masthmagaa.com:
ಐಎಸ್ಐ ಮುಖ್ಯಸ್ಥರ ಬದಲಾವಣೆ ವಿಚಾರವಾಗಿ ಸೇನೆಯೊಂದಿಗೆ ಕಿರಿಕ್ ಮಾಡ್ಕೊಂಡ ಪ್ರಧಾನಿ ಇಮ್ರಾನ್ ಖಾನ್ಗೆ ಹೊಸ ಸಂಕಷ್ಟ ಎದುರಾಗುವ ಸಾಧ್ಯತೆ ಇದೆ. ಸೇನೆ ಕಳೆದ ತಿಂಗಳು ಜನರಲ್ ನದೀಂ ಅಂಜುಂರನ್ನು ಐಎಸ್ಐ ಮುಖ್ಯಸ್ಥರನ್ನಾಗಿ ನೇಮಿಸಿತ್ತು. ಆದ್ರೆ ಇಮ್ರಾನ್ ಖಾನ್ ಫೈಜ್ ಹಮೀದೇ ಈ ಹುದ್ದೆಯಲ್ಲಿ ಮುಂದುವರಿಯಬೇಕು ಅಂತ ಒತ್ತಾಯಿಸಿದ್ರು. ಆದ್ರೂ ಕೂಡ ಅಂತಿಮವಾಗಿ ಸೇನೆ ಫೈಜ್ ಹಮೀದ್ರನ್ನು ಬದಲಿಸಿದ್ದು, ಇದೇ ನವೆಂಬರ್ 20ರಿಂದ ಫೈಜ್ ಹಮೀದ್ ಅಧಿಕಾರ ಸ್ವೀಕರಿಸಲಿದ್ದಾರೆ. ಆದ್ರೀಗ ಈ ಕಿರಿಕ್ ಇಮ್ರಾನ್ ಖಾನ್ ಕುರ್ಚಿಗೇ ಕಂಟಕವಾಗಲಿದೆ ಅಂತ ಮಾಧ್ಯಮಗಳು ವರದಿ ಮಾಡ್ತಿವೆ. ಯಾಕಂದ್ರೆ ಸದ್ಯ ಭ್ರಷ್ಟಾಚಾರ ಕೇಸ್ನಲ್ಲಿ ಶಿಕ್ಷೆಗೆ ಗುರಿಯಾಗಿ, ಲಂಡನ್ನಲ್ಲಿ ಚಿಕಿತ್ಸೆ ಪಡೀತಿರೋ ನವಾಜ್ ಷರೀಪ್ರನ್ನು ಪಾಕಿಸ್ತಾನಕ್ಕೆ ಬರುವಂತೆ ಸೂಚಿಸಲಾಗಿದೆ. ಯಾಕಂದ್ರೆ ಮೂಲಗಳ ಪ್ರಕಾರ ಈಗಾಗಲೇ ಇಮ್ರಾನ್ ಖಾನ್ ಮುಂದೆ 2 ಆಯ್ಕೆಗಳನ್ನು ಇಡಲಾಗಿದೆ. ಒಂದೋ ನವೆಂಬರ್ 20ರ ಒಳಗಾಗಿ ಅವರೇ ರಾಜೀನಾಮೆ ನೀಡೋದು.. ಎರಡನೆಯದು ಸಂಸತ್ನಲ್ಲಿ ವಿಪಕ್ಷಗಳೇ ಆಂತರಿಕ ಬದಲಾವಣೆ ತರೋದು.. ಎರಡರಲ್ಲಿ ಯಾವುದು ನಡೆದ್ರೂ ಇಮ್ರಾನ್ ಖಾನ್ ಕೆಳಗಿಳಿಯಲಿದ್ದಾರೆ. ಜೊತೆಗೆ ಇಮ್ರಾನ್ ಖಾನ್ ಪಕ್ಷ ತೆಹ್ರೀಕ್ ಇ ಇನ್ಸಾಫ್ ಸದ್ಯದಲ್ಲೇ ಮಿತ್ರಪಕ್ಷಗಳಾದ ಮುತ್ತಹಿದಾ ಕೌಮಿ ಮೂವ್ಮೆಂಟ್ ಮತ್ತು ಪಾಕಿಸ್ತಾನ್ ಮುಸ್ಲಿಂ ಲೀಗ್ನ ಬೆಂಬಲ ಕಳೆದುಕೊಳ್ತಾರೆ ಅಂತ ಕೂಡ ಮಾಧ್ಯಮಗಳು ವರದಿ ಮಾಡಿವೆ. ಜೊತೆಗೆ ನವಾಜ್ ಷರೀಫ್ ಬಂದ್ರೂನೂ ಅವರನ್ನು ಪ್ರಧಾನಿ ಮಾಡಲ್ಲ. ಬದಲಿಗೆ ಅವರ ಸಹೋದರ ಶಹಬಾಜ್ ಷರೀಫ್ರನ್ನು ಪ್ರಧಾನಿಯನ್ನಾಗಿ ಮಾಡಲಾಗುತ್ತೆ ಅಂತ ಕೂಡ ಹೇಳಲಾಗ್ತಿದೆ.
-masthmagaa.com
Contact Us for Advertisement