masthmagaa.com:
ಇನ್ನು ರಮೇಶ್ ಜಾರಕಿಹೊಳಿ ವಿಡಿಯೋದಲ್ಲಿ ಕಾಣಿಸಿಕೊಂಡಿರೋ ಅಥವಾ ಕಾಣಿಸಿಕೊಂಡಿದ್ದಾರೆ ಎನ್ನಲಾಗ್ತಿರೋ ಯುವತಿಯ ಸಹೋದರನಿಗೆ ಬೆಂಗಳೂರಿನ ಸಿಸಿಬಿ ಪೊಲೀಸರು ನೋಟಿಸ್ ನೀಡಿದ್ದಾರೆ. ಯುವತಿಯ ಅಜ್ಜಿ ಮನೆಗೆ ನೋಟಿಸ್ ಅಂಟಿಸಿದ್ದು, ಮಾರ್ಚ್ 29ನೇ ತಾರೀಖು ಮಡಿವಾಳದಲ್ಲಿರೋ ಇಂಟ್ರಾಗೇಷನ್ ಸೆಂಟರ್ಗೆ ವಿಚಾರಣೆಗೆ ಬರುವಂತೆ ಯುವತಿಯ ಸಹೋದರನಿಗೆ ಸೂಚಿಸಲಾಗಿದೆ. ಇದು ಬೆಂಗಳೂರಿನ R.T. ನಗರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿರೋ ಕೇಸ್ ಸಂಬಂಧ ಅಂತಾನೂ ಹೇಳಿದೆ ಸಿಸಿಬಿ. ಅಂದ್ಹಾಗೆ ಮಗಳು ಕಿಡ್ನಾಪ್ ಆಗಿದ್ದಾಳೆ ಅಂತ ಆಕೆಯ ಪೋಷಕರು ಬೆಳಗಾವಿಯಲ್ಲಿ ದೂರು ದಾಖಲಿಸಿದ್ರು. ಬಳಿಕ ಆ ಕೇಸ್ R.T. ನಗರ ಪೊಲೀಸ್ ಠಾಣೆಗೆ ವರ್ಗಾವಣೆ ಆಗಿತ್ತು. ಬಹುಶಃ ಇದೇ ಪ್ರಕರಣದಲ್ಲಿ ಯುವತಿಯ ಸಹೋದರನನನ್ನ ಸಿಸಿಬಿ ವಿಚಾರಣೆಗೆ ಕರೆದಿದ್ದಾರೆ ಅನಿಸುತ್ತೆ.
-masthmagaa.com
Contact Us for Advertisement