masthmagaa.com:
ದೆಹಲಿ: ದೇಶದಲ್ಲಿ ಲಾಕ್ಡೌನ್ ಹೇರಿದ್ದರಿಂದ ಸದಾ ಹೊಗೆ, ವಾಯುಮಾಲಿನ್ಯದಿಂದ ಕೂಡಿರುತ್ತಿದ್ದ ದೆಹಲಿಯಲ್ಲಿ ಸ್ವಚ್ಛಂದ ಗಾಳಿ ಬೀಸುತ್ತಿದೆ. ಹೀಗಾಗಿ ಜನ ಲಾಕ್ಡೌನ್ ಇದ್ರೂ ವಾಕಿಂಗ್, ಜಾಗಿಂಗ್ ಹೋಗ್ತಿದ್ದಾರೆ. ಇಂಥವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲಾಗುತ್ತೆ ಅಂತ ಜಂಟಿ ಪೊಲೀಸ್ ಆಯುಕ್ತೆ ಶಾಲಿನಿ ಸಿಂಗ್ ಎಚ್ಚರಿಸಿದ್ದಾರೆ.
ಲಾಕ್ಡೌನ್ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಸೆಕ್ಷನ್ 144 ಹೇರಲಾಗಿದೆ. ಹೀಗಾಗಿ ಅಗತ್ಯ ವಸ್ತುಗಳನ್ನು ತೆಗೆದುಕೊಳ್ಳಲು ಮಾತ್ರವೇ ಮನೆಯಿಂದ ಹೊರಗೆ ಬರಬೇಕು. ಅದು ಬಿಟ್ಟು ಕಾರಣವಿಲ್ಲದೇ ಹೊರಗೆ ಅಡ್ಡಾಡುವಂತಿಲ್ಲ. ಅಲ್ಲದೆ ಪಾರ್ಕ್, ರಸ್ತೆಗಳಲ್ಲಿ ಪೊಲೀಸರನ್ನು ನಿಯೋಜಿಸಲಾಗುತ್ತೆ. ಯಾರಾದ್ರೂ ಜಾಗಿಂಗ್, ವಾಕಿಂಗ್ ಬಂದ್ರೆ ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಳ್ತೀವಿ.. ಸ್ವಲ್ಪದಿನ ಮನೆಯಲ್ಲೇ ವ್ಯಾಯಾಮ ಮಾಡಿ ಎಂದು ಸಲಹೆ ಕೊಟ್ಟಿದ್ದಾರೆ.
ಒಂದ್ವೇಳೆ ಕೇಸ್ ದಾಖಲಾದಲ್ಲಿ 6 ತಿಂಗಳು ಜೈಲು ಅಥವಾ 1 ಸಾವಿರ ರೂಪಾಯಿ ದಂಡ ಅಥವಾ ಎರಡನ್ನೂ ವಿಧಿಸುವ ಸಾಧ್ಯತೆ ಇದೆ. ಹೀಗಾಗಿ ಸ್ವಲ್ಪ ಹುಷಾರಾಗಿರಿ ಎಂದು ಎಚ್ಚರಿಸಿದ್ದಾರೆ.
-masthmagaa.com
Contact Us for Advertisement