masthmagaa.com:
ಲೈನ್ ಆಫ್ ಕಂಟ್ರೋಲ್ನ ಆ ಕಡೆ ಮೂರು ವಾಯುನೆಲೆಗಳಲ್ಲಿ ಚೀನಾ ಏರ್ಫೋರ್ಸ್ ಇನ್ನೂ ಕೂಡ ಉಪಸ್ಥಿತಿಯನ್ನು ಹೊಂದಿದೆ ಅಂತ ಭಾರತೀಯ ವಾಯುಸೇನೆ ಮಾಹಿತಿ ನೀಡಿದೆ. ಏರ್ಫೋರ್ಸ್ನ 89ನೇ ವಾರ್ಷಿಕೋತ್ಸವ ಉದ್ದೇಶಿಸಿ ಮಾತನಾಡಿದ ಏರ್ಚೀಪ್ ಮಾರ್ಷಲ್ ವಿಆರ್ ಚೌಧರಿ, ಚೀನಾದಂತೆಯೇ ನಾವು ಕೂಡ ಸಂಪೂರ್ಣವಾಗಿ ನಿಯೋಜನೆಗೊಂಡಿದ್ದು, ನಮ್ಮ ಕಡೆಯಿಂದ ಕಂಪ್ಲೀಟಾಗಿ ಸಿದ್ಧರಾಗಿದ್ದೀವಿ ಅಂತ ಹೇಳಿದ್ದಾರೆ. ಜೊತೆಗೆ ಲಡಾಖ್ ಪ್ರದೇಶದ ಅತಿ ಎತ್ತರದ ಪ್ರದೇಶದಲ್ಲಿ ದಾಳಿಗಳನ್ನು ನಡೆಸುವಲ್ಲಿ ಚೀನೀ ಏರ್ಫೋರ್ಸ್ ವೀಕ್ ಆಗಿದೆ. ರಫೇಲ್ ಮತ್ತು ಅಪಾಚೆ ಹೆಲಿಕಾಪ್ಟರ್ ಆಗಮನ ನಮ್ಮ ಸಾಮರ್ಥ್ಯವನ್ನು ಹೆಚ್ಚಿಸಿದೆ. ಆದ್ರೆ 5ನೇ ಜನರೇಷನ್ನ ಯುದ್ಧ ವಿಮಾನಗಳೂ ಬೇಕು. ಸದ್ಯ ಡಿಆರ್ಡಿಒ ಅಭಿವೃದ್ಧಿಪಡಿಸುತ್ತಿರುವ AMCA (ಅಡ್ವಾನ್ಸ್ಡ್ ಮೀಡಿಯಂ ಕೊಂಬಾಟ್ ಏರ್ಕ್ರಾಫ್ಟ್) ಈ ಕೊರತೆಯನ್ನು ನೀಗಿಸಲಿದೆ ಅಂತ ಹೇಳಿದ್ದಾರೆ. ಎಲ್ಲಕ್ಕಿಂತ ಹೆಚ್ಚಾಗಿ ಚೀನಾ ಮತ್ತು ಪಾಕಿಸ್ತಾನ ಒಂದೇ ಸಮಯದಲ್ಲಿ ದಾಳಿ ನಡೆಸಿದ್ರೂ ಕೂಡ ಎದುರಿಸಲು ನಾವು ಶಕ್ತವಾಗಿದ್ದೀವಿ ಅಂತ ವಿಆರ್ ಚೌಧರಿ ತಿಳಿಸಿದ್ದಾರೆ.
-masthmagaa.com
Contact Us for Advertisement