masthmagaa.com:
ಯುಕ್ರೇನ್ನಲ್ಲಿ ರಷ್ಯಾ ದಾಳಿ ಇವತ್ತು 18ನೇ ದಿನಕ್ಕೆ ಕಾಲಿಟ್ಟಿದೆ. ಪೂರ್ವ ಯುಕ್ರೇನ್ನ ಲಿವ್ ನಗರದಲ್ಲಿರೋ ಮಿಲಿಟರಿ ಟ್ರೇನಿಂಗ್ ಗ್ರೌಂಡ್ ಮೇಲೆ ರಷ್ಯಾ ಸೇನೆ ಹಲವು ಏರ್ ಸ್ಟ್ರೈಕ್ ನಡೆಸಿದೆ. ಇದು ಪೋಲೆಂಡ್ ಗಡಿಗೆ ಹತ್ತಿರದಲ್ಲಿರೋ ನಗರವಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಲಿವ್ ನಗರದ ಸ್ಥಳೀಯ ಆಡಳಿತದ ಮುಖ್ಯಸ್ಥ, ರಷ್ಯಾ ಇಂಟರ್ನ್ಯಾಷನಲ್ ಸೆಂಟರ್ ಫರ್ ಪೀಸ್ಕೀಪಿಂಗ್ & ಸೆಕ್ಯೂರಿಟಿ ಮೇಲೆ ಏರ್ಸ್ಟ್ರೈಕ್ ನಡೆಸಿದೆ. ಇದ್ರಲ್ಲಿ 35 ಮಂದಿ ಪ್ರಾಣ ಕಳ್ಕೊಂಡಿದ್ದು, 57 ಮಂದಿ ಗಾಯಗೊಂಡಿದ್ದಾರೆ.. ಒಂದಲ್ಲ ಎರಡಲ್ಲ.. 30 ರಾಕೆಟ್ಗಳನ್ನು ಉಡಾಯಿಸಿದೆ ಅಂತ ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಯುಕ್ರೇನ್ ರಕ್ಷಣಾ ಸಚಿವ ಒಲೆಕ್ಸಿ ರೆಜ್ನಿಕೋವ್, ಇದೊಂದು ಭಯೋತ್ಪಾದನಾ ದಾಳಿಯಾಗಿದೆ. ಈ ಕೇಂದ್ರದಲ್ಲಿ ಫಾರಿನ್ ಇನ್ಸ್ಟ್ರಕ್ಟರ್ಸ್ಗಳು ಕೂಡ ಇದ್ರು. ಯೂರೋಪಿಯನ್ ಯೂನಿಯನ್ ಮತ್ತು ನ್ಯಾಟೋ ಗಡಿಯಲ್ಲಿ ಶಾಂತಿ ಮತ್ತು ಭದ್ರತೆಯ ಮೇಲೆ ನಡೆದ ಉಗ್ರ ದಾಳಿ.. ಇದನ್ನು ತಡೆಯಲು ಕ್ರಮ ಕೈಗೊಳ್ಳಲೇಬೇಕು.. ನ್ಯಾಟೋ ಈಗಲಾದ್ರೂ ಯುಕ್ರೇನ್ನಲ್ಲಿ ನೋ ಫ್ಲೈ ಝೋನ್ ಅಂತ ಘೋಷಿಸಬೇಕು ಅಂತ ಒತ್ತಾಯಿಸಿದ್ದಾರೆ.
-masthmagaa.com
Contact Us for Advertisement