masthmagaa.com:
ಹೈಟಿಯಲ್ಲಿ ಅಪಹರಣಕ್ಕೆ ಒಳಗಾಗಿರೋ ಅಮೆರಿಕ ಮತ್ತು ಕೆನಡಾದ ಮಿಷನರಿ ಸದಸ್ಯರು ಇನ್ನೂ ಕೂಡ ಪತ್ತೆಯಾಗಿಲ್ಲ. ಇದೀಗ ಇಂಟರ್ನೆಟ್ನಲ್ಲಿ ವಿಡಿಯೋ ಹಾಕಿರೋ ವ್ಯಕ್ತಿಯೊಬ್ಬ, ನಾನು ಅಮೆರಿಕ ಮತ್ತು ಕೆನಡಾದ ಪ್ರಜೆಗಳನ್ನು ಅಪಹರಿಸಿದ ಗ್ಯಾಂಗ್ನವನು. ನನಗೆ ಬೇಕಾದ ದುಡ್ಡು ಕೊಡದೇ ಇದ್ರೆ ಅಮೆರಿಕನ್ನರನ್ನು ಕೊಲ್ಲುವ ಬಗ್ಗೆ ಯೋಚಿಸುತ್ತಿದ್ದೀನಿ ಅಂತ ಬೆದರಿಕೆ ಹಾಕಿದ್ದಾನೆ. ನೇರಳೆ ಬಣ್ಣದ ಸೂಟ್ ಧರಿಸಿರೋ ಈ ವ್ಯಕ್ತಿ ಹೈಟಿ ಮೂಲದವನಾಗಿದ್ದು, ಲಾಮೋ ಸಂಜೊವ್ ಅಂತ ಗುರುತಿಸಲಾಗಿದೆ. ಈತ ಆ 17 ಮಂದಿಯನ್ನು ಅರೆಸ್ಟ್ ಮಾಡಿರೋ 400 ಮಾವೋಜೋ ಗ್ಯಾಂಗ್ನ ಲೀಡರ್ ಅಂತ ಗೊತ್ತಾಗಿದೆ. ಅಂದಹಾಗೆ ದುಷ್ಕರ್ಮಿಗಳು ಈಗಾಗಲೇ ಒಂದೊಂದು ತಲೆಗೆ 10 ಲಕ್ಷ ಡಾಲರ್ನಂತೆ 1.70 ಕೋಟಿ ಡಾಲರ್ ದುಡ್ಡಿಗೆ ಬೇಡಿಕೆ ಇಟ್ಟಿದ್ದಾರೆ. ಅಮೆರಿಕ ಕೂಡ ಅಪಹರಣಕ್ಕೀಡಾದ ಪ್ರಜೆಗಳ ರಕ್ಷಣೆಗೆ ಏನೇನ್ ಮಾಡೋಕೆ ಸಾಧ್ಯವಾಗುತ್ತೋ ಅವೆಲ್ಲವನ್ನು ಮಾಡ್ತೀವಿ ಅಂತ ಹೇಳಿದೆ.
-masthmagaa.com
Contact Us for Advertisement