masthmagaa.com:
ಹೈಕೋರ್ಟ್ ಬಗ್ಗೆ ಬಾಯಿಗೆ ಬಂದಂತೆ ಮಾತನಾಡಿದ್ದ ಬ್ರೆಜಿಲ್ ಅಧ್ಯಕ್ಷ ಜೇರ್ ಬೋಲ್ಸೊನಾರೋಗೆ ಸುಪ್ರೀಂಕೋರ್ಟ್ ಮಹಾಮಂಗಳಾರತಿ ಮಾಡಿದೆ. ಕಾನೂನು ಉಲ್ಲಂಘಿಸಿದ್ರೆ ಸರಿ ಇರಲ್ಲ. ಇದು ಪ್ರಜಾಪ್ರಭುತ್ವದ ಮೇಲೆ ನಡೆದ ಹಲ್ಲೆ ಅಂತ ಹೇಳಿದೆ. ಇತ್ತೀಚೆಗಷ್ಟೇ ಹೈಕೋರ್ಟ್ ಬೋಲ್ಸೊನಾರೋ ಸರ್ಕಾರದಿಂದ ಹಬ್ಬಿಸಲಾಗುತ್ತಿರೋ ಸುಳ್ಳು ಸುದ್ದಿಗಳ ಬಗ್ಗೆ ತನಿಖೆಗೆ ಆದೇಶಿಸಿತ್ತು. ಆದ್ರೆ ಮಂಗಳವಾರ ಸ್ವಾತಂತ್ರ್ಯ ದಿನಾಚರಣೆಯ ರ್ಯಾಲಿಯಲ್ಲಿ ಮಾತನಾಡಿದ ಅವರು, ತನಿಖೆಗೆ ಆದೇಶ ನೀಡಿದ ಜಡ್ಜ್ ವಿರುದ್ಧವೇ ಬಾಯಿಗೆ ಬಂದಂಗೆ ಮಾತಾಡಿದ್ರು. ಅಂದಹಾಗೆ ಇದೇ ಜಡ್ಜ್ ಬೋಲ್ಸೊನಾರೋ ಅವರ ಕೆಲ ಬೆಂಬಲಿಗರನ್ನು ಕೂಡ ಜೈಲಿಗೆ ಕಳುಹಿಸಿದ್ರು. ಆದ್ರೆ ಈ ಬಗ್ಗೆ ಪ್ರತಿಕ್ರಿಯಿಸಿರೋ ಮುಖ್ಯನ್ಯಾಯಮೂರ್ತಿ ಲುಯಿಜ್ ಫುಕ್ಸ್, ಸುಪ್ರೀಂಕೋರ್ಟ್ ಯಾವುದೇ ಅಥಾರಿಟಿ ಮತ್ತು ಅದರ ಡಿಸಿಷನ್ಗಳಿಗಾಗಿ ಬೆದರಿಕೆ ಹಾಕೋದನ್ನು ಸುಪ್ರೀಂಕೋರ್ಟ್ ಸಹಿಸಿಕೊಳ್ಳೋದಿಲ್ಲ. ಯಾರೂ ಕೋರ್ಟ್ಗಳನ್ನು ಬಂದ್ ಮಾಡೋಕೆ ಸಾಧ್ಯವಿಲ್ಲ. ನಮ್ಮ ಸ್ವಾತಂತ್ರ್ಯಕ್ಕೆ ಬೆದರಿಕೆಯೊಡ್ಡಿದ್ರೆ ಅದನ್ನೂ ನಾವು ಸಹಿಸಿಕೊಳ್ಳಲ್ಲ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement