masthmagaa.com:
ನಮ್ಮ ಪಕ್ಕದ ದೇಶ ಚೀನಾದಲ್ಲಿ ಕೊರೋನಾ ಆರ್ಭಟ ನಿಲ್ಲೋ ಲಕ್ಷಣ ಕಾಣ್ತಿಲ್ಲ. ಕಳೆದ 24 ಗಂಟೆಯಲ್ಲಿ ದಾಖಲೆಯ 21 ಸಾವಿರಕ್ಕೂ ಹೆಚ್ಚಯ ಕೇಸ್ ದೃಢಪಟ್ಟಿದೆ. ವೈರಸ್ ಪೆಟ್ಟಿಗೆ ತತ್ತರಿಸಿರೋ ಶಾಂಘೈ ನಗರದ ಒಂದರಲ್ಲೇ 19 ಸಾವಿರಕ್ಕೂ ಹೆಚ್ಚು ಕೇಸ್ ದೃಢಪಟ್ಟಿದೆ. ಚೀನಾದಲ್ಲಿ 21 ಸಾವಿರ ಜನರಿಗೆ ಕೊರೋನಾ ಪಾಸಿಟಿವ್ ಬಂದ್ರೂ, ಆ ದೇಶ ರೋಗದ ಲಕ್ಷಣ ಇರೋ ಕೇಸ್ಗಳನ್ನ ಮಾತ್ರ ಲೆಕ್ಕಕ್ಕೆ ತೆಗೆದುಕೊಳ್ಳುತ್ತೆ. ಚೀನಾ ಪ್ರಕಾರ 1,323 ಜನರಿಗೆ ಮಾತ್ರ ರೋಗದ ಲಕ್ಷಣ ಇದೆ, ಹೀಗಾಗಿ ಅವು ಮಾತ್ರ ಪಾಸಿಟಿವ್ ಕೇಸಸ್. ಉಳಿದವು ಅಸಿಂಪ್ಟೋಮ್ಯಾಟಿಕ್ ಕೇಸಸ್ ಅಂತ ಹೇಳುತ್ತೆ. ಇನ್ನು ಕೊರೋನಾ ಸ್ಫೋಟದ ಕೇಂದ್ರಬಿಂದುವಾಗಿರೋ ಶಾಂಘೈ ನಗರದಲ್ಲಿ ಕಟ್ಟುನಿಟ್ಟಿನ ಲಾಕ್ಡೌನ್ನಿಂದ ಜನರ ಜೀವನ ಕಷ್ಟವಾಗಿದೆ. ಸುಮಾರು ಎರಡೂವರೆ ಕೋಟಿ ಜನ ಮನೆಯಿಂದ ಹೊರಬರದಂತೆ ಆದೇಶಿಸಲಾಗಿದೆ. ಆದ್ರೂ ಕೆಲವರು ಬಾಲ್ಕನಿಗೆ ಬಂದು ಹಾಡು ಹೇಳೋದು, ಅಗತ್ಯ ವಸ್ತುಗಳು ಸಿಕ್ತಿಲ್ಲ ಅಂತೆಲ್ಲಾ ಪ್ರತಿಭಟಿಸುತ್ತಿದ್ದಾರೆ. ಹೀಗೆ ಬಾಲ್ಕನಿಗೆ ಬಂದ್ರೂ ಕೂಡ, ಸರ್ಕಾರ ಕೆಲವೇ ಕ್ಷಣಗಳಲ್ಲಿ ಡ್ರೋನ್ ಮೂಲಕ ಅನೌನ್ಸ್ಮೆಂಟ್ ಮಾಡ್ತಿದೆ. ಜನ ಕೊರೋನಾ ನಿಯಮಗಳನ್ನ ಪಾಲಿಸಿ, ಕಿಟಕಿಗಳನ್ನ ತೆಗೀಬೇಡಿ, ನಿಮ್ಮ ಫ್ರೀ ಲೈಫ್ ಆಸೆ ಮೇಲೆ ಹಿಡಿತವಿರಲಿ, ಕಪಲ್ಗಳು ಬೇರೆ ಬೇರೆಯಾಗಿ ಮಲಗಿ, ಕಿಸ್ – ಹಗ್ ಎಲ್ಲಾ ಮಾಡ್ಬೇಡಿ, ಒಟ್ಟಿಗೆ ಕೂತ್ಕೊಂಡು ಊಟ ಮಾಡ್ಬೇಡಿ ಅಂತೆಲ್ಲಾ ಅನೌನ್ಸ್ ಮಾಡಲಾಗ್ತಿದೆ. ಇದರ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
-masthmagaa.com
Contact Us for Advertisement