masthmagaa.com:
ಒಂದ್ಕಡೆ ರಷ್ಯಾ ಮತ್ತು ಯುಕ್ರೇನ್ ಯುದ್ಧ ನಡೀತಾ ಇದೆ. ಮತ್ತೊಂದ್ಕಡೆ ಚೀನಾ ಭಯಾನಕ ಅಸ್ತ್ರವೊಂದನ್ನು ಕಂಡು ಹಿಡಿದಿದೆ. ಎಷ್ಟರ ಮಟ್ಟಿಗೆ ಅಂದ್ರೆ ಈ ಅಸ್ತ್ರದಿಂದ ಇಡೀ ವಿಶ್ವದ ಸಂಪರ್ಕ ವ್ಯವಸ್ಥೆಯನ್ನೇ ಹಾಳು ಮಾಡಬಹುದಾಗಿದೆ. ಅದೇ ರಿಲೇಟಿವಿಸ್ಟಿಕ್ ಕ್ಲೈಸ್ಟ್ರಾನ್ ಆಂಪ್ಲಿಫೈರ್ ಅನ್ನೋ ಲೇಸರ್ ವೆಪನ್.. ಇದು ಬಾಹ್ಯಾಕಾಶದಲ್ಲಿರೋ ಉಪಗ್ರಹಗಳನ್ನು ಜಾಮ್ ಮಾಡುವ, ನಾಶಪಡಿಸೋ ಸಾಮರ್ಥ್ಯವನ್ನು ಹೊಂದಿದೆ. 5 ಮೆಗಾ ವ್ಯಾಟ್ಗಳ ತರಂಗ ಹೊರಸೂಸುವ ಸಾಮರ್ಥ್ಯ ಹೊಂದಿದ್ದು, ಇದನ್ನು ಸಿವಿಲ್ ಮತ್ತು ಮಿಲಿಟರಿ ಉಪಯೋಗಗಳಿಗೆ ಬಳಸೋಕೆ ಸಾಧ್ಯವಾಗಲಿದೆ. ಭೂಮಿಯಿಂದಲೇ ಆಕಾಶದಲ್ಲಿರೋ ಉಪಗ್ರಹಗಳನ್ನು ಟಾರ್ಗೆಟ್ ಮಾಡೋಕೆ ಸಾಧ್ಯವಾಗೋದಿಲ್ಲ. ಆದ್ರೆ ಈ ಅಸ್ತ್ರವನ್ನು ಉಪಗ್ರಹದ ಜೊತೆ ಉಡಾವಣೆ ಮಾಡಿ.., ನಂತ್ರ ಬಾಹ್ಯಾಕಾಶದಲ್ಲಿ ಬೇರೆ ಉಪಗ್ರಹಗಳನ್ನು ಟಾರ್ಗೆಟ್ ಮಾಡಲು ಸಾಧ್ಯವಾಗಲಿದೆ. ಡೈರೆಕ್ಟೆಡ್ ಎನರ್ಜಿ ವೆಪನ್ಸ್ ವ್ಯವಸ್ಥೆ ಇದ್ದು, ಇದ್ರಿಂದ ಬಿಡುಗಡೆಯಾಗುವ ತರಂಗ ಎದುರಾಳಿಯ ಉಪಕರಣ ಅಥವಾ ಸೇನೆಗೆ ಹಾನಿ ಮಾಡಬಲ್ಲದು. ಈ ಸಂಬಂಧ ತೈವಾನ್ ಸುದ್ದಿ ಸಂಸ್ಥೆಗಳು ಡೀಟೇಲಾಗಿ ವರದಿ ಮಾಡಿವೆ. ಆದ್ರೆ ಚೀನಾ ಮಾತ್ರ ಈ ಸುದ್ದಿ ಸುಳ್ಳು.. ನಾವು ಆ ರೀತಿ ಯಾವುದೇ ಅಸ್ತ್ರವನ್ನು ಅಭಿವೃದ್ಧಿಪಡಿಸಿಲ್ಲ ಅಂತ ಹೇಳಿಕೊಂಡಿದೆ. ಆದ್ರೆ ಈ ಬಗ್ಗೆ ಪ್ರತಿಕ್ರಿಯಿಸಿರೋ ಚೀನೀ ವಿಜ್ಞಾನಿಯೊಬ್ಬರು, ಅದು ತುಂಬಾ ಶಕ್ತಿಶಾಲಿ ಅಸ್ತ್ರ. ಎಲ್ಲರೂ ಅಂದುಕೊಂಡಿರೋದಕ್ಕಿಂತಲೂ ಅದು ಭಯಾನಕವಾಗಿದೆ ಅಂತ ಹೇಳಿಕೊಂಡಿದ್ದಾರೆ. ಒಂದು ವೇಳೆ ಚೀನಾ ಈ ಅಸ್ತ್ರ ಅಭಿವೃದ್ಧಿಪಡಿಸಿರೋದು ನಿಜವೇ ಆದಲ್ಲಿ ದೊಡ್ಡಮಟ್ಟದಲ್ಲಿ ವಿಶ್ವಸಮುದಾಯದ ಟೀಕೆಗೆ ಗುರಿಯಾಗಬೇಕಾಗುತ್ತೆ. ಕಳೆದ ವರ್ಷ ಕೂಡ ಚೀನಾ ಹೈಪರ್ಸಾನಿಕ್ ಪರೀಕ್ಷೆ ನಡೆಸಿ ಸುದ್ದಿಯಾಗಿತ್ತು. ಅದೂ ಅಲ್ಲದೆ ಬಾಹ್ಯಾಕಾಶದಲ್ಲೂ ಚೀನಾ ಮುಂದೆ ಸಾಗುತ್ತಿದೆ. ಯಾರ ಸಹಾಯವೂ ಇಲ್ಲದೇ ತನ್ನದೇ ಸ್ವಂತ ಬಾಹ್ಯಾಕಾಶ ನಿಲ್ದಾಣ ನಿರ್ಮಿಸ್ತಾ ಇದೆ. ಈ ವರ್ಷಾಂತ್ಯದಲ್ಲಿ ಅದು ಕಂಪ್ಲೀಟ್ ಕೂಡ ಆಗ್ತಿದೆ. ಆಮೇಲೆ ಅಲ್ಲಿ ಹೋಗಿ ಕೂತ್ಕೊಂಡು ಈ ಹೊಸ ಅಸ್ತ್ರಗಳ ಮೂಲಕ ಬೇರೆಯವರ ಉಪಗ್ರಹಗಳನ್ನು ನಾಶ ಮಾಡೋಕೆ ಶುರು ಮಾಡಿದ್ರೆ ಕಷ್ಟ..
-masthmagaa.com
Contact Us for Advertisement