್ ನಾಯಕರು ಇರಾನ್ ಸರ್ಕಾರವನ್ನು ಪುಸಲಾಯಿಸೋಕೆ ಅಂತ ಹೋಗಿದ್ದಾರೆ. ಈ ನಡುವೆ ತಾಲಿಬಾನ್ ಟೇಕೋವರ್ ವೇಳೆ ಟಕ್ಕರ್ ಕೊಟ್ಟು ಈಗ ದೇಶ ಬಿಟ್ಟಿರೋ ನಾಯಕರನ್ನು ಕೂಡ ಭೇಟಿಯಾಗಿದ್ದಾರೆ. ಪಂಜ್ಶಿರ್ನ ರೆಸಿಸ್ಟೆನ್ಸ್ ನಾಯಕ ಅಹ್ಮದ್ ಮಸ್ಸೌದ್, ಮೊದಲು ನೀವು ಎಲ್ಲರನ್ನೂ ಒಳಗೊಂಡ ಸರ್ಕಾರ ರಚಿಸಿ.. ಆಮೇಲೆ ನಾವು ಅಲ್ಲಿಗೆ ಬರ್ತೀವಿ ಅಂತ ಹೇಳಿದ್ದಾರೆ ಅಂತ ಗೊತ್ತಾಗಿದೆ.
ತಾಲಿಬಾನಿಗಳನ್ನು ಕಟುವಾಗಿ ಟೀಕಿಸಿದ್ದ ಫ್ರೊಫೆಸರ್ನ್ನು ಬಿಡುಗಡೆ ಮಾಡಲಾಗಿದೆ. ಅಫ್ಘನ್ ಯುನಿವರ್ಸಿಟಿಯ ಪ್ರೊಫೆಸರ್ ಫೈಜುಲ್ಲಾ ಜಲಾಲ್ ತಾಲಿಬಾನಿಗಳನ್ನು ಟೀಕಿಸಿದ್ರು. ಹೀಗಾಗಿ ಕಾಬೂಲ್ನಲ್ಲಿ ಅವರನ್ನು ವಶಕ್ಕೆ ಪಡೆದಿದ್ದ ತಾಲಿಬಾನಿಗಳು, ಅಜ್ಞಾತ ಸ್ಥಳಕ್ಕೆ ಕರ್ಕೊಂಡು ಹೋಗಿದ್ರು. ನಾಲ್ಕು ದಿನಗಳ ಬಳಿಕ ಈಗ ಬಿಡುಗಡೆ ಮಾಡಿದ್ಧಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಪ್ರೊಫೆಸರ್ ಮಗಳು, ನನ್ನ ತಂದೆ ವಿರುದ್ಧ ಸುಳ್ಳು ಆರೋಪಗಳನ್ನು ಮಾಡಿದ್ರು. ಆದ್ರೆ ಈಗ ಏನೂ ಸಾಕ್ಷ್ಯ ಸಿಗಲಿಲ್ಲ ಅಂತ ಬಿಡುಗಡೆ ಮಾಡಿದ್ದಾರೆ ಅಂತ ಹೇಳಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ತಾಲಿಬಾನ್ ವಕ್ತಾರ ಝೈಬುಲ್ಲಾ ಮುಜಾಹಿದ್, ಪ್ರೊಫೆಸರ್ ಜಲಾಲ್ ವ್ಯವಸ್ಥೆ ವಿರುದ್ಧ ಮಾತಾಡಿದ್ರು. ಜನರನ್ನು ಎತ್ತಿಕಟ್ಟುವ ಪ್ರಯತ್ನ ಮಾಡಿದ್ರು. ಹೀಗಾಗಿ ಅವರನ್ನು ಅರೆಸ್ಟ್ ಮಾಡಲಾಗಿತ್ತು ಅಂತ ತಿಳಿಸಿದ್ದಾರೆ.
-masthmagaa.com
Contact Us for Advertisement