masthmagaa.com:
ಅಶ್ಲೀಲ ಕಂಟೆಂಟ್ಗಳಿಗೆ ಸಂಬಂಧಿಸಿದಂತೆ ಟ್ವಿಟ್ಟರ್ ವಿರುದ್ಧ ರಾಷ್ಟ್ರೀಯ ಮಹಿಳಾ ಆಯೋಗ – NCW ಸುಮೋಟೋ ಕೇಸ್ ದಾಖಲಿಸಿಕೊಂಡಿದೆ. ಈ ಬೆಳವಣಿಗೆಗಳ ಬಗ್ಗೆ ಪ್ರತಿಕ್ರಿಯಿಸಿರೋ ಟ್ವಿಟ್ಟರ್, ಮಕ್ಕಳ ಲೈಂಗಿಕ ಶೋಷಣೆಯನ್ನ ಟ್ವಿಟ್ಟರ್ ಎಳ್ಳಷ್ಟೂ ಸಹಿಸಲ್ಲ., ಟ್ವಿಟ್ಟರ್ ನಿಯಮಗಳನ್ನ ಉಲ್ಲಂಘಿಸೋ ಅಂತಹ ಕಂಟೆಂಟ್ಗಳನ್ನ ಹುಡುಕಿ ಅದನ್ನ ತೆಗೆದುಹಾಕುವ ನಮ್ಮ ಕೆಲಸ ಮುಂದುವರಿಸುತ್ತೇವೆ ಎಂದಿದೆ.
ಟ್ವಿಟ್ಟರ್ನಲ್ಲಿ ಮಕ್ಕಳ ಅಶ್ಲೀಲ ದೃಶ್ಯಗಳಿಗೆ ಸಂಬಂಧಿಸಿದಂತೆ ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ ನೀಡಿದ ದೂರಿನ ಅನ್ವಯ ದೆಹಲಿ ಪೊಲೀಸರ ಸೈಬರ್ ಸೆಲ್ ನಿನ್ನೆಯಷ್ಟೇ ಟ್ವಿಟ್ಟರ್ ವಿರುದ್ಧ ದೂರು ದಾಖಲಿಸಿಕೊಂಡಿತ್ತು.
ಮತ್ತೊಂದುಕಡೆ ಸಾಮಾಜಿಕ ಜಾಲತಾಣ ಮತ್ತು ಡಿಜಿಟಲ್ ಫ್ಲಾಟ್ಫಾರ್ಮ್ಗಳಿಗೆ ಕೇಂದ್ರ ಸರ್ಕಾರ ಜಾರಿಗೆ ತಂದಿರೋ ಹೊಸ ಐಟಿ ರೂಲ್ಸ್ ಚೆನ್ನಾಗಿದೆ ಅಂತ ಫೇಸ್ಬುಕ್ ಇಂಡಿಯಾದ ಮುಖ್ಯಸ್ಥ ಅಜಿತ್ ಮೋಹನ್ ಹೇಳಿದ್ದಾರೆ. ಇನ್ನು ಟ್ವಿಟ್ಟರ್, ಫೇಸ್ಬುಕ್ನಂಥ ಸಾಮಾಜಿಕ ಜಾಲತಾಣಗಳು ಸರ್ಕಾರದ ಜೊತೆ ಜಟಾಪಟಿ ಹೊಂದಿರೋದು ಕೇವಲ ಭಾರತದ ಜೊತೆ ಮಾತ್ರವಲ್ಲ. ಹಲವು ದೇಶಗಳ ಜೊತೆ ಸಂಘರ್ಷ ನಡೀತಾ ಇದೆ. ಅದ್ರಲ್ಲಿ ರಷ್ಯಾ ಕೂಡ ಒಂದು. ಈ ಬಗ್ಗೆ ಮಾತನಾಡಿರೋ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್, ಪಾಶ್ಚಿಮಾತ್ಯ ಸಾಮಾಜಿಕ ಜಾಲತಾಣಗಳು ರಷ್ಯಾ ಕಾನೂನನ್ನ ಪಾಲಿಸಲ್ಲ ಅಂತ ಅಸಮಾಧಾನ ಹೊರಹಾಕಿದ್ದಾರೆ. ಆದ್ರೆ ಅವುಗಳನ್ನ ಬ್ಯಾನ್ ಮಾಡೋ ಯಾವ ಉದ್ದೇಶವೂ ಇಲ್ಲ ಅಂತಾನೂ ಹೇಳಿದ್ದಾರೆ.
-masthmagaa.com
Contact Us for Advertisement