masthmagaa.com:
ಒಟಿಟಿ ಪ್ಲಾಟ್ಫಾರ್ಮ್ಗಳನ್ನ (ನೆಟ್ಫ್ಲಿಕ್ಸ್, ಅಮೆಜಾನ್ ಪ್ರೈಂ ವಿಡಿಯೋ, ಇತ್ಯಾದಿ) ನಿಯಂತ್ರಣ ಮಾಡಲು ಕೇಂದ್ರ ಸರ್ಕಾರ ಇತ್ತೀಚೆಗೆ ಬಿಡುಗಡೆ ಮಾಡಿದ ಮಾರ್ಗಸೂಚಿ ‘ಹಲ್ಲಿಲ್ಲದ ಹಾವಿನಂತಿದೆ. ಏನಾದ್ರೂ ಸಮಸ್ಯೆಯಾದ್ರೆ ಒಟಿಟಿ ಪ್ಲಾಟ್ಫಾರ್ಮ್ಗಳ ವಿರುದ್ಧ ತನಿಖೆ ನಡೆಸಲು ಮತ್ತು ಕಾನೂನು ಕ್ರಮ ಜರುಗಿಸಲು ಮಾರ್ಗಸೂಚಿಯಲ್ಲಿ ಅವಕಾಶಗಳೇ ಇಲ್ಲ’ ಅಂತ ಸುಪ್ರೀಂಕೋರ್ಟ್ ಹೇಳಿದೆ. ಅಲ್ಲದೆ, ಒಟಿಟಿ ಪ್ಲಾಟ್ಫಾರ್ಮ್ಗಳನ್ನ ಕಂಟ್ರೋಲ್ ಮಾಡಲು ಮಾರ್ಗಸೂಚಿ ಮಾತ್ರ ಸಾಕಾಗಲ್ಲ. ಅದಕ್ಕೆ ಕಾನೂನು ರೂಪಿಸಿ ಒಂದು ನಿಯಂತ್ರಣ ವ್ಯವಸ್ಥೆಯನ್ನ ಜಾರಿಗೆ ತರಬೇಕು ಅಂತಾನೂ ಸುಪ್ರೀಂಕೋರ್ಟ್ ಹೇಳಿದೆ. ಅಂದ್ಹಾಗೆ ಅಮೆಜಾನ್ ಪ್ರೈಂ ವಿಡಿಯೋದಲ್ಲಿನ ‘ತಾಂಡವ್’ ವೆಬ್ ಸೀರಿಸ್ನಲ್ಲಿ ಹಿಂದೂ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರಲಾಗಿದೆ ಅನ್ನೋ ವಿಚಾರ ಸುಪ್ರೀಂಕೋರ್ಟ್ ಮೆಟ್ಟಿಲೇರಿತ್ತು. ಅದರ ವಿಚಾರಣೆ ವೇಳೆ ಕೋರ್ಟ್ ಈ ರೀತಿ ಹೇಳಿದೆ. ಜೊತೆಗೆ ಅಮೆಜಾನ್ ಪ್ರೈಂ ವಿಡಿಯೋದ ಇಂಡಿಯಾ ಹೆಡ್ ಅಪರ್ಣ ಪುರೋಹಿತ್ರನ್ನ ಅರೆಸ್ಟ್ ಮಾಡದಂತೆಯೂ ಸೂಚಿಸಿದೆ. ಆದ್ರೆ ತನಿಖೆಗೆ ಅಪರ್ಣ ಪುರೋಹಿತ್ ಸಹಕರಿಸಬೇಕಿದೆ.
-masthmagaa.com
Contact Us for Advertisement