masthmagaa.com:
ಈಗಾಗಲೇ ಭಾರತ ಮಾರುಕಟ್ಟೆ ಪ್ರವೇಶಿಸೋದಾಗಿ ಘೋಷಿಸಿರೋ ಎಲಾನ್ ಮಸ್ಕ್ರ ಟೆಸ್ಲಾ, ಈ ಸಂಬಂಧ ಒಂದೊಂದೇ ಹೆಜ್ಜೆ ಇಡೋಕೆ ಶುರುಮಾಡಿದೆ. ಭಾರತದಲ್ಲಿ ಕಂಪನಿಯ ಮ್ಯಾನೇಜ್ಮೆಂಟ್ ಮತ್ತು ನಾಯಕತ್ವದ ಸಂಬಂಧ ನೇಮಕಾತಿ ಶುರು ಮಾಡ್ಕೊಂಡಿದೆ. ಕ್ಯಾಲಿಫೋರ್ನಿಯಾ ಮೂಲದ ಈ ಕಂಪನಿ ಭಾರತದ ತನ್ನ ವಿಭಾಗಕ್ಕೆ ಪ್ರಶಾಂತ್ ಆರ್ ಮೆನನ್ ಎಂಬುವರನ್ನು ಡೈರೆಕ್ಟರ್ ಆಗಿ ನೇಮಿಸಿದೆ. ಅಂದಹಾಗೆ ಪ್ರಶಾಂತ್ ಕಳೆದ 4 ವರ್ಷಗಳಿಂದ ಟೆಸ್ಲಾ ಸಂಸ್ಥೆಗಾಗಿ ಕೆಲಸ ಮಾಡ್ತಿದ್ದಾರೆ. ಜೊತೆಗೆ ಹೆಡ್ ಆಫ್ ಸೇಲ್ಸ್ & ಮಾರ್ಕೆಟಿಂಗ್, ಹೆಡ್ ಆಫ್ ಹ್ಯೂಮನ್ ರಿಸರ್ಚ್ ಸ್ಥಾನಗಳಿಗೆ ನೇಮಕಾತಿ ಮಾಡಿಕೊಳ್ತಿದೆ. ಈ ವರ್ಷದ ಆರಂಭದಿಂದಲೂ ಟೆಸ್ಲಾ ತನ್ನ ಶೋರೂಂ, ಆರ್ & ಡಿ ಸೆಂಟರ್, ಕಚೇರಿ, ಫ್ಯಾಕ್ಟರಿಗಾಗಿ ಭಾರತದಲ್ಲಿ ಜಾಗಕ್ಕೆ ಹುಡುಕಾಟ ನಡೆಸ್ತಲೇ ಇದೆ. ಜನವರಿ ತಿಂಗಳಲ್ಲಿ ಬೆಂಗಳೂರಿನಲ್ಲಿ ಟೆಸ್ಲಾ ಇಂಡಿಯಾ ಮೋಟಾರ್ಸ್ & ಎನರ್ಜಿ ಪ್ರೈವೇಟ್ ಲಿಮಿಟೆಡ್ ಅನ್ನೋ ಹೆಸರಲ್ಲಿ ಕಂಪನಿ ಕೂಡ ಶುರು ಮಾಡಿತ್ತು.
-masthmagaa.com
Contact Us for Advertisement