masthmagaa.com:
ಅಮೆರಿಕದಲ್ಲಿ 2019ರ ಡಿಸೆಂಬರ್ನಿಂದಲೇ ಕೊರೊನಾ ಹರಡುವಿಕೆ ಶುರುವಾಗಿತ್ತು ಅನ್ನೋದಕ್ಕೆ ಸಾಕ್ಷ್ಯ ಲಭ್ಯವಾಗಿದೆ. ಅಮೆರಿಕದಲ್ಲಿ 2020ರ ಜನವರಿ 21ರಂದು ಮೊದಲ ಕೊರೊನಾ ಪ್ರಕರಣ ಅನೌನ್ಸ್ ಮಾಡಲಾಗಿತ್ತು. ಆದ್ರೆ ದಿ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಸಂಸ್ಥೆ 2020ರ ಜನವರಿ 2ರಿಂದ ಮಾರ್ಚ್ 18ರವರೆಗೆ 24 ಸಾವಿರ ಜನರಿಂದ ಪಡೆದ ರಕ್ತದ ಸ್ಯಾಂಪಲ್ಗಳನ್ನು ಸಂಶೋಧನೆಗೆ ಒಳಪಡಿಸಿದೆ. ಇದ್ರಲ್ಲಿ 9 ಮಂದಿಯ ರಕ್ತದ ಸ್ಯಾಂಪಲ್ನಲ್ಲಿ ಕೊರೋನಾ ವಿರುದ್ಧದ ಪ್ರತಿಕಾಯಗಳು ಪತ್ತೆಯಾಗಿವೆ. ಅದ್ರಲ್ಲಿ ಇಲಿನಾಯಿಸ್ನಲ್ಲಿ 2020ರ ಜನವರಿ 7ರಂದು ರಕ್ತದ ಸ್ಯಾಂಪಲ್ ಕೊಟ್ಟಿದ್ದ ವ್ಯಕ್ತಿಯಲ್ಲೂ ಪ್ರತಿಕಾಯಗಳು ಪತ್ತೆಯಾಗಿವೆ. ಅಂದ್ರೆ ಈ ಕೊರೋನಾ ಪ್ರತಿಕಾಯಗಳು ಉತ್ಪತ್ತಿಯಾಗಲು ಕನಿಷ್ಠ 2 ವಾರವಾದ್ರೂ ಬೇಕಾಗುತ್ತೆ. ಅಂದ್ರೆ ಈ ವ್ಯಕ್ತಿಗೆ ಕನಿಷ್ಠ 2 ವಾರ ಮೊದಲು ಅಂದ್ರೆ ಡಿಸೆಂಬರ್ 24ಕ್ಕೂ ಮುನ್ನ ಕೊರೋನಾ ಬಂದಿರಬೇಕು.. ಅಂದ್ರೆ ಇಲಿನಾಯಿಸ್ನಲ್ಲಿ ಡಿಸೆಂಬರ್ 24ಕ್ಕೂ ಮುನ್ನವೇ ಕೊರೋನಾ ಹರಡುವಿಕೆ ಶುರುವಾಗಿತ್ತು ಅಂತ ಕ್ಲಿನಿಕಲ್ ಇನ್ಫೆಕ್ಶಿಯಸ್ ಡಿಸೀಸ್ ಜರ್ನಲ್ನಲ್ಲಿ ಪ್ರಕಟಿಸಲಾದ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ನ ವರದಿಯಲ್ಲಿ ಹೇಳಲಾಗಿದೆ. ಅಂದಹಾಗೆ ಈ ಹಿಂದೆ ಸೆಂಟರ್ ಫರ್ ಡಿಸೀಸ್ ಕಂಟ್ರೋಲ್ ಕೂಡ 2019ರ ಡಿಸೆಂಬರ್ನಲ್ಲೇ ಅಮೆರಿಕದಲ್ಲಿ ಕೊರೊನಾ ಪತ್ತೆಯಾಗಿತ್ತು ಅನ್ನೋದಕ್ಕೆ ಸಾಕ್ಷ್ಯಗಳಿವೆ ಅಂತ ಹೇಳಿತ್ತು. ಅಂದಹಾಗೆ ವಿಶ್ವದಲ್ಲಿ ಮೊಟ್ಟಮೊದಲ ಬಾರಿಗೆ ಚೀನಾದಲ್ಲಿ 2019ರ ಡಿಸೆಂಬರ್ನಲ್ಲಿ ಕೊರೋನಾ ಕೇಸ್ ದಾಖಲಾಗಿತ್ತು. ಆದ್ರೆ ಇದು ಕೂಡ ಸುಳ್ಳು.. ಚೀನಾದಲ್ಲಿ ನವೆಂಬರ್ 17ರಂದೇ ಮೊದಲ ಕೊರೋನಾ ಪ್ರಕರಣ ಪತ್ತೆಯಾಗಿತ್ತು ಅನ್ನೋ ವಾದ ಕೂಡ ಇದೆ. ಮತ್ತೊಂದ್ಕಡೆ ಅಮೆರಿಕದಲ್ಲಿ ಕೊರೋನಾಗೆ ಮೃತಪಟ್ಟವರ ಸಂಖ್ಯೆ 6 ಲಕ್ಷದ ಗಡಿ ದಾಟಿದೆ. 113 ದಿನದಲ್ಲಿ ಮೃತರ ಸಂಖ್ಯೆ 5ರಿಂದ 6 ಲಕ್ಷಕ್ಕೆ ಏರಿಕೆಯಾಗಿದೆ ಅಂತ ಮಾಹಿತಿ ಲಭ್ಯವಾಗಿದೆ.
-masthmagaa.com
Contact Us for Advertisement