masthmagaa.com:
ವಿದೇಶಗಳಲ್ಲಿ ಚೀನಾ ತುಂಬಾ ಅಗ್ರೆಸ್ಸಿವ್ ಆಗಿ ವರ್ತಿಸುತ್ತಿದೆ ಅಂತ ಅಮೆರಿಕದ ಸ್ಟೇಟ್ ಸೆಕ್ರೆಟರಿ ಆಂಟೋನಿ ಬ್ಲಿಂಕನ್ ಹೇಳಿದ್ದಾರೆ. ಚೀನಾ ಜೊತೆ ಅಮೆರಿಕ ಸೇನಾ ಮುಖಾಮುಖಿಯಾಗುವತ್ತ ಸಾಗುತ್ತಿದೆಯಾ ಅಂತ ಕೇಳಿದ ಪ್ರಶ್ನೆಗೆ, ಸೇನಾ ಮುಖಾಮುಖಿ ಅನ್ನೋದು ಎರಡೂ ದೇಶಗಳ ಇಂಟರೆಸ್ಟ್ಗೆ ವಿರುದ್ಧವಾಗಿದೆ. ಆದ್ರೆ ಕಳೆದ ಕೆಲ ವರ್ಷಗಳಿಂದ ಚೀನಾ ವಿದೇಶಗಳಲ್ಲಿ ಆಕ್ರಮಣಕಾರಿಯಾಗಿ ವರ್ತಿಸುತ್ತಿದೆ. ಆದ್ರೆ ತನ್ನ ದೇಶದಲ್ಲಿ ಹೆಚ್ಚು ದಮನಕಾರಿ ನೀತಿಯನ್ನ ಅನುಸರಿಸುತ್ತಿದೆ. ಇದೇ ನಿಜವಾದ ಸಂಗತಿ ಅಂತ ಆಂಟೋನಿ ಬ್ಲಿಂಕನ್ ಹೇಳಿದ್ದಾರೆ. ಅಮೆರಿಕದ ಸ್ಟೇಟ್ ಸೆಕ್ರೆಟರಿ ಅಂದ್ರೆ ನಮ್ಮ ದೇಶದ ವಿದೇಶಾಂಗ ಸಚಿವರಿಗೆ ಸಮ. ಲಂಡನ್ನಲ್ಲಿ ಜಿ7 ರಾಷ್ಟ್ರಗಳ ವಿದೇಶಾಂಗ ಸಚಿವರ ಸಭೆ ನಡೀತಿದೆ. ಈ ಹಿನ್ನೆಲೆ ಬ್ಲಿಂಕನ್ ಲಂಡನ್ಗೆ ಆಗಮಿಸಿದ್ದಾರೆ. ಭಾರತದ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಕೂಡ ಲಂಡನ್ಗೆ ಹೋಗಿದ್ದಾರೆ. ಜಿ7 ಅಂದ್ರೆ ಗ್ರೂಪ್ ಆಫ್ ಸೆವೆನ್ ಅಂತ. ಅಮೆರಿಕ, ಬ್ರಿಟನ್, ಫ್ರಾನ್ಸ್, ಜರ್ಮನಿ, ಇಟಲಿ, ಜಪಾನ್ ಮತ್ತು ಕೆನಡಾ – ಈ ಏಳು ರಾಷ್ಟ್ರಗಳ ಮೈತ್ರಿಕೂಟ ಇದಾಗಿದೆ. ಈ ವರ್ಷದ ಜೂನ್ನಲ್ಲಿ ಬ್ರಿಟನ್ನಲ್ಲಿ ಜಿ7 ಶೃಂಗಸಭೆ ನಡೆಯಲಿದೆ. ಅದರಲ್ಲಿ 7 ರಾಷ್ಟ್ರಗಳ ಮುಖ್ಯಸ್ಥರು, ಯುರೋಪಿಯನ್ ಒಕ್ಕೂಟದ ಪ್ರತಿನಿಧಿಗಳು ಮತ್ತು ಅತಿಥಿ ದೇಶಗಳ ಮುಖ್ಯಸ್ಥರು ಭಾಗವಹಿಸಲಿದ್ದಾರೆ. ಈ ಸಲ ಭಾರತ, ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ದಕ್ಷಿಣ ಕೊರಿಯಾ ಮತ್ತು ಬ್ರುನೈ ದೇಶಗಳಿಗೆ ಅತಿಥಿಗಳಾಗಿ ಆಹ್ವಾನ ಕೊಟ್ಟಿದೆ ಬ್ರಿಟನ್. ಈ ಸಭೆಯಲ್ಲಿ ಕೊರೋನಾ, ಆರ್ಥಿಕ ಚೇತರಿಕೆ, ಹವಾಮಾನ ಬದಲಾವಣೆ, ಮಾನವ ಹಕ್ಕು, ಆಹಾರ ಭದ್ರತೆ ಸೇರಿದಂತೆ ಚೀನಾ ವಿಚಾರ ಕೂಡ ಚರ್ಚೆಗೆ ಬರುವ ಸಾಧ್ಯತೆ ಇದೆ.
-masthmagaa.com
Contact Us for Advertisement