masthmagaa.com:
ಅಸ್ಸಾಂನಲ್ಲಿ ಉಗ್ರರ ಭೀತಿ ಎದುರಾಗಿದೆ. ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಮತ್ತು ಉಗ್ರ ಸಂಘಟನೆ ಅಲ್ಖೈದಾ ದಾಳಿ ನಡೆಸೋ ಸಾಧ್ಯತೆ ಇದೆ ಅಂತ ಪೊಲೀಸರು ಎಚ್ಚರಿಸಿದ್ದಾರೆ. ಇದ್ರ ಬೆನ್ನಲ್ಲೇ ರಾಜ್ಯದಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ. ಆರ್ಎಸ್ಎಸ್ನ ಗುಂಪುಗಳು, ಸೇನಾ ಪ್ರದೇಶಗಳು ಮತ್ತು ಇತರೆ ಪ್ರದೇಶಗಳನ್ನು ಗುರಿಯಾಗಿಸಿ ದಾಳಿ ನಡೆಸೋ ಸಾಧ್ಯತೆ ಇದೆ. ಬರೀ ಅಸ್ಸಾಂ ಮಾತ್ರವಲ್ಲ.. ಭಾರತದ ವಿವಿಧ ಭಾಗಗಳಲ್ಲಿ ಹೆಚ್ಚು ಜನಸೇರೋ ಪ್ರದೇಶಗಳಲ್ಲಿ, ಧಾರ್ಮಿಕ ಸ್ಥಳಗಳಲ್ಲಿ ಅಥವಾ ಪ್ರಯಾಣಿಕರನ್ನು ಗುರಿಯಾಗಿಸಿ ಸ್ಫೋಟ ನಡೆಸಬಹುದು ಅಂತ ಅಸ್ಸಾಂ ಪೊಲೀಸ್ನ ಸ್ಪೆಷಲ್ ಬ್ರಾಂಚ್ ಮಾಹಿತಿ ನೀಡಿದೆ. ಅಲ್ಕೈದಾ ಸಂಘಟನೆ ಕಾಶ್ಮೀರ ಮತ್ತು ಅಸ್ಸಾಂನಲ್ಲಿ ಜಿಹಾದ್ಗೆ ಕರೆ ನೀಡಿದೆ ಅಂತ ಮತ್ತೊಂದು ಮೂಲದಿಂದ ಗೊತ್ತಾಗಿದೆ. ಅಸ್ಸಾಂನ ದರಂಗ್ನಲ್ಲಿ ಅಕ್ರಮವಾಗಿ ನೆಲೆಸಿದ್ದ ವಲಸಿಗರನ್ನು ತೆರವುಗೊಳಿಸೋ ವೇಳೆ ಹಿಂಸಾಚಾರ ನಡೆದಿತ್ತು. ಇಬ್ಬರು ಪ್ರಾಣ ಕಳ್ಕೊಂಡು, 20 ಮಂದಿ ಗಾಯಗೊಂಡಿದ್ರು. ಈ ಬಗ್ಗೆ ಟ್ವೀಟ್ ಮಾಡಿದ್ದ ಮುಸ್ಲಿಂ ಸಹಕಾರ ಸಂಘಟನೆ, ಅಸ್ಸಾಂನಲ್ಲಿ ಮುಸ್ಲಿಂ ಸಮುದಾಯದ ಮೇಲಿನ ಹಿಂಸಾಚಾರ ಹೆಚ್ಚಿದೆ. ಇದನ್ನು ಖಂಡಿಸುತ್ತೇವೆ ಅಂತ ಹೇಳಿತ್ತು.
-masthmagaa.com
Contact Us for Advertisement