masthmagaa.com:
ಒಮೈಕ್ರಾನ್ ಬೆನ್ನಲ್ಲೇ ಯುನೈಟೆಡ್ ಕಿಂಗ್ಡಮ್ನಲ್ಲಿ ಕೊರೋನಾ ಪೀಡಿತರ ಸಂಖ್ಯೆ ದಿನೇ ದಿನೇ ಜಾಸ್ತಿಯಾಗುತ್ತಲೇ ಇದೆ. ಕಳೆದ 24 ಗಂಟೆಗಳಲ್ಲಿ 1.22 ಲಕ್ಷ ಮಂದಿಗೆ ಹೊಸದಾಗಿ ಕೊರೋನಾ ಸೋಂಕು ತಗುಲಿದೆ. ಇದು ಕೊರೋನಾ ಮೊದಲು ಪತ್ತೆಯಾದ ಬಳಿಕ ಈವರೆಗಿನ ಅತಿ ಹೆಚ್ಚಿನ ಸಂಖ್ಯೆಯಾಗಿದೆ. ಕಳೆದೊಂದು ವಾರದಲ್ಲಿ ಯುನೈಟೆಡ್ ಕಿಂಗ್ಡಮ್ನಲ್ಲಿ ಕೊರೋನಾ ಪ್ರಕರಣಗಳ ಸಂಖ್ಯೆಯಲ್ಲಿ 48 ಪರ್ಸೆಂಟ್ ಜಾಸ್ತಿಯಾಗಿದೆ. ಆದ್ರೆ ಕೊರೋನಾದಿಂದ ಬಲಿಯಾಗ್ತಿರೋರ ಸಂಖ್ಯೆಯಲ್ಲಿ ದೊಡ್ಡಮಟ್ಟದ ಏರಿಕೆಯೇನೂ ಆಗ್ತಿಲ್ಲ.
ಇನ್ನು ಒಮೈಕ್ರಾನ್ ಭೀತಿ ಹಿನ್ನೆಲೆಯಲ್ಲಿ ಆರೋಗ್ಯ ಕಾರ್ಯಕರ್ತರಿಗೆ 4ನೇ ಡೋಸ್ ಲಸಿಕೆ ನೀಡಬೇಕು ಅಂತ ಆಸ್ಟ್ರಿಯಾ ನ್ಯಾಷನಲ್ ವ್ಯಾಕ್ಸಿನೇಷನ್ ಬೋರ್ಡ್ ತಿಳಿಸಿದೆ. ಆದ್ರೆ ಎಲ್ಲರಿಗೂ 4ನೇ ಡೋಸ್ ನೀಡಲು ಸದ್ಯ ಸಾಕಷ್ಟು ದಾಖಲೆಗಳಿಲ್ಲ. ಆದ್ರೆ ಆರೋಗ್ಯ ಕಾರ್ಯಕರ್ತರಿಗೆ ರಿಸ್ಕ್ ಜಾಸ್ತಿ ಇರೋದ್ರಿಂದ ಶಿಫಾರಸು ಮಾಡಿದ್ದೀವಿ ಅಂತ ಕೂಡ ಸಂಸ್ಥೆ ತಿಳಿಸಿದೆ.
ಒಮಿಕ್ರಾನ್ ಪತ್ತೆಯಾಗ್ತಿದ್ದಂತೆ ಆಫ್ರಿಕಾ ಖಂಡದ ಹಲವು ದೇಶಗಳ ಮೇಲೆ ವಿಧಿಸಿದ್ದ ಪ್ರಯಾಣ ನಿರ್ಬಂಧವನ್ನು ಅಮೆರಿಕ ಮುಂದಿನ ವಾರ ತೆರವುಗೊಳಿಸೋದಾಗಿ ಘೋಷಿಸಿದೆ. ಈ ರೀತಿ ನಿರ್ಬಂಧ ವಿಧಿಸಿದ್ದಕ್ಕೆ ದಕ್ಷಿಣ ಆಫ್ರಿಕಾ ಮತ್ತು ವಿಶ್ವ ಆರೋಗ್ಯ ಸಂಸ್ಥೆ ವಿರೋಧ ವ್ಯಕ್ತಪಡಿಸಿತ್ತು.
-masthmagaa.com
Contact Us for Advertisement