masthmagaa.com:
ಒಮೈಕ್ರಾನ್ ಮತ್ತು ಕೊರೋನಾ ಪ್ರಕರಣಗಳು ಹೆಚ್ಚು ವರದಿಯಾಗ್ತಿರೋ ಹಾಗೂ ವ್ಯಾಕ್ಸಿನೇಷನ್ ವೇಗ ಕಮ್ಮಿ ಇರೋ 10 ರಾಜ್ಯಗಳಿಗೆ ಕೇಂದ್ರ ಸರ್ಕಾರ ಮಲ್ಟಿ ಡಿಸಿಪ್ಲಿನರಿ ಸೆಂಟ್ರಲ್ ಟೀಮ್ಗಳನ್ನ ನಿಯೋಜಿಸಿದೆ. ಕೇರಳ, ಮಹಾರಾಷ್ಟ್ರ, ತಮಿಳುನಾಡು, ಪಶ್ಚಿಮ ಬಂಗಾಳ, ಮಿಝೋರಾಂ, ಕರ್ನಾಟಕ, ಬಿಹಾರ, ಉತ್ತರಪ್ರದೇಶ, ಜಾರ್ಖಂಡ್ ಮತ್ತು ಪಂಜಾಬ್ ರಾಜ್ಯಗಳಲ್ಲಿ ಈ ಟೀಮ್ಗಳನ್ನ ನಿಯೋಜಿಸಲಾಗಿದೆ.
– ದುಬೈನಿಂದ ಮುಂಬೈಗೆ ಬರುವ ಪ್ರಯಾಣಿಕರಿಗೆ 7 ದಿನ ಕಡ್ಡಾಯ ಹೋಂ ಕ್ವಾರಂಟೈನ್ಗೆ ಒಳಪಡಿಸುವ ನಿಯಮ ಜಾರಿಗೆ ಬಂದಿದೆ.
– ಗ್ಲೋಬಲ್ ಟ್ರೆಂಡ್ಸ್ ನೋಡಿದ್ರೆ ಇನ್ನು ಎರಡ್ಮೂರು ವಾರಗಳಲ್ಲಿ ದೇಶದ ಒಮೈಕ್ರಾನ್ ಕೇಸಸ್ ಒಂದು ಸಾವಿರ ದಾಟಲಿದೆ. ಎರಡು ತಿಂಗಳಲ್ಲಿ 10 ಲಕ್ಷ ದಾಟುವ ಸಾಧ್ಯತೆ ಇದೆ. ಭಾರತದಲ್ಲಿ ದೊಡ್ಡ ಔಟ್ಬ್ರೇಕ್ ಆಗೋಕೆ ನಮ್ಮ ಬಳಿ ಹೆಚ್ಚಿನ ದಿನಗಳಿಲ್ಲ. ಈ ಔಟ್ಬ್ರೇಕ್ ಅನ್ನ ತಪ್ಪಿಸಬೇಕು ಅಂತ ಕೇರಳದ ಕೋವಿಡ್ ಎಕ್ಸ್ಪರ್ಟ್ ಕಮಿಟಿಯ ಸದಸ್ಯರೊಬ್ರು ಹೇಳಿದ್ದಾರೆ.
– ಇನ್ನು ಭಾರತದಲ್ಲಿ ಜನವರಿ ಅಂತ್ಯದ ವೇಳೆಗೆ ಕೊರೋನಾ ಕೇಸಸ್ ಹೆಚ್ಚಾಗೋ ಸಾಧ್ಯತೆ ಇದೆ. ಜಗತ್ತು ಏನನ್ನ ಎದುರಿಸುತ್ತಿದಿಯೋ ಅದನ್ನ ನಾವು ಕೂಡ ಎದುರಿಸ್ತೀವಿ. ಒಂದೇ ಒಂದು ಹೋಪ್ ಅಂದ್ರೆ, ಎರಡನೇ ಅಲೆ ಥರ ಗಂಭೀರ ಪ್ರಮಾಣದ ರೋಗಿಗಳ ಸಂಖ್ಯೆ ಹೆಚ್ಚಾಗದೇ ಇದ್ರೆ ಸಾಕು ಅಂತ ಹೈದ್ರಾಬಾದ್ನ ಕಿಮ್ಸ್ ಆಸ್ಪತ್ರೆ ನಿರ್ದೇಶಕರು ಹೇಳಿದ್ದಾರೆ.
– ಈಗಿನ ವಿಚಾರಕ್ಕೆ ಬಂದ್ರೆ ದೇಶದಲ್ಲಿ ಒಮೈಕ್ರಾನ್ ರೂಪಾಂತರಿ ಕೊರೋನಾ ಪ್ರಕರಣಗಳ ಸಂಖ್ಯೆ 415ಕ್ಕೆ ಏರಿಕೆಯಾಗಿದೆ. ಮಹಾರಾಷ್ಟ್ರದಲ್ಲಿ ಅತಿಹೆಚ್ಚು 108 ಕೇಸ್ ದೃಢಪಟ್ಟಿದೆ. ಅದ್ಬಿಟ್ರೆ, ದೆಹಲಿ 79, ಗುಜರಾತ್ 43, ತೆಲಂಗಾಣ 38, ಕೇರಳ 37, ತಮಿಳುನಾಡು 34, ಕರ್ನಾಟಕ 31 ಹೀಗೆ.. ಒಟ್ಟು 415 ಸೋಂಕಿತರಲ್ಲಿ 115 ಜನ ಗುಣಮುಖ ಕೂಡ ಆಗಿದ್ದಾರೆ.
– ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಕೊರೋನಾ ರೂಲ್ಸ್ ಉಲ್ಲಂಘಿಸಿದ್ದಕ್ಕಾಗಿ ಕಳೆದೆರಡು ದಿನಗಳಲ್ಲಿ ಬರೋಬ್ಬರಿ ಒಂದೂವರೆ ಕೋಟಿ ರೂಪಾಯಿ ದಂಡ ವಸೂಲಿ ಮಾಡಲಾಗಿದೆ ಅಂತ ದೆಹಲಿ ಸರ್ಕಾರ ಹೇಳಿದೆ. ಜೊತೆಗೆ 163 ಎಫ್ಐಆರ್ಗಳನ್ನ ದಾಖಲಿಸಲಾಗಿದೆ.
-masthmagaa.com
Contact Us for Advertisement