masthmagaa.com:
ಅಮೆಜಾನ್.ಕಾಮ್ ಕಂಪನಿಯ ಸಿಇಒ ಜೆಫ್ ಬೆಝೋಸ್ ಮತ್ತು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ನಡುವೆ ನಡೀತಿದ್ದ ಟ್ಯಾಕ್ಸ್ ಫೈಟ್ ಒಂದು ತಾರ್ಕಿಕ ಅಂತ್ಯಕ್ಕೆ ಬಂದಂತೆ ಕಾಣ್ತಿದೆ. ಏನಿದು ಟ್ಯಾಕ್ಸ್ ಫೈಟ್? ಅಂದ್ಹಾಗೆ ಅಮೆರಿಕದ ಅತಿದೊಡ್ಡ ರೀಟೇಲ್ ಕಂಪನಿಯಾದ ಅಮೆಜಾನ್.ಕಾಮ್ ಟ್ಯಾಕ್ಸ್ ರೆಕಾರ್ಡ್ ಅಷ್ಟು ಚೆನ್ನಾಗಿಲ್ಲ. ಕಂಪನಿಯು ಸರಿಯಾಗಿ ಟ್ಯಾಕ್ಸ್ ಕಟ್ಟುತ್ತಿಲ್ಲ ಅನ್ನೋ ಆರೋಪ ಇದೆ. ಇದಕ್ಕೆ ಸಂಬಂಧಿಸಿದಂತೆ ಅಮೆರಿಕ ಸರ್ಕಾರ, ಅಮೆರಿಕ ಕಾಂಗ್ರೆಸ್ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಬಾರಿ ಟೀಕೆಗೂ ಗುರಿಯಾಗಿದೆ. ಅಂತಹ ಟೀಕಾಕಾರಲ್ಲಿ ಜೋ ಬೈಡೆನ್ ಕೂಡ ಒಬ್ರು ಅನ್ನೋದು ವಿಶೇಷ. ಬೈಡೆನ್ ಅಮೆರಿಕ ಅಧ್ಯಕ್ಷರಾಗೋಕೂ ಮುಂಚೆನೇ ಈ ಬಗ್ಗೆ ಮಾತನಾಡಿದ್ರು. 2020ರ ಮೇನಲ್ಲಿ ಮಾತನಾಡಿ, ಅಮೆಜಾನ್.ಕಾಮ್ ಈಗಲಾದ್ರೂ ಟ್ಯಾಕ್ಸ್ ಕಟ್ಟೋದನ್ನ ಶುರು ಮಾಡ್ಬೇಕು ಅಂತ ಬಹಿರಂಗವಾಗೇ ಹೇಳಿದ್ದರು.
ಕಳೆದ ವಾರ ಬರೋಬ್ಬರಿ 2 ಟ್ರಿಲಿಯನ್ ಡಾಲರ್ನ ಇನ್ಫ್ರಾಸ್ಟ್ರಕ್ಚರ್ ಅಥವಾ ಮೂಲಸೌಕರ್ಯ ಪ್ಲಾನ್ ಅನ್ನ ಘೋಷಣೆ ಮಾಡಿದ್ದರು ಬೈಡೆನ್. ಹಾಲಿ ಇರುವ 21 ಪರ್ಸೆಂಟ್ ಕಾರ್ಪೊರೇಟ್ ಟ್ಯಾಕ್ಸ್ ಅನ್ನ 28 ಪರ್ಸೆಂಟ್ಗೆ ಏರಿಸೋ ಮೂಲಕ ಈ ಯೋಜನೆಗೆ ಬೇಕಾದ ಹಣವನ್ನ ಸಂಗ್ರಹಿಸಲಾಗುತ್ತೆ ಅಂತಾನೂ ಬೈಡೆನ್ ಹೇಳಿದ್ರು. ಬೈಡೆನ್ ಸರ್ಕಾರ ಕಾರ್ಪೊರೇಟ್ ಟ್ಯಾಕ್ಸ್ ಅನ್ನ ಜಾಸ್ತಿ ಮಾಡಿರೋದನ್ನ ಅಮೆಜಾನ್.ಕಾಮ್ ಸಿಇಒ ಜೆಫ್ ಬೆಝೋಸ್ ಬೆಂಬಲಿಸಿದ್ದಾರೆ. ಟ್ಯಾಕ್ಸ್ ಕಟ್ಟದೆ ಟೀಕೆಗೆ ಗುರಿಯಾಗಿದ್ದ ಕಂಪನಿಯ ಸಿಇಒ ಹೀಗೆ ಹೇಳಿರೋದು ಸಾಕಷ್ಟು ಕುತೂಹಲ ಕೆರಳಿಸಿದೆ. ಜೆಫ್ ಬೆಝೋಸ್ ಈ ವರ್ಷದ ಮೂರನೇ ತ್ರೈಮಾಸಿಕದಲ್ಲಿ ಸಿಇಒ ಹುದ್ದೆಯಿಂದ ಕೆಳಗಿಳಿಯುತ್ತಿದ್ದಾರೆ ಅನ್ನೋದು ಕೂಡ ಇಲ್ಲಿ ಇಂಟರೆಸ್ಟಿಂಗ್. ಪಕ್ಕಾ ಬ್ಯುಸಿನೆಸ್ ಮೆಂಟಾಲಿಟಿ ಹೊಂದಿದ್ದ ಡೊನಾಲ್ಡ್ ಟ್ರಂಪ್ ತಮ್ಮ ಅವಧಿಯಲ್ಲಿ ಅಮೆರಿಕದಲ್ಲಿ 35 ಪರ್ಸೆಂಟ್ ಇದ್ದ ಕಾರ್ಪೊರೇಟ್ ಟ್ಯಾಕ್ಸ್ ಅನ್ನ 21 ಪರ್ಸೆಂಟ್ಗೆ ಇಳಿಸಿದ್ದರು. ಇದೀಗ ಅದನ್ನ ಬೈಡೆನ್ 28 ಪರ್ಸೆಂಟ್ಗೆ ಏರಿಸಿದ್ದಾರೆ. ಕಂಪನಿ ಲಾಸ್ನಲ್ಲಿದ್ದ ಕಾರಣ 2017 ಮತ್ತು 2018ರಲ್ಲಿ ತೆರಿಗೆ ಕಟ್ಟಿರಲಿಲ್ಲ. 2019ರಲ್ಲಿ 162 ಮಿಲಿಯನ್ ಡಾಲರ್ ಟ್ಯಾಕ್ಸ್ ಮತ್ತು 2020ರಲ್ಲಿ 1.835 ಬಿಲಿಯನ್ ಡಾಲರ್ನಷ್ಟು ಟ್ಯಾಕ್ಸ್ ಬಿದ್ದಿದೆ ಅಮೆಜಾನ್.ಕಾಮ್ ಮೇಲೆ.
-masthmagaa.com
Contact Us for Advertisement