masthmagaa.com:
ಯುಕ್ರೇನ್ಗೆ ಸೇರಿದ ಸೇನಾ ವಿಮಾನವೊಂದು ಅಪಹರಣಕ್ಕೀಡಾಗಿದೆ ಅನ್ನೋ ಸುದ್ದಿ ಫುಲ್ ಸಂಚಲನ ಮೂಡಿಸಿತ್ತು. ಆದ್ರೆ ಈ ಸುದ್ದಿಯನ್ನು ಯುಕ್ರೇನ್ ನಿರಾಕರಿಸಿದೆ. ರಷ್ಯಾದ ಸುದ್ದಿ ಸಂಸ್ಥೆ ಟಾಸ್ನಲ್ಲಿ ವಿಮಾನ ಅಪಹರಣದ ವರದಿ ಬಂದಿತ್ತು. ಭಾನುವಾರ ಯುಕ್ರೇನಿಗಳನ್ನು ಕಾಬೂಲ್ನಿಂದ ಸ್ಥಳಾಂತರ ಮಾಡಲು ಸೇನಾ ವಿಮಾನವೊಂದು ಬಂದಿತ್ತು ಆದ್ರೆ ಕೆಲ ಶಸ್ತ್ರಧಾರಿ ಅಪರಿಚಿತರು ವಿಮಾನವನ್ನು ಹೈಜಾಕ್ ಮಾಡಿ, ಇರಾನ್ಗೆ ಹಾರಿಸಿಕೊಂಡು ಹೋಗಿದ್ದಾರೆ. ಈ ಬಗ್ಗೆ ಖುದ್ದು ಯುಕ್ರೇನ್ನ ಉಪ ವಿದೇಶಾಂಗ ಸಚಿವ ಯೆವ್ಜೆನಿ ಯೆನಿನ್ ಮಾಹಿತಿ ನೀಡಿದ್ದಾರೆ ಅಂತ ಸುದ್ದಿ ಪ್ರಕಟಿಸಿತ್ತು. ಆದ್ರೆ ಈ ಬಗ್ಗೆ ಈಗ ಪ್ರತಿಕ್ರಿಯಿಸಿರೋ ಯುಕ್ರೇನ್ ವಿದೇಶಾಂಗ ಇಲಾಖೆ ನಮ್ಮ ಯಾವುದೇ ವಿಮಾನ ಅಪಹರಣ ಅಥವಾ ಕಳ್ಳತನ ಆಗಿಲ್ಲ ಅಂತ ಸ್ಪಷ್ಟಪಡಿಸಿದೆ. 31 ಯುಕ್ರೇನ್ ಪ್ರಜೆಗಳು ಸೇರಿದಂತೆ 83 ಮಂದಿಯನ್ನು ಹೊತ್ತ ವಿಮಾನ ಯುಕ್ರೇನ್ಗೆ ಮರಳಿದೆ ಅಂತ ಹೇಳಿದೆ. ಅತ್ತ ಇರಾನ್ ನಾಗರಿಕ ವಿಮಾನಯಾನ ಪ್ರಾಧಿಕಾರ ಕೂಡ ವಿಮಾನ ಹೈಜಾಕ್ ಸುದ್ದಿಯನ್ನು ತಳ್ಳಿ ಹಾಕಿದ್ದು, ವಿಮಾನ ಇಂಧನ ತುಂಬಿಸಿಕೊಳ್ಳಲು ನಮ್ಮಲ್ಲಿ ಲ್ಯಾಂಡ್ ಆಗಿತ್ತು. ಆಮೇಲೆ ವಾಪಸ್ ಯುಕ್ರೆನ್ಗೆ ಹೋಗಿದೆ ಅಂತ ಸ್ಪಷ್ಟನೆ ನೀಡಿದೆ.
-masthmagaa.com
Contact Us for Advertisement