masthmagaa.com:
ಇತ್ತೀಚೆಗಷ್ಟೇ ವರ್ಜಿನ್ ಗೆಲಾಕ್ಟಿಕ್ ಸಂಸ್ಥೆಯ ರಿಚರ್ಡ್ ಬ್ರಾನ್ಸನ್ ಬಾಹ್ಯಾಕಾಶಕ್ಕೆ ಹೋಗಿ ಬಂದಿದ್ದು ನಿಮಗೆಲ್ಲಾ ಗೊತ್ತೇ ಇದೆ. ಅದೇ ರೀತಿ ಜುಲೈ 20ರಂದು ಬ್ಲೂ ಒರಿಜಿನ್ ಸಂಸ್ಥಾಪಕ ಜೆಫ್ ಬೆಜೋಸ್ ಮತ್ತವರ ಸಹೋದರ ಕೂಡ ನ್ಯೂ ಶೆಫರ್ಡ್ ರಾಕೆಟ್ನಲ್ಲಿ ಬಾಹ್ಯಾಕಾಶಕ್ಕೆ ಹಾರ್ತಿದ್ದಾರೆ. ವಿಶೇಷ ಅಂದ್ರೆ ಅವರ ಜೊತೆ 18 ವರ್ಷದ ಯುವಕ ಕೂಡ ಜೊತೆ ನೀಡಲಿದ್ಧಾನೆ. ಒಲಿವರ್ ಡಾಯ್ಮನ್ ಬಾಹ್ಯಾಕಾಶ ಪ್ರವಾಸಕ್ಕೆ ಮೊದಲ ಕಸ್ಟಮರ್ ಆಗಿದ್ಧಾರೆ. ಈ ಹಿಂದೆ ಈ ಸೀಟ್ನ್ನು ಆಕ್ಷನ್ ಮಾಡಿ, ಸೇಲ್ ಮಾಡಲಾಗಿತ್ತು. ವ್ಯಕ್ತಿಯೊಬ್ಬರು 28 ಮಿಲಿಯನ್ ಡಾಲರ್ ಅಂದ್ರೆ ಭಾರತ ರೂಪಾಯಿ ಲೆಕ್ಕದಲ್ಲಿ 207 ಕೋಟಿ ರೂಪಾಯಿಗಿಂತ ಜಾಸ್ತಿ ದುಡ್ಡಿಗೆ ಈ ಸೀಟ್ ಬುಕ್ ಮಾಡಿದ್ರು. ಆದ್ರೆ ತನ್ನ ವೇಳಾಪಟ್ಟಿಯಲ್ಲಿ ಏನೋ ತೊಂದ್ರೆಯಾಗಿದ್ರಿಂದ ನಾನು ಈ ಸಲ ಹೋಗಲ್ಲ. ನೆಕ್ಸ್ಟ್ ಟೈಂ ಹೋಗ್ತೀನಿ ಅಂತ ಆ ವ್ಯಕ್ತಿ ತಿಳಿಸಿದ್ದರಿಂದ ಆಕ್ಷನ್ನಲ್ಲಿ ರನ್ನರ್ ಅಪ್ ಆಗಿದ್ದವರಿಗೆ ಈ ಅವಕಾಶ ಸಿಗ್ತು. ಡಾಯ್ಮನ್ ಒಲಿವರ್ ಅವರ ತಂದೆ hedge fund Somerset Capital Partners ಸಂಸ್ಥೆಯ ಸಿಇಒ ಜೋಸ್ ಡಾಯ್ಮನ್ ರನ್ನರ್ ಅಪ್ ಆಗಿದ್ರು. ಈಗ ಅವರು ತಮ್ಮ ಮಗ ಡಾಯ್ಮನ್ ಒಲಿವರ್ಗೆ ಅವಕಾಶ ನೀಡಿದ್ದಾರೆ. ಇವರ ಜೊತೆಗೆ 82 ವರ್ಷದ ಪೈಲೆಟ್ ವ್ಯಾಲಿ ಫಂಕ್ ಕೂಡ ಪ್ರಯಾಣ ಬೆಳೆಸಲಿದ್ದಾರೆ. ಈ ಮೂಲಕ ಅತೀ ಕಡಿಮೆ ಮತ್ತು ಹೆಚ್ಚು ವಯಸ್ಸಿನವರು ಬಾಹ್ಯಾಕಾಶಕ್ಕೆ ಹಾರಿದ ದಾಖಲೆ ಕೂಡ ನಿರ್ಮಾಣವಾಗ್ತಿದೆ.
-masthmagaa.com
Contact Us for Advertisement