masthmagaa.com:
ಹೊಸ ಐಟಿ ರೂಲ್ಸ್ ಫಾಲೋ ಮಾಡಿದ್ರೂ ಕೂಡ ನಕ್ರಾ ಮಾಡ್ತಿರೋ ಟ್ವಿಟ್ಟರ್ಗೆ ದೆಹಲಿ ಹೈಕೋರ್ಟ್ ಮಂಗಳಾರತಿ ಮಾಡಿದೆ. ಒಂದ್ವೇಳೆ ಟ್ವಿಟರ್ ಐಟಿ ಇಲಾಖೆಯ ರೂಲ್ಸ್ಗಳನ್ನು ಫಾಲೋ ಮಾಡದೇ ಇದ್ರೆ, ಕ್ರಮ ಕೈಗೊಳ್ಳಲು ಕೇಂದ್ರ ಸರ್ಕಾರ ಸ್ವತಂತ್ರವಾಗಿದೆ. ನಾವು ಯಾವುದೇ ರೀತಿಯ ಮಧ್ಯಂತರ ರಕ್ಷಣೆ ನೀಡಲು ಸಾಧ್ಯವಿಲ್ಲ ಅಂತ ಸ್ಪಷ್ಟಪಡಿಸಿದೆ. ಜೊತೆಗೆ ಮಧ್ಯಂತರ ಅಧಿಕಾರಿಗಳ ನೇಮಕದ ಕುರಿತು ಅಫಿಡವಿಟ್ ಸಲ್ಲಿಸಿ ಅಂತ ಟ್ವಿಟರ್ಗೆ ಸೂಚಿಸಿ, ವಿಚಾರಣೆಯನ್ನು ಜುಲೈ 28ಕ್ಕೆ ಮುಂದೂಡಿದೆ. ಆದ್ರೆ ಟ್ವಿಟ್ಟರ್ ಮಾತ್ರ ಕುಂದುಕೊರತೆ ಅಧಿಕಾರಿ ನೇಮಕಕ್ಕೆ 8 ವಾರ ಟೈಂ ಬೇಕು ಅಂತ ಮನವಿ ಮಾಡಿದ್ದು, ಜುಲೈ 11ರಂದು ತನ್ನ ಮೊದಲ ವರದಿಯನ್ನು ಪಬ್ಲಿಕ್ ಮಾಡೋದಾಗಿ ಹೇಳಿದೆ. ಇನ್ನು ಐಟಿ ಖಾತೆಯ ಸಚಿವರಾದ ಮೊದಲ ದಿನವೇ ಅಶ್ವಿನಿ ವೈಷ್ಣವ್ ಟ್ವಿಟ್ಟರ್ಗೆ ವಾರ್ನಿಂಗ್ ಕೊಟ್ಟಿದ್ದಾರೆ. ದೇಶದ ಕಾನೂನೇ ಎಲ್ಲಕ್ಕಿಂತ ಮೇಲು.. ಕಾನೂನು ಫಾಲೋ ಮಾಡಿ ಅಂತ ಟ್ವಿಟ್ಟರ್ಗೆ ಸೂಚಿಸಿದ್ದಾರೆ. ಮತ್ತೊಂದ್ಕಡೆ ಹೊಸ ಐಟಿ ರೂಲ್ಸ್ ಅಧಿಕಾರಿಗಳಿಗೆ ಮಾಧ್ಯಮಗಳ ವಾಕ್ ಸ್ವಾತಂತ್ರ್ಯವನ್ನು ನಿರ್ಬಂಧಿಸುವ ಅಧಿಕಾರ ನೀಡುತ್ತೆ ಅಂತ 25 ಪ್ರಮುಖ ಮಾಧ್ಯಮ ಸಂಸ್ಥೆಗಳು ಕೇರಳ ಹೈಕೋರ್ಟ್ ಮೆಟ್ಟಿಲೇರಿವೆ.
-masthmagaa.com
Contact Us for Advertisement