masthmagaa.com:
ಚೀನಾದ ಸ್ಪೆಷಲ್ ಅಡ್ಮಿನಿಸ್ಟ್ರೇಷನ್ ರೀಜನ್ ಆಗಿರೋ ಹಾಂಗ್ ಕಾಂಗ್ನಲ್ಲಿ ಮೇ ತಿಂಗಳಲ್ಲಿ ನಡೆಯಲಿರೋ ಎಲೆಕ್ಷನ್ಗೆ ತಾವು ಮತ್ತೊಮ್ಮೆ ಸ್ಪರ್ಧಿಸಲ್ಲ ಅಂತ ಅಲ್ಲಿನ ಹಾಲಿ ಚೀಫ್ ಎಕ್ಸಿಕ್ಯುಟಿವ್ ಕ್ಯಾರಿ ಲ್ಯಾಮ್ ಅನೌನ್ಸ್ ಮಾಡಿದ್ದಾರೆ. ನಂಗೆ ನನ್ನ ಫ್ಯಾಮಿಲಿಯೇ ಮೊದಲ ಪ್ರೈಯಾರಿಟಿ ಅಂದಿರೋ ಕ್ಯಾರಿ ಲ್ಯಾಮ್, ಎರಡನೇ ಅವಧಿಗೆ ಹಾಂಗ್ ಕಾಂಗ್ನ ಲೀಡರ್ ಆಗಲ್ಲ ಅಂತ ಸ್ಪಷ್ಟಪಡಿಸಿದ್ಧಾರೆ. ಹಾಂಗ್ ಕಾಂಗ್ನ ಸೆಕೆಂಡ್ ಮೋಸ್ಟ್ ಸೀನಿಯರ್ ಅಧಿಕಾರಿ ಎನಿಸಿಕೊಂಡಿರೋ ಚೀಫ್ ಸೆಕ್ರೆಟರಿ ಜಾನ್ ಲೀ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿ, ಚೀಫ್ ಎಕ್ಸಿಕ್ಯುಟಿವ್ ಎಲೆಕ್ಷನ್ಸ್ಗೆ ಸ್ಫರ್ಧಿಸಬಹುದು. ಅವರೇ ಹಾಂಗ್ಕಾಂಗ್ನ ಮುಂದಿನ ಲೀಡರ್ ಆಗಬಹುದು ಎನ್ನಲಾಗ್ತಿದೆ. ಗ್ಲೋಬಲ್ ಫೈನಾನ್ಷಿಯಲ್ ಹಬ್ ಅಂತಾನೇ ಕರೆಸಿಕೊಳ್ಳೋ ಚೀನಾ ನಿಯಂತ್ರಣದ ಹಾಂಗ್ ಕಾಂಗ್ ಈ ಹಿಂದೆ ಬ್ರಿಟೀಷ್ ವಸಾಹತು ಆಗಿತ್ತು. 1997ರಲ್ಲಿ ಬ್ರಿಟೀಷರು ಇದನ್ನ ಚೀನಾಗೆ ಬಿಟ್ಟುಕೊಟ್ರು. ಅಲ್ಲಿಂದ ಇಲ್ಲಿವರೆಗೆ ಒಟ್ಟು ನಾಲ್ಕು ಚೀಫ್ ಎಕ್ಸಿಕ್ಯುಟಿವ್ಗಳನ್ನ ನೋಡಿದೆ ಹಾಂಗ್ ಕಾಂಗ್. ನಾಲ್ವರು ಕೂಡ ಹಾಂಗ್ ಕಾಂಗ್ನ ಕೆಲ ನಾಗರಿಕರಲ್ಲಿರೋ ಪ್ರಜಾಪ್ರಭುತ್ವ ಪರ ಒಲವು ಮತ್ತು ಚೀನಾದ ಕಮ್ಯುನಿಸ್ಟ್ ಪಕ್ಷದ ನಾಯಕರ ವಿಷನ್ ನಡುವೆ ಬ್ಯಾಲೆನ್ಸ್ ಕಾಯ್ದುಕೊಳ್ಳಲು ಸಾಕಷ್ಟು ಪ್ರಯತ್ನಪಟ್ಟಿದ್ದಾರೆ. ಕ್ಯಾರಿ ಲ್ಯಾಮ್ 2017ರಲ್ಲಿ ಎಲೆಕ್ಷನ್ ಗೆದ್ದು ಚೀಫ್ ಎಕ್ಸಿಕ್ಯುಟಿವ್ ಆದ್ರು. ಇವರ ಅಧಿಕಾರಾವಧಿಯಲ್ಲಿ ಚೀನಾ ನಿಯಂತ್ರಣ ವಿರುದ್ಧ, ಪ್ರಜಾಪ್ರಭುತ್ವ ಪರ ಭಾರಿ ಪ್ರತಿಭಟನೆಗಳು ನಡೆದಿದ್ವು. ಇದನ್ನ ಗಮನಿಸಿ 2020ರಲ್ಲಿ ಚೀನಾ ಸರ್ಕಾರ ಇಲ್ಲಿ ನ್ಯಾಷನಲ್ ಸೆಕ್ಯೂರಿಟಿ ಲಾ ಅನ್ನ ಹೇರಿಬಿಡ್ತು. ಅಲ್ಲಿಗೆ ಹಾಂಗ್ ಕಾಂಗ್ ಜನರ ಜೀವನದ ಮೇಲೆ ಚೀನಾ ನಿಯಂತ್ರಣ ಮತ್ತಷ್ಟು ಹೆಚ್ಚಾಯ್ತು. ಸರ್ಕಾರದ ವಿರುದ್ಧ ಯಾರೇ ಪ್ರತಿಭಟನೆ ಮಾಡಿದ್ರು ಅವರನ್ನ ನ್ಯಾಷನಲ್ ಸೆಕ್ಯುರಿಟಿ ಲಾ ಅಡಿಯಲ್ಲಿ ಅರೆಸ್ಟ್ ಮಾಡುತ್ತೆ ಚೀನಾ.
-masthmagaa.com
Contact Us for Advertisement